Page Text
________________
११४
जुगाइजिणिंद-चरियं
दळूण सूरपुरिसं उदयत्थ कायरो व्व समरम्मि । संकोडियकरनियरो नट्टो चंदो निराणंदो ॥१०२५।।
एयं सोऊण विउद्धो कुमारो। कयगोसकरिणज्जं, पणओ देव-गुरू-चलणाण, तओ पणामपुरस्सरं भणिओ वइरसेणो कुमारेण-"ताय ! विसज्जसु मं । तेण भणियं--"कुमार ! चिट्ठसु इहेव कइवयदिणाणि।" तयणुरोहेण ठिओ कुमारो। अण्णया पुणो वि भणिओ-"ताय ! विसज्जेसु मं।" तओ नाऊण कुमरनिच्छयं समं सिरिमईए पहाणपरियणेण य विसज्जिओ बाहुल्ललोयणेणं । पुणो पुणो सिरिमई नियंतेणं दइया सहिएण इमं भणितो कुमारोणरिदेण-जम्मतरनेहेणं कुमार ! तुह सिरिमईए संबंधो घडिओ । तह वि भणिज्जसि हविज्ज भद्दाए भहो त्ति ।।
कुमरेण तओ भणियं, निययगुणेहिं पि सिरिमई गरुया । तह वि हुजं गिरिगरुओ वि ताय तज्जेसि सो' कप्पो ॥१०२६।। चंदण-चच्चियदेहा नियत्थसु पसत्थ-वत्थ-रुइरंगी। नर-नारि-नयण-कुवलय-करंबिया सेसगायलया ॥१०२७।। नियजणणि-जणय-परियण-सोयासिणि-बंधवग्ग-परियरिया । कुमरेण समं कुमरी संचलिया निययगेहाओ ।।१०२८।। थेवंतरं तु गंतुं दइया सहियस्स वइरसेणस्स । विहियपणामो सह सिरिमईए तेहिं अणुण्णाओ ।।१०२९।। धवलगइंदारूढो धवल-जसो धरियधवलपुंडरिओ । धवलाहिं चामराहिं चलियकुमारो ढलंतीहिं ।।१०३०।।
दिद्विपहंतरिए कुमरे सपरियणो सभवणमागओ वइरसेण नराहिवो । कुमारी वि सुहप्पयाणएहि कमेण वहतो पत्तो लोहग्गलं नयरं। आवासिओ नयरबाहिरियाए निग्गया पच्चोणीए सनागरा अमच्च-सामंतादओ कयकुमारपणामा निसण्णा समचियासणे सूट्रिया खणनिमित्तं नाणाविहसंकहाहिं, काराविया पुरवरे महारिद्धीए हसोहा । तओ जोइसियसूइए सुहमुहुत्ते भणियं कुमारेण--"पउणी करेह वाहणं । तओ पणामपुरस्सरं भणियं हत्थिपालेण--
"देव ! आरोह-करफालण' गलगज्जिय-तारमंद्र' गुरुसद्दो । वामविसाण-सुसंठिय-दीहर-करथोर-सोहिल्लो ॥१०३१।। अणवरयदाण-पसरिय-मग्गणभमरोलिवढियाणंदो । केलास-सिहरतुंगो महानरिंदो व्व जयपयडो ।।१०३२।। . कुंभाभोग-विणिम्मिय-कंचणमालाए संगओ रम्मो । कुंदेंदु-संख धवलो सविज्जुलो सरयमेह व्व ।।१०३३।। दरुण्णय-पव्वसरीर-भाग-विणमंत किं चि पच्छद्धो। अइरावणसारिच्छो पउणो च्चिय वारणो एस ॥१०३४।।
तओ समारूढो सह सिरिमईए कुमारो । चउरंगबल-परियरिओ मंदं मंदं गंतुं पयट्टो । सोऊण कुमारागमणं संखुहिओ णयरलोओ। सिंघाडग-तिय-चउक्क-चउम्मुह-महापह-पहेसु संपिंडिओ चिट्टइ । विसेसओ पयडी-भूयवम्महरसागं पुरसुंदरीणं । एवंविहा समुल्लावा वद॒ति । अवि य-“अइतुरियसंपट्ठिए ! किं न पडिवालेसि समं ? कुमार दंसगुम्मते ! गेण्हसु उत्तरीयं। उवयार-कुसुम-खलंतचलणे ! किं न गुरूणं पि लज्जेसि? अइदारुणे! संजमेसू तडविय सिहि-कलाव-विब्भमं विहर-पब्भारं? अइसोहग्ग-गव्विए! किं णोल्लेसि सुरसरि-पुलिण वित्थडेणं नियंब-बिवेणं? कुमारदंसस्सुए! उक्खिवसु किंकिणीसणाहं कंची-कलावं वियलंतनियंबाओ, ! संठवेसु पावे ! कवोल-मूल-दोलायंत रयणकनेउरं । हयहियए ! निवडियं पिण याणसि दंतपत्तयं ? गयलज्जे! किं न मणसि उक्खडियं पि एगावलिं? मयमते ! न याणसि वियलियं पि मुत्ताहारं ? जोव्वणगन्विए ! पुलइज्जतं वियड्ढलोएणं ठवेसु पओहरुच्छंगे । चत्तमज्जाए ! सिढिलीभूयं पि न लक्खेसि नियंसणं? अलियमद्धे ! तुरियं पहावसु जइ दिट्टणं कज्जं? अइकोउहल्लनडिए! कित्तियं पलोएसि? तरलियहियए ! परियणस्स वि न लज्जेसि ? गहविनडिए ! वियलयसि चया हसिज्जसि लोएणं । रागावुरियनयणे! न पेच्छसि सहीयणं? अणेगसंकप्प-पूरियचित्तै ! किमकारणायासिय-हियया दुक्खमप्पाणं धरेसि? मिच्छाविणीए ! किमण्णववएसपुलइएहिं वीसत्थमवलोएइएहिं ? जोव्वणसालिणी! किं पीडेसि पओहरभारेण ? अइकोहणे! देसु अवयासं। मच्छरिणि ! किमेगागिणी रुंधसि गवक्खं ! मयणपरव्वसे! पंगुरेसु सिंचयं। रागावसत्ते ! निवारेसु अत्ताणयं। उज्झियलज्जे! किं धावसि गुरु-पच्चक्खं ? उल्लसंतसहावे ! किमेवमाउली होसि ? अइजोव्वण
१. य तज्जेसि ओ० । २. कर फलेण जे । ३. मंदगुरु पा०। ४. मालाव संग जेल । ५. एयारिसा समु० पा० । ६. लक् खसि पा०। ७. तरल पा० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |