Page Text
________________
११२
जुगाइजिणिद-चरियं
वरनट्ट-गीय-वाईय-वद्धावणएण परमरम्मेण । सो सयलणयरलोओ परमं अच्छे रयं नीओ ॥९९०॥ नच्चंत-मडह-वामण-किराय-वर-रमणि-वार-विलयाणं । भवणच्छेरयभूयं वित्तं वद्धावणं तत्थ ॥९९१॥ परमाणंदरयाणं परोप्परं नेहनिब्भरमणाणं । वोलीणो सो दियहो पओससमओ समायाओ ॥९९२।। जम्मि य गरुयपयावो कर-वावारो वि दूरमोसरइ । सेवंतस्स पगामं सूरस्स वि वारुणि लोए ॥९९३।। अइदीहरगयणाभोगगमणसंजायखेयमुढियाणं । पाणत्थं पिव घेप्पइ तुरयाणं वारुणी रविणा ॥९९४।। अहि-मुहमलद्धपसरा तरुवर-छायाओ तह वि सह रविणा । अत्थंगयाओ अहवा नत्थि वियारो महंतीसू ।।९९५।। सरनरिंदत्थवणे कमलिणि-दइयाओ होति विमणाओ । अहवा वल्लह-विरहो भण कस्स न दूसहो होइ ॥९९६।। किं वणं घुसिणारुण-संझाराओ वियंभिओ गयणे । गुरु-पहरछेय-वासर-रुहिरुप्पीलो विव पल्लोट्टो' ॥९९७।। पंकय-नयणेहितो कमलिणि-दइयाण सूरविरहम्मि । नीहरइ भमरचंद्रं सकज्जलं वाहसलिलं च ॥९९८॥ अहिमयर-विओगानलतवियाए मुहम्मि पच्छिमदिसाए । संझा-कुंकुमरागं फुसइ तमो असुपवहो व्व ॥९९९।। सूरनरिंदत्थवणे संझा अल्लियइ बहुलतम-पडलं । अणवड्ढियरागाणं सइत्तणं नत्थि महिलाणं ॥१०००। घण-पसरिय-सलिलेण व तमेण अत्थगिरि-सिहरविणिहितो। ओहाविज्जइ अरुणो दवो व्व संझायवो सयलो।।१००१॥ विउडेइ तमगइंदो संझारागं तमालदलसामो । रत्तासोयवणं पि व वित्थरिओ महियलाभोगे ॥१००२।। दिट्रिपसरं निरंभइ गमणं वारेइ जीवलोगस्स । वडढत्तणं४ व धणियं वियंभमाणं महातिमिरं ॥१००३॥ तिमिरपडलेण दूरं लोयणजुयलं व तिहुयणं सयलं । कालपरिवढिएणं समुत्थयं चंचलसहावं ॥१००४।। ताव य पुव्वदिसामह-कमले तिमिरालयं वियंभंतं । अवणेइ पिययमो विव करेहिं चड्यारओ चंदो ॥१००५॥ उट्टितो विय चंदो परिचुंबइ पुवदिसिवहूवयणं । वड्ढियमयाण अहवा वि हीरणा नत्थि कज्जेसु ॥१००६।। उदयगिरि-मत्थयत्थं कलंब-कुसुमं व सहइ ससिबिबं । जोण्हारयधूसरियं पायडकर-केसर-सणाहं ॥१००७॥ तावय थोवंथोवं वोलितो उदयमहिहरं चंदो । रेहइ पुव्वदिसावह-मह-मंडण-तिलयसारिच्छो ॥१००८।। घुसिणारुणो वि चंदो जाओ परिपंडुरो वि वड्ढंतो । दोसा सत्ताणमिणं थोवं चिय रागकलियाण ।।१००९।। उदयसिहरस्स उरि जह जह संठाइ चंदिमा नाहो। अकुलीणो विव तह तह मयभावं पायडं कुणइ ॥१०१०॥ ससिणो करपब्भारो तम-नियरगइंदविउडणो सहइ । मुत्ताहल-नियरो विव हरिणो नहविवरपडिलग्गो ॥१०११।। रयणि-रमणी-पहारावलि व्व नहगंग-फेणमाल व्व । पवियंभइ ससि-जुहा कुमइणिजुबईए १°दूइ व्व ।।१०१२।। ससि-दइयधवलियाए जामिणि रमणीए सहइ इह खत्तं । चंदणरससारिच्छं अइधवलं''चंदिमा पडलं ॥१०१३।। मित्त-विओगानल-तावियाओ नलिणीओ परिहरिजंति । भसलेहिं अहव मइला २ आवइ पडियं न सिंचिति ॥१०१४।। सूरनरिंदत्थवणे चंदोअहि हवइ कमलिणी संडं । सब्बो वि अहव सूरो मयमलिणो होइ महिलासु ।।१०१५।। मयलंछण-किरणावलि-करंबियं सहइ महियलं सयलं । सरियं १२ च खीर-जलनिहि-रंगततरंगमालाहिं ।।१०१६।। उदयगिरि-मत्थयाओ ल्हसिएण व चंदखीर-कलसेण । धवलिज्जइ धरवलयं जुण्हा-दुद्धेण सुद्धेण ।।१०१७।। दूरुनयाणमुवरिं पायं काऊण पुण विवनीएसुं । निवडंति चंदपाया जोहा इव भरहनरवइणो ॥१०१८।। इय वम्मह-वल्लहबंधवम्मि पत्ते पओस-समयम्मि । सहियायणेण सहिया वासहरं सिरिमई पत्ता ।।१०१९।।
तओ सारविय-वासब्भवणभंतरा-कत्थरिया-कदमविलित्त-वासभवण-भित्तिभागा, विरइयपंचवन्न-दुगुल्लुल्लोया विकिन्न पंचवण्णकुसुमोवयारा, रयण-थाल-ठविय-पंचसुगंध -तंबोला, समासन्नी कयपारावयाइं पंजरा, वियड्ढसहियणविहियदूइसंचारा, डझंतागरु-कप्पूर-पूरपरिमल-वासिय-वासब्भवणभंतरा, पल्लंकासन्न-भित्ति-नागदंत-विमुक्कामल
१. महंतीण जे० । २. गयणो पा० । ३ . पयट्टो जे० । ४. बोड्ढत्तण जे । ५. समोच्छयं जे० । ६. विय
पा० । ७. रयव्वसरि जे० । ८. सयई जे० । ९. जुहाइ पा० । १० . कुमयणिजुवईय दू० पा० । ११. अइचवलं जे० । १२. महिल। पा० । १३. भरियं जे०।१४. पंच।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |