Page Text
________________
कुलकरवत्तव्वया
११९
दाणं वेयावच्चरइबहले । वेयावच्चं दसविहं तं जहा-आयरियवेयावच्चं, उवज्झायवेयावच्चं, थेरवेयावच्चं, तवस्सिवेयावच्चं, गिलाणवेयावच्चं, सेहवेयावच्चं, साहम्मियवेयावच्चं, कुलवेयावच्चं, गणवेयावच्चं, संघवेयावच्चं, तं पूण एक केक्कं तेरसविहं
भत्ते-पाणे-आसण-पडिलेहा-वत्थ-पाय-भेसज्जे । अद्धाण-दुट्ठ-तेणे-दंडग-गेलण्ण-मत्ततिए ।। १०७३ ।।
भत्तपाणवेयावच्चं नाम-नायागयाणं कप्पणिज्जाणं देसकालोचियाणं आयाणुग्गहबुद्धीए आयरियाइणं दसण्हं असण १ पाण २ प्पयाणं, आसणवेयावच्चं एएसि चेव आयरियाईणं आसणेण निमंतणं ३ । पडिलेहा वेयावच्चं-एएसि चेववत्थपायाईण पडिलेहणं ४। पायवेयावच्चं पुण-एएसिं चेव भगवंताणं पायपक्खालणं पत्तदाणं वा । वत्थवेयावच्चंवत्थदाणं पक्खालणं वा ६ । भेसज्जवेयावच्चं-अणेगओसहप्पयाणं पच्छदाणं वा ७ । अद्धाण वेयावच्च-एएसि चेव कंतारमणुप्पविट्ठाणं असणाइदाणं विस्सामणकरणं वा ८ । दुट्टवेयावच्चं-जहासत्तीए दुट्ठाण निवारणं ९ । तेण-वेयावच्चं तेहिं तो तेसिं रक्खणं १० । दंडगवेयावच्चं-गच्छंताणं दंडगसमप्पणं आगयाणं गहणं ११ । गेलण्णवेयावच्चं । एएसि चेव जराइरोग-गहियाणं सव्वप्पयारेण पडियरणं १२ । मत्ततियवेयावच्चं इमाणं चेव आयरियाईणं उच्चार-पासवण-खेलाइ-मत्तगतिगसमीवधारणं १३ । एवं तेरसविहं वेयावच्चं कुणंतो नियमा आयरियाईणं समाहि उप्पाएइ । समाहिउप्पायगेणं जीवे तमेव समाहिं भवंतरे पडिसंवेदेइ अपुव्वनाणगहणं जं वा तं वा अपुव्वं पढमाणे वा सुणमाणे वा अणुप्पेहेमाणे वा वाएमाणे वा देसभाणे' वा तित्थयरनामगोत्तं कम्म बंधइ १८ । सुयभत्ती नाम सुयस्स वा सुयहराण वा भत्तिबहुमाणं कुणंतो तित्थयरत्तं निव्वत्तेइ १९ । पवयणपभावणा नाम जं धम्मदेसणाईहि' पवयणं पभावेइ तं पभावंतो तित्थयरत्तं लहइ २० । एएहि वीसहि ठाणेहिं बहुहा आसेविएहिं पुरिमपच्छिमतित्थयरेहिं तित्थयरनाम कम्म उवज्जियं । बावीसं पुण तित्थयरा पुव्वावरविदेहगा य तित्थयरा वीसं वा एक्कं वा दो वा तिण्णि वा फासित्ता तित्थयरनामगोयं कम्म निवत्ति ति पट्ठवगो पुण तित्थयरनाम-गोयकम्मुणो नियमा मणुयगईए इत्थी वा पुरिसो वा जोगनपुंसगो वा सुहलेसो इमेहि चेव कारणेहिं बहुलमासेविएहिं एवं तेण वि भगवया वइरनाहेण अरहंताई वीस ठाणाणि फासिऊण तित्थयरनामगोतं कम समज्जियं ति ।
बाहुणा वेयावच्चकरणेण चक्किभोगा निव्वत्तिया । सुबाहुणा वि वीसामणाए बाहुबलं निव्वत्तियं ॥१०७४।।
पच्छिमेहिं दोहिं गुरुं पइ ताय-मायाए इत्थिनामगोत्तं कम्मं समज्जियं ति । तओ अहाउयमणुपालित्ता पंच वि कालं काऊणं सव्वदृसिद्धे विमाणे तेत्तीस-सागरोबमठिइया देवा उववण्णा । परमसुहसागरावगाढा कालं गमेंति ।
संपयं कुलगरवत्तव्वया भण्णइ ।
अत्थि इहेव जंबद्दीवे दीवे पुव्वविदेहे वासेसु सम्म नामनयरं । तत्थ णं दुवे वाणियगा सह जाया सह पंसुकीलिया अण्णमण्णसिणेहाणुगया समग चेव ववहरंति । तत्थेगो मायावी बीओ पुण उज्जुगो । तत्थ जो सो मायावी सो तं उज्जगं धणेण वा धण्णेण वा वत्थेण वा पत्तण वा खाणेण वा पाणेण वा सव्वत्थ अइसंधेइ। सम्म सम्मेण ववहरइ । दो वि पुण दाणरुई' । एवं वच्चइ कालो। अण्णया जो सो उज्जुओ सो कालमासे कालं किच्चा इमीए ओसप्पिणीए सुसमदुसमाए बहुवीतिक्कंताए पलिओवमट्ठभागे सेसे इहेव जंबुद्दीवे दीवे भारहे वासे अड्ढभरहमज्झिल्लतिभागे गंगा-सिंधूणं मज्झे एगस्स मणुयजुयलस्स मिहुणत्ताए पच्चायाओ । तेण पुण उज्जुगं तेण दाणवसणेण य माणुसत्तं लद्धं । जओ
पयईए तणुकसाओ दाणरओ सील-संजमविहूणो । मज्झिमगुणेहिं जुत्तो मणुयाउं बंधए जीवो ॥१०७५।। १. वाएमाणे वा तित्थ० जे० । २. ०णाहिं पाः । ३. रइ एवं जे० । ४. दुसमसुसमाए जे० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |