Page Text
________________
१२८
जुगाइजिदि-चरियं
इवद्धेणं नाडणं विउलाई भोगभोगाई भुंजमाणे विहरइ । तए णं तस्स सक्क्स्स आसणं चलइ । आसणं चलियं पासित्ता ओहिं पउंजइ परंजित्ता भगवं तं ओहिणा आभोएइ आभोइत्ता हट्ठे तुट्ठे सिंहासणाओ अब्भुट्ठेइ अब्भुता सत्तपयाइं तित्थयराभिमुहं गच्छइ गच्छित्ता भत्तिभरनिब्भरेण पणामं करेइ करिता सिंहासनसन्निसणे जीयकप्पं सरइ किच्च मेयं तीयमणाय वट्टमाणाणं सक्काणं तित्थयरस्स जम्मणमहिमं करितए, तं गच्छामि णं अहं पि भगवाओ तित्थय रस्स जम्मणमहिम करेत्तए त्ति कट्टु एवं संपइ संपेहित्ता हरिणेगमेसि पायत्ताणीयाहिवरं देवं सद्दावेइ सहावेत्ता एवं वयासी" खिप्पामेव भो ! सभाए सुहम्माए मेघोघरसियगंभीर-महुर-सदं जोयणपरिमंडलं सुघोसं सुस्सरं घंटं तिक्खुत्तो उल्लालेमाणे, उल्लाले माणा महया महया सद्देणं उग्घोसेमाणे उग्घोसेमाणा एवं वयाहि-- "आणवेइ १, णं भो ! सक्के देविंदे देवराया गच्छइ णं भो ! सक्के देविंदे देवरया जंबुद्दीवं दीवं भारहं वासं भगवओ तित्थयरस्स जम्मण महिमं करितए, तं तुब्भे वि य णं देवाणुप्पिया ! सव्विड्ढीए सव्वजुईए सव्वबलेणं सव्वसमुदएणं सव्वायरेणं सव्वविभूईए सव्वविभूसाए सव्व - संभमेणं सव्वनाडएहिं सव्वोवरोहेहिं सव्व-पुप्फ-गंध-मल्लालंकार - विभूसाए सव्व दिव्व तुडिय - सहसन्निणाएणं महया इड्ढीए नियग नियग परिवारसंपरिवुडा सयाई सयाइं जाणविमाण वाहणारं दुरूढा समाणा अकालपरिहीणमेव सक्क्स्स अंतियं पाउब्भवह ।"
" तरणं से पायताणीयाहिवई देवे तं सक्कसासणं सम्मं विणएणं पडिसुणेइ पडिसुणित्ता जेणेव सुहम्मा सभा जेणेव सुधा घंटा तेणेव उवागच्छइ उवागच्छित्ता सुघोसं घंटं तिक्खुत्तो महया महया सद्देणं उल्लालेई । तए णं तीए उल्ला लियाए समाणीए सोहम्मे कप्पे अण्णेहि एगूणेहिं बत्तीसाए विमाणावास - सय सहस्सेहि अण्णाई एगूणाई बत्तीसं घंटा - सय सहस्साइं जमगसमगं कणकणारावं काउं पवत्ताई ।
तए णं सोहम्मे कप्पे पासाय- विमाण- निक्खुडावडिय सह समुट्ठिय-घंटा डिसुय-सय- सहस्स संकुले जाए यावि
होत्था ।
तए णं तेसि सोहम्मदवासी बहूणं वेमाणियाणं देवाण देवीण य एगंत रइ-पसत्ताणं निच्चप्पमत्ताणं विसय- सुहमुच्छियाणं सूसर - घंटारसिय- विपुल-बोलपूरिय-चवल पडिवोहणे कए समाणे घोसण- को ऊहल-दिण्णकण्णएगग्गमाणसा से पायताणीयाहिवई देवे तंसि घंटारवंसि निसंतं पडिनिसंतंसि समाणंसि तत्थ तत्थ तहिं तहि देसे देसे महया महासणं उग्घोसेमाणे उग्घोसमाणे एवं वयासी -- "हंत ! सुणंतु णं भवंतो सोहम्मकप्पवासी बहवे वेमाणिया देवा य देवीओ य सोहम्मणो वयणं हियं सुहृत्थं आणावेइ णं भो ! सक्के देविदे देवराया जहा सब्वे वि भवंतो निय निय परिवारसंपरिवुडा विविहजाणविमाणवाहणेहिं दुरूढा समाणा खियामेव सक्कस्स देविंदस्स देवरण्णो अंतियं पाउन्भवह ।" गच्छइ णं सक् देविंदे देवराया इहेव जंबुद्दीवे दीवे भारहे वासे विगीयाए भूमीए नाहिकुलगरघरे पढमतित्थय रस्स जम्मण - महिमं करित्तए । तए णं ते देवा य देवीओ य एयम सोच्चा हट्टतुटु चित्तमानंदिया हरिसवसविसप्पमाणहियया अप्पेगईया वंदणवत्तियं, अध्पेगईया पूयणवत्तियं अप्पेगईया सक्कारवत्तियं अप्पेगईया सम्माणवत्तियं, अप्पेगइया भत्तिबहुमाणेणं, अप्पेगइया दंसणको उहल्लेणं, अप्पेगइया सक्कवयणमनुवतेमाणा, अप्पेगइया अण्णमण्णमगुयत्तमाणा, अगया जीयमेयं ति कट्टु सक्क्स्स अंतियं पाउन्भवंति ।
तणं से सक्कपालयं नाम आभिओगियं देवं आणवेइ - - " खिप्पामेव भो ! अणेग-खंभ-सयसणिविट्ठ लीलट्ठियसालिभंजिया कलियं हा मिग- उस ह - तुरग-नर-मगर- विहग वालग-कन्नर - रुरु- सरभ- चमर-कुंजर- वणलय-पउमलयभत्तिचितं खंभुग्गय- वइर- वेइया परिगयाभिरामं बहुपुण्णपावणिज्जं अच्चीसहस्स - मालिणीयं रूवग सहस्सकलियं चक्खुल्लोयणलेसं सुहफासं सस्सिरीयरूवं घंटावलि चलिय-महुर-मणहर सर सुहं कंतं दरिसणिज्जं निउणोविय मिसिमिसितमणि-रण- घंटिया - जाल - परिखित्तं जोयणसयसहस्स - वित्थिष्णं पंच-जोयण-सयमुव्विद्धं सिग्घं तुरियं जइणवेगदिव्वं जाण१. आणावयणं भो० जे० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |