Page Text
________________
वइरजंघकुमारकहा
११३
दप्पणा, उभयपास-निबद्ध-चंदणमाला, दुवारदेस-विमुक्क' पयपुण्ण-पउमप्पिहाणकणय-कलसा, मणिमय-पईवपणासियंधयारा, निधुयणरसमरसाहस, बियड्ढसहियाहिं सिक्खविज्जती पुप्फ-विलेवणाइयं सव्वं पओयणं काऊण भद्दासणे गया कमलिणी विव दिणयरं जलहिवेला विव मयलंछणं, विरहिणी विव जलहरं, रायहंसिया विव माणसं, महुयरावली विव वसंतसमयं तं चेव हिययवल्लहं चितयंती चिद्रइ ।
एत्थंतरम्मि कुमरो निव्वत्तिय सयलसंझकरिणिज्जो । वासहरं पइ चलिओ परिमियपरिवारपरियरिओ॥१०१०।। तओ पढियं समयपाढगेण बयरीफलेहिं मोत्ताहलाइयं कायकोइलेहिं व हंसाइयं जलेहिं वि सुरसरि-सलिलाइयं-- देव ! उड्ढं अहो तिरिच्छं पसरिय-कर-नियर-
पय-तिमिरेणं । तुह जसधवला विधरा पुणो विधवलीकया ससिणा।।१०११।। अण्णेण पढियं-- ससिसिप्पिएण करकुच्चएहिं धवलीकएसु भवणेसु । पुंडरिगिणी विराइयअमयरसेगं व ओहलिया ॥१०१२॥ इच्चाइ मागहाणं पओससंकित्तणं सुणेमाणो । खणमित्तेणं पत्तो विलासभवणं भुवणनाहो ॥१०१३॥
तं च केरिसं-- जलंतदीवराहयं विरायमाणपंकयं । फुरंत मोत्तिउभडं घडंतचंदणुक्कडं विदिन्न देवदूसयं विसट्टमाणगंधयं । विसालतुंगतोरणं वियड्ढचित्तचोरणं संसारसोक्खकारणं निबद्धमत्तवारणं ति ।।१०१४।। सहियण कहिया गमणो सरभसमुच्छुभिओ सिरिमईए । कइवयवयंससहिओ विसइ कुमारो रइ-गिहम्मि ॥१०१५।। उदयावलि व्व चंदो पल्लंके सहरिसं च उवविसइ । भद्दासणे निसन्ना आसन्ना सिरिमई तस्स ॥१०१६।।
कुमरकुरीण दोण्ह विपरिवारो अलियकज्जमुहिस्स । मायाविऊण चलिओ समयम्मि विसज्झिओ संतो ॥१०१७।। जओ-- जे मुणिय पहु-सहावा इंगिय-कुसला य देसकालन्नु' । कज्जे अविमूढमणा ते दुलहा सेवया हुंति ॥१०१८।। तओ सहियायणे निग्गए केरिसा जाया सिरिमई-सहियणो निग्गओ त्ति उव्विगा एस नियनाहो ति वीसत्था रूवाइगुणगणेहिं विजिय त्ति लज्जिया मह नयण-बाण-विभिन्न-हियओ मयणाउरो जाओ त्ति । गम्विया अमुणियपरमत्थ-सहावो' त्ति, भीया सुरसुंदरीणं पि दुल्लहो,प्ति, हरिसिया किमेत्थ भविस्सइ'ति, चिताउरा पइरिक्के लद्धो त्ति आणंदिया कि भणिस्सई' ति, दोलायमाणमाणसा मयणसत्थ-कोसल्लनिउणो' ति तुद्रा । एवं चिताउरा भणिया कुमारेण--"संदरि ! अलमलं लज्जाए हरिहरपियामह-पमुह-परम-पुरिससेविओ एस मग्गो' त्ति । भणंतेण आरोविया पल्लंके । तह वि न जंपइ खर-पवण-पहय-कप्प-लइय व्व केवलं कंपइ । जओ-. सहियायणो व एसा वियप्प-संकप्प-धीरिमा सत्तं । बालाण पिए दि? सज्झसं विहराण विलयंति ॥१०१९।। साणणयं सप्पणयं सदक्खिणं सोवयारमणुकूलं । भासतेणं सणियं सरीरमवगृहयंतेण ।।१०२०।। तह तेण सिरिमई सा अणवत्तंतेण लाइया अंगे । चइऊण सज्झसं जह जाया रइसमरसोडीरा ॥१०२१॥ सुरय-परिस्सम-घण-सेय-बिंदु-दंतुरियभाल-बट्ठाण । अण्णोण्णसमालिंगण-सुहरस-संपत्तनिदाण ।।१०२२।। सा सुहमय व्व रमणीअणुरायमय व्व अमयघडिय व्व । अण्णोन्नमतित्ताणं ताण खणद्धं च वोलीणा ।।१०२३॥ तओ पढियं अवसरसूयगमागहेण-- संपत्तसूरसंगा पुव्वदिसा मुहपिय व्व संजाया । वियसावियवरकमला निय तेयंतरियतेइल्ला ॥१०२४॥
१. लक्क पउमा पा० । २. नियण जे० । ३. विथट्टसिहि० जे०। ४. कुसमाल या जे० । ५. कालंतु जे० । ६. विजय ति लवज्जि० जे०। ७. भविस्सइ पा०। ८. विलयं ति जे०। ९. लाइयं जे०।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |