Page Text
________________
१०८
जुगाइजिणिंद-चरियं
तओ मए सो पुच्छिओ। जइ ते चरियं ता साहस को एस सण्णिवेसो?" तेण भणियं--"णंदिग्गामो ।" मए भणियं"को एस पव्वओ।" तेण भणियं--"अंबरतिलओ।" मए भणियं को एस समणगो? तेण भणियं-"जगंधरायरिया। मए भणियं-का एसा खमण 'किलंता?" तेण भणियं--"निन्नामिया ।' मए भणियं--"के इमे पुरिसा।" तेण भणियंमहब्बलसयंबद्धसंभिण्णसोया ।" मए भणियं--"को एस कप्पो ?" तेण भणियं--"इसाणो ।" मए पूच्छियं--"कि नामधेयं विमाणं?" तेण भणियं--"सिरिप्पहं ।" एयं सव्वं सपच्चयं कहियं तेण महाणुभावेण । तओ तुट्टाहं जहा सो चेव एस सिरिमईए हिययदईओ ललियंगओ।।" भणिओ य मए--"वच्छ ! निव्वियप्पं ललियंगओ चेव तुमं । जा य एसा सिरिमई कुमारी पिउच्छाए ते दुहिया सा सयंपभा जाव रण्णो निवेएमि ताव इमीए सह तव समागमो भविस्सइ ।" तं सुणिय सुमणसो जातो कुमारो । अहं पि एत्थ आगया साहेमि ते पिउगो जेण ते पियसमागमो भवइ।' गया अंबधाई । साहिओ तीए एस वइयरो वइरसेणस्स राइणो । तेण वि समाहूया सिरिमईए माया सिरिमई य । भणिया य सिरिमई-"वच्छे ! जहाहं ललियंगयपुत्वभववइयरं वियाणामि न तहा तुमं ।" सिरिमईए भणियं-"पसायं काऊण कहेउ ताओ।" राइणा भणियं-"सुणेउ वच्छा ! अवरविदेहे सलिलावइविजए वीयसोगाए नयरीए जियसत्तु नाम राया । तस्स मणोहरी केकई य दो भारियाओ । तासि अयलो बिभीसणो य बलदेववासुदेवा दुवे पुत्ता । उवरए पिउम्मि विजयद्धं भुंजंति बलदेव-वासुदेवा मणोहरी य बलदेव-माया । कम्मि वि काले गए पुत्तं आपुच्छइ-"अयल ! अणुहूया मए भत्तुणो सिरी पुत्तसिरी य । ता पव्वयामि परलोगहियं करिस्सामि । विसज्जेहि ममं ति।" सो नेहेण न विसज्जेति निब्बंधै कए भणइ--"जइ अम्मो निच्छितो भे कओ तो मं देवलोगं गया वसणे पडिबोहिज्जासि"त्ति । तीए पडिवणं । पव्वइया य परमधीबलेण अहिज्जियाणि एक्क, रस-अंगाणि । वासकोडी कि चूणा तवमणुचरिऊण अपरिवडियवेरग्गा समाहीए कालगया लंतए कप्पे इंदो आयातो । तं ताव जाणाहि मम, अयलबिभीसणा वि बहु कालं समुइया भोगा भुंजंति । कयाइं च विणिग्गया आणुयत्तं आसेहि वायवेगेहि अवहरिया अडवि पवेसिया । गोवग्गसंचारेण न विन्नाओ मग्गो जणेण । दूरं गंतूण आसा विवण्णा । बिभीसणो य कालगओ । अयलो नेहेण न याणइ मच्छिओत्ति । मण्णइ नेऊण सीयलाणि वणगहणाणि सत्थो भविस्सइत्ति मुंचइ । अहं च लंतगकप्पाओ पुत्तसिणेहेण संगारं च सुमरिऊण खणणागतो बिभीसणरूवं विउन्विऊण भणिओ बलो-“भाय! अहं विज्जाहरेहि समं जज्झिउं गतो । तं मए पसाहिया । तुब्भे पुण अंतरं जाणिऊण केणइ मम रूवेण मोहिया । एवं पूण तुब्भेहिं 'अहं'ति मण्णमाणेहिं वढं कडेवरं । ता एवं सक्कारपुव्वं डहेऊण सणगरं वच्चामो । तहेव काऊण पूइज्जमाणा जण घरं गया । एक्कासणनिसण्णा ठिया । तओ मया मणोहरिरूवं दंसियं । ससंभंतो अयलो भणइ-"अम्मो! तुब्भेत्थ कत्तो?" तओ पव्वज्जाकालो संगारो य कहिओ, बिभीसण-मरणं च । अहं लंतगाओ इहागतो तव पडिबोहणणिमित्तं । ता परलोगहियं विचितेहि । अणिच्चयं मणुयरिद्धीण जाणिऊणं'ति भणिऊण गओम्हि । सकप्पं ति । अयलो वि पुत्तसंकामियसिरी-निविणकामभोगो पव्वइओ । तवमणुचरिऊण ललियंगओ देवो जातो । अहं पुण पुत्तसिणेहेण सदेवीयं ललियंगयं लंतयकप्पं नेमिअभिक्खणं अभिक्खणं जाहे जाहे समयं सुमरामि जो सिरिप्पभविमाणे सामी उववज्जइ सो सव्वो ललियंगओ भण्णइ । देवी पुण सयंपभा सो पुण मह सुओ ललियंगओ । जेहिं नवहिं भागेहिं सागरोवमं हवइ तस्स सत्त भागे भोत्तूण देवसुहं चुतो । तम्मि ठाणे अण्णो ललियंगओ जाओ । सो वि मह सुयसमाणनामो त्ति । मोहियमणेण सयंपभाए सह अणेगहा लंतयं नीओ । एवं अवरावरललियंगयं सयंपभाए सहियं नयंतएण मए सत्तरस ललियंगया अइवाहिया । संपयमहं लंतगे चोदस-सागरोवमाणि अइवाहिऊण चुओ समाणो इहायाओ एसो वि अट्ठारसम ललियंगओ चुओ समाणो वइरजंघो जातो । जं सिरिमई. णियपिययमं तक्केइ । ता वच्छे ! सम्ममहं वियाणामि . ललियंगयं । तओ आणत्तो राइणा कंचुई--"अरे ! वइरजंघकुमारं घेत्तूण लहुं आगच्छाहि ।" सो वि तं घेत्तण झत्ति समागओ । दिट्ठो य पिउपासट्ठियाए सिरिमईए । पडिपुण्ण-पुण्णिमायंद-वयणो तरुण-रवि-रस्सि-बोहिय-पुंडरियलोयलोयणो मणिमंडिय-कुंडल-विलिहिज्जमाणगंडयलो, गरुलायय-तुंगनासो रत्तप्पवाल-कोमल-सुरत्तदसणच्छदवण्णो, विमलमउल-कुंदकलिया सिणिद्ध-दंतपंती, वयत्थ-वसहसरिसखंधो, वयणति-भागसियतिरेह-रमणीय-रयणावली-परिणद्ध १. को एसा खम. पा० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |