Page Text
________________
वइरजंघकुमारकहा
१११
आवूरिएसु जमलसंखेसु मंगलाणि गायंतीसु अविहवविलयासु, पुण्णाहं ति पयंपमाणेसु माहणेसू गहिओ दाहिणकरो । दिन्ना दिट्ठीए दिट्ठी माहणवयणेण कुमारेण सिरिमईएवि य--
गहिओ करो करेणं दिट्ठी दिलीए मेलिया तेहिं । सयणाणाए १बंभणवयणं पुण सक्खियं जायं ।।९६२।। पुचि लज्जावज्जिय परोप्पराभिमुह-दसणसुहाण । अणकलो च्चिय जाओ तारा मेलावओ ताण ।।९६३।। आयंविरो करो से गहिओ हिययं व तीए कुमरेण । ककिल्लिपल्लवो विव वेविरदेहाए तव्वेलं ॥९६४।। तो अण्णोण्ण करग्गहमग्गेण य संचरंति दूय व्व दोण्ह वि । आजम्मावहि एक्कत्तणहिययवावारा ॥९६५।। बहुयाए वरचित्तं वरेण बहुयाए चोरियं चित्तं । जणपयडतक्कराणं को दंडो कीरए ताणं ।।९६६।। सच्छ-सिरिखंडपरिमंडिएहिं सियवसणसंबुयंगेहिं । पिसुणियसिणेहसारं परोप्परं गहियहत्थेहिं ।।९६७।। मयवससज्झसपसरंत-साससंदोहसेयसलिलेहिं । अद्धच्छिपिच्छिएहिं य ते भावा तेहिं सच्चविया ।।९६८।। जे कहिउंपि न तीरंति नेव सत्थेसु सच्चविज्जति । अप्पच्चिय मुणइ परं अहवा हिययटिओ५ मयणो ।।९६९।। जलियजलणस्स वाहिं पढमे च्चिय मंडले भमंताण । मयभिभलागइंदा गिरिगरुया राइणा दिण्णा ।।९७०।। बीयम्मि य जच्च तुरंगमाण खुर-खणिय-खोणिवलयाण । दिण्णाणेगे लक्खा तइए पुण संदणवराण ॥९७१॥ तुरियम्मि जच्च-कंचणवर-मोत्तिय-वत्थ-गंधलंकारा । तह दिण्णा जह पेच्छय लोगो वि धुणाविओ सीसं ।।९७२।। मुयह करं करगहियं सोउं कर-फास-विरहदुहियाणि । पगलंति धूम-धंधोलियाणि नं ताण अच्छीणि ।।९७३।। तत्तो उच्छंगगयं काऊणं सिरिमइं वइरजंघो । जलणं पयाहिणंतो एक्कं चिय मंडलं भमइ ॥९७४।। तत्तो वरपल्लंके उवविट्ठो सिरिमइए सह कुमरो । वित्तं पाणिग्गहणं आणंदिय-सयल-जियलोयं ।।९७५।। सो नत्थि जो न भत्तो सो थोवो जो न परिहिओ तत्थ । तं नत्थि भक्ख-भोज्ज पेज्जं वा तत्थ जं नत्थि ॥९७६।। रायपह-चच्चरेसु पुरप्पवेसेसु निग्गमेसुं च । दाणं दीणाईणं दवावियं वइरसेणेण ।।९७७।। हत्थीहिं तुरंगेहि य रहेहिं वरवत्थ-भूसणेहिं च । सम्माणिया समागय रायाणो राय-राएण ॥९७८।। तह रिद्धिवित्थरेणं वीवाह-महसवो कओ तेण । जह सेस नरवराणं संजाओ मण-चमक्कारो ॥९७९।। किं वण्णिएण बहुणा तस्स विवाहस्स वण्णणे सक्को । सक्को अहवा सक्को सेसो वा सुरगुरु अहवा ॥९८०।।
एत्यंतरम्मि काराविओ वइरजंघेण वि वइरसेणस्स सपरियणस्स नागरयाणं च नियविभवाणुरूवो पूयासक्कारो समब्भहिय जायहरिसेहिं समाहयाई वद्धावणय-तूराइं तूरिएहिं पहट्ठमुह-कमलाओ पणच्चियाओ विलासिणीओ अवि यउब्भियकराओ वरकामिणीओ नच्चंति तत्थ मुइयाओ। उदंड-पंकयाओ मउय-पया-सरय-सरिय व्व ॥९८१।। मोहण-तल्लिच्छाओ आगासगयाओ जोगिणीओ व्व। तियस-नइ-पुलिण-वित्थड-नियंब-बिंबाओ काओ वि ॥९८२।। रयणालंकिय-सुपइट्टहार-आसिलिट्ट विब्भमा अण्णा । वियसिय-पंकय-वयणा घर-वावी विब्भमा अण्णा ॥९८३।। मोत्ताहल-सोहिल्ला अण्णा नच्चंति उदहिवेल व्व । तह सरय-जणियसोहा अवराओ कमलिणीओ व्व ।।९८४।। पाउस-गिरि-नइ-सरिसा विणित सेयजलकुडयहासाओ । गंधायढिय-महुयर-कुसुमावलि-विब्भमा अण्णा ॥९८५।। धम्मेल्लुवेल्ल-सुगलंत-कुसुम-रय-रेणु-रंजियदियंता । तुद्रंतहारतार-इयरंगमग्गाओ अण्णाओ ॥९८६।। दरहसिय-कूद-दसणालि-किरण-पायडिय-महियलाभोया । अवहत्थियतमनियरा अवराओ चंदलेह व्व ।।९८७।। च-- वज्जिर तूरवियंभिय नटुं नदृ-समाउल-घोलिरवत्थं । वत्थ-नियत्थ पसाहियराम-रोमविणिज्जिय-अच्छर-सोहं ।।९८८।। साहसुसंगयकामिणिरूवं रूवसरिच्छ-घडंतपमाणं । माणविऊडणवम्महराहं राहवतुल्लसमेयनरिदं ति ॥९८९।।
किं
१. मयणा० पा० । २. कूले च्चियः पा० । ३. संचुयं० जे० । ४. सुणइ जेल । ५. हियतिढि० पा० । ६. नत्थि जन्नभुज्जं पा० । ७. तुरपयट्टिार न० पा० । ८. यत्थियसोहिय० पा० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |