Page Text
________________
११६
जुगाइजिणिद-चरियं
अप्पणा वि सिरिमईए सह अदिविप्पओगं सिणेहसारं विसयसुहमणहवंतो कालं गमेइ । अण्णया रयणिविरामे ससज्झसा सिरिमई समागंतुण वइरजंघस्स साहेइ-जहा! “अज्ज ! अज्ज सूमिणगम्मि ममोदराओ निग्गंतुण कण्हाहिणा तुमं महं व दो वि दट्ठाई।" तं सुणिय संकियहियओ 'भीरू न भाइयव्वं' ति भणिऊण मोणमासिओ राया। विसज्जिया सिरिमई गया । सट्टाणं, संभूओ गब्भो, कमेण पसूया, जाओ दारओ, पइट्टावियं समए नामं वइरगुत्तो । अट्ठवारिसिओ समप्पिओ कलायरियम्स कारिओ कलागणापतो जोव्वणं गाहिओ पाणिं पहाणवंसुम्भवाणं रायकण्णाणं विससुहमणहवंतो चिट्टइ।
वइरसेणो वि राया लोयंतियदेवपडिबोहितो संवच्छरमच्छिण्णं किमिच्छियं दाणं दाऊण नियसुएहि भत्ताणुरत्तागणरवईहिं य परिवारिओ पोक्खलपालपुत्तस्स रज्जं दाऊण पडग्गलग्गतणं व विहणिऊण रज्जं महाविच्छड्डेण निक्खंतो तवग्गिदड्ढघणघाइकम्मिधणो केवलनाणमुप्पाडिऊण धम्म देसंतो विहरइ ।
अण्णया कयाइ पोक्खलपालस्स के वि रायाणो विसंवइया। तओ तेण वइरजंघो समाहूओ सिरिमई य । वइरजंघो वि पुत्तं रज्जे ठविऊण सिरिमईए सह महया खंधावारेण संचलिओ। आगच्छंतो य सरवणासण्णे जणेण भणिओ"महाराय ! एस मग्गो ट्ठिीविससप्पेहिं अभिद्द तो । तओ तं पहं परिहरिऊण परिमियपयाणएहिं पत्तो पुंडरिगिणीं। सुयं च विवक्ख-नरवईहिं वइरजंघागमणं । तओ ते संकिया सयमेव पोक्खलपालस्स सेवामुवागया। कइवयदिणाणि तत्थेव गमेऊण पोक्खलपालेण संपूईऊण विसज्जियाणि पत्थियाणि सनयरं । सरवणासन्ने पुणो वि जणेण भणियाणि-- "सामि ! सरवणमज्झेणं चेव गंतव्वं जओ केवलनाणं तत्थ ठियस्स साहुणो समुप्पण्णं । देवा य तस्स महिमट्ठा ओइण्णा देवुज्जोएणय। पडियं दिट्टीगयं विसं। अओ निन्विसो जाओ दिदीविसो भयंगमो । तओ सरवणे गंतूण आवासिओ वइरजंघो। दिदा य तत्थ तव-लच्छि पडिहत्था, सरय-सलिल-सच्छहियया, पडिपूण्णपूणिम चंदसोमवयणा, समुप्पण्णकेवलवरणापदसणा, सिरिमईए सहोयरा, अट्ठारससीलंग-सहस्सधरा सागरसेण-मुणिसंगाभिहाणा अणगारा । वंदिया तेहिं सबहुमाणं । निसुओ सावय-धम्मोवएसो । पडिल भिया फासुएणं एसणिज्जेणं असण-पाण-खाइम-साइमेणं। वंदिया भावसारं । तओ 'ताणि पडिलाभिस्सामोत्ति तुद्राणि पडिलाभमाणाणि वि तुद्राणि पडिलाभिएस वि तुद्राणि हरिसवस-रोमंचियाणि तेसिं चेव महामुणीणं गणे3 अणगणताणि--'अहो! महाणभावा सागरसेण-मणिरुणा, सहलीकय-निय-जम्म-जीवियफला अम्हे वि वि मुक्करज्जधुर-वावाराइं कयाइं मन्ने निस्संगाइं विहरिस्सामोत्ति विराग-मग्गमोगाढाई कमेण वहंताई पत्ताइं लोहग्गलं । वयरगुत्तेण वि रज्जत्थिणा ताण विरहकाले सामंता अमच्चभडभोइया दाण-सम्माणेहिं रंजेऊण वसे कया विसज्जिया सेसपरियणाणि य । पओससमए वासभवणमुवगयाणि पुत्तेण वि मुणिजणगुणगहणरयाणि अदिट्ठाणाभट्ठसुहिसयणाणि विसधूमपओगेण मारियाणि। जओ
उप्परवाडई आविसइ तेण उ कयं तह हत्थु । कहिं वि अवारिहिं वालिसइ जहि संवलु न वि सत्थु ॥१०६७।। जहि संवलु न वि सत्थु जहि न दंसणु सज्ज सुयणिहि । जहिं बंधुहिं ववहारु होइ वेहिं वि न हु वयणिहिं ॥१०६८॥ तेण उ कयं तह हत्थु कहिं वि एहइ संपाडइ। लहु आविसइ हयासु एहु पर उप्परवाडई ।।१०६९।।
मज्झिमगणजोगओ मरिऊण उत्तरकुराए वइरजंघो मिहणगो सिरिमई मिहणिया संजाया । भवपच्चएणेव पयणुकसायाणि निम्ममाणि निरहंकाराणि सिणेहसार-विसयासेवणतप्पराणि तिन्नि पलिओवमाणि जीविऊण सोहम्मे कप्पे तिपलिओवमाउया दो वि देवा जाया । तत्थ वि परमसिणेहेण निययाउयं परिपालिऊण चया समाणा इहेव जंबद्दीवे
१ निव्विसा जाया दिदिविसा भयंगमा पा० । २. ओ धम्मो जे० । ३. गुणिंतागि जे०। ४.या मन्ने पा० ।५. रंगला व० । जे०। ६. आदिट्टा पा० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |