Page Text
________________
वरजंघकुमार कहा
११५
सालिणी ! विणिग्गहेसु मयण- जर जणियसंतावं ? असाहारणे ! किं खिज्जसि सुण्णहियए ? नियसहावाओ निम्गयंपि अप्पाणं नावेक्खसि ! अंतो संकप्प- रइय- सुरय-समागम - सुह-रस- निमीलियनयणे ! संनिमीलेसु लोयणजयलं संपत्ती एस सो जो | एवं जावेस वृत्तंत्तो वट्टइ जुवईणं ताव य दिट्टिपमुवागओ कुमारो ।
अ उल्लावा दि कुमरम्मि पुरपुरंधीण । एवंविहा पयट्टा वावारा मयणविहराण ।। १०३५ ।। काओ वि वामकरयल- दप्पणहत्था सहति जुवईओ । विष्फुरिय- चंदमंडल - पुण्णिमराई तुलतीओ ।। १०३६ ।। अण्णा जावयरसराग चलण-परिपाडला विरायंति । कमलवणपीयवालायव व्व नलिणीओ रामाओ ।। १०३७ ।। तुरियपहा वियपरिगलियमेहला खलियमंदसंचारा -1 संकलसंदाणिय मंदगइवहागयवहूओ व्व १०३८ ।। उणय गरु-पओहर - इंदाउह - भूसणाओ काओ वि । पाउसलच्छि सरिच्छा वियसिय कंदोट्टनयणाओं ।। १०३९ ।। सुररिपुलिसवित्रु' जहणाभोगाउ तत्थ अण्णाओ | तुरंतीओ वि दढं चिरेण पावेंति दाराई ।। १०४० ।। गुरुयण गुरुलज्जा वि नडियाओ अन्नाओ चित्तलिहिय व्व । गयचित्ताओ न वयणं भणियाओ दिति वालाओ ||१०४१ ।। ईसायरस पण दिट्ठि कह कह वि वंचिओ अण्णा । हरिसविसायाणुगया अच्छइ कुमरं पलोयंती ।। १०४२ ॥ तुरिय-पहाविय - नीसास-पवणहरियंसुया हसिज्जंति । सहियायणेण अण्णा गयलज्जा झत्ति वोलीणा ।। १०४३ ॥ मत्त करि-कुंभविभम थणहर - विणमंत - मज्झ देसाओ । तरुणत्तणे वि थेरत्तणाई धारिति अण्णाओ ।। १०४४ ।। काओ वि करयलट्ठियमोत्ताहल-थोरतारहाराओ । फलिहक्ख, माल वावड-ज्झाणट्टियजोगिणीओ व्व ।। १०४५ । अट्टालय - पालय-गवक्खवर मंचमालमिलियाहि । रच्छासु पिंडिया हि परोप्परं विवयमाणाहि ।। १०४६ || एए एइ कुमरो हला हला एहि जंपमाणीहि । पुरसुंदरीहिं कुमरो एरिसदिट्ठीहि सच्चविओ ।। १०४७।। अइतार-तरल-पम्हल-दीहर-आयंब-धवल - कसिणाहि । दिट्ठीहिं रायतणओ पुलइज्जइ तरुणविलयाहिं ।। १०४८ ।। वित्थरियनयण-पप्फुल्ल - कुसुममालाहि मालिओ कुमरो । वड्ढियनयणाणंदो ताराहिवपुण्णिमायंदो ।। १०४९ ।। areer ला लिए' समत्थजियलोयकयमणाणंदे । मयलंछण व्वं कुमरे दिट्ठीओ पडंति जुवईण ॥ १०५० ।। सो को वि अणण्णसमो गुणपव्भारो णरिदतणयस्स । अच्छीहि पियपाउ अहिलसिओ जेण जुवईणं ।। १०५१ । रायणम जाओ अणुराओ मुद्धतरुणविलयाण । दुग्गयमणोरहो विव अव्वो हिययं चिय विलीणो ।। १०५२ ।। संमुहमितो आणंदवाह-परिपूरियाहि अण्णाहि । नयणेहिं नवरि दिट्ठो अदिट्ठपुव्वो व्व विलयाहिं ।। १०५३ ।। सिपि जत्थ पडिया भमुहा धणुपसरिया कुमारस्स । कह कह वि दिट्ठिबाणा हिययं सल्लिति जुवईण ।। १०५४ । । संल्लेइ कण्णकुमरो इमाए रतंततिक्ख विसमाए । भमुहा कोदंडविणिग्गयाए अद्धच्छिभल्लीए || १०|५५ | जे समुहागय वोलितकुमरपट्टवियणयणविच्छेहा । ते च्चिय वम्महबाणा जाया जुवईण हियए ।। १०५६ ।। जुवईण सरसवियसिय-मयरंदुद्दामपंकयसमाई । सिरिकुमराइच्चपलोइयाई जायाई वयणाई ॥। १०५७।। मयणनडियाओ दूरं कुमरं दट्ठूण होंति काओ वि । निच्चलठाणा उ पुणो अण्णाओ चित्तलिहिय व्व ।। १०५८ । झूरइ ससइ वियंभइ दीहूं नीससइ कामिणी सत्थो । किं सन्निवायगहिओ किंवा मयणाउरो कुमरो ।। १०५९ ।। पच्छायंतीण वि पुरवहूण रोमंचकंचुइल्लाई । हुंति कुमारे दिट्ठे अंगाई गुरुण पुरओ वि ॥ १०६० ॥ आलावा वावारा दिट्ठिच्छो हाय पुरपुरंधीण । तह जाया जह मयणो वि तूसणमयणाउरो जाओ ।। १०६१। किं मयणो किं वहरी हरु व्व किं एस रायवरतणओ। एसा वि रई लच्छी गोरी वा होज्ज किं बाला ।। १०६२ ।। पुत्रं पुत्रं चिग्ण अणभवे वालियाए एयाए । अण्णह सोहग्गनिही कह लब्भइ एरिसो भत्ता ।। १०६३ ।। एमइ सनुल्लावे सुणमाणो जणियसयल - पुरखो हो । सणियं सणियं सच्चविय सयलदिसिमंडला भोओ ।। १०६४।। कुलपरिवाडिसमा गयपहाणवसुब्भवेहि पुरिसेहिं । अविमुक्कदारदेसं नियभवणं पत्थिवो पत्तो वढावणयमहूसवपुरस्सरं पूर्वऊण पुरलोयं । कोमलगिराए राया विसज्जिए निययठाणेसु
।। १०६५।। ।। १०६६ ।।
१ सुवित्थण्णु जे० । २ पिंडियाहियं पा० । ३ लानिलए पा० । ४. हि चिय पा० । ५. वयणेहि पा० । ६. तणुपस० पा० । ७. वि तूण मय० जे० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |