Page Text
________________
वइरजंघकुमारकहा
१०९
गीवो, पुरफलिहायाम-दीह बाह, नगरकवाडोवमाणमंसल-विसाल-वच्छत्थलो, करग्ग-संगिज्झ-मज्झदेसो, वियसिय-पंकयसरिसनाही, वरतुरंगम-वट्टियकडी, करिकर-करणि-ऊरुजुयलो, निगूढ-जाणुप्पएस-संगयहरिण-समाणरमणिज्जजंघो, कुम्मुण्णयचलणजयलो भणिओ य राइणा--"वच्छ! उवविससु एत्थ सिंहासणे । कयप्पणामो वइरसेणस्स णिसण्णो कुमारो । दिदा य तेण सहयारमंजरी व सेसमंजरीणं रायहंसिया व संसहंसियाणं पडिपुण्ण-पुण्णिमा-चंदप्पहासेसप्पहाणं, छण-राई व संसराईणं, पमिणी व सेसकमलिणीणं, सई व सुर-१ सुंदरीणं, रई व सव्वरमणीणं, खीरोदहिवेल व्व सेसवेलाणं । अवि य
बहुमसिण-कसिण-कुंचिय-सिणिद्ध-तणुमुद्धयावलिद्धेणं । मुद्धाणेणं मुह-ससि-विडप्पकप्पेण रेहंती ।।९२९।। आयंबतार-पम्हल-विलोललोयणजएण रायंती । सवण 'कयकणय-कुंडल-मणी-किरण-करंबिय-कवोला ॥९३०॥ उत्तुंगुण्णय-रिउ-पवर-नासिया कुंद-कलियसमदसणा । गीवा गुण-रमणिज्जा नवनलिणि-मुणाल-बाहुलया ।।९३१।। तुंगनिरंतर-उण्णय-समचित्त-पओहरा पवरवच्छा । तिवली-तरंग-भंगुरमज्झ सणाहा य तणयंगी ॥९३२।। मिउ-कसिणारोमराई गंभीरविरायमाण नाही य । रसणादामविराइयवियड-नियंबत्थलाभोया ॥९३३।। उत्तत्तकणयवना कयली-खंभोवमेहिं उरूहि । वरकरि-कर-समजंघा मयरद्धय-जयपडाय ब्व ॥९३४।। समकुम्मुन्नय-मंसल-मिउ-मणहर-चलणएहिं चलमाणी । वररायहंसिया इव सोहइ सहियायणसमेया ॥९३५।। अंगोवंग-पइट्ठिय-लक्खण-सुपसत्थ-सुंदर-सरीरा । अच्छउ ता मणुयाणं अहिलसणिज्जा सुराणं पि ॥९३६॥ हरइ मणं गुणनियरो वणिज्जतो वि तीए तरुणाणं । रायदुहियाए धणियं किं पुण पच्चक्खदिट्ठाए ॥९३७।। इय सा सुंदररूवा अभग्ग-सोहग्गमंदिरं बाला । दिदा कुमरी कुमरेण सिरिमई वइरजंघेण ॥९३८।।
तओ भणिओ राइणा कुमारो--"वच्छ वइरजंघ ! एसा सिरिमई पुठवभवाणुरागेण तुमं चेव भत्तारमभिलसति । ता कीरउ तुह इमीए सह संबंधो । कुमारेण भणियं-"ताओ चेव जत्ता-जत्तं वियाणइ । अम्हारिसा पुण गुरुआणाकारगा चेव । एयम्मि अवसरे अणाहओ चेव णिययपओयणवसेण पुप्फ-फलभरियहत्थो पत्तो समई नाम जोइसिओ। निसण्णो रायाणण्णाए समुचियासणे । सम्माणिऊण पुच्छिओ राइणा लग्गदिणं । तेण वि गणिऊण कहियं अट्ठम दिणे ।
देवीए तओ भणियं "--आसण्णं नाह ! सुंदरं लग्गं । अविलंबियाणि संपइ, किज्जंतु विवाहकज्जाणि ॥९३९।। ईसि हसिऊण रण्णा नियआवासम्मि पेसिओ कुमरो । नियवरिस-बद्धण-छणं संखेवेणं विहेऊणं ॥९४०।। सव्वारंभेण तओ परियणसहिएण वइरसणेण । पारद्धा रिद्धीए विवाहसामग्गिया सयला ॥९४१।। जं जं चितइ तं तं संपज्जइ तक्खणं नरिंदस्स । नत्थि असझं अहवा संचिय पुण्णाण पुरिसाण ।।९४२।। धवलहरे धवलहरे विचित्तचित्ताओ कुणह भित्तीओ। नवरंगरेहिराई करेह नवरंगजुयलाई ॥९४३।।
एमाइ राय-मंदिर-नर-नारीणं पयं पयंताणं । पत्तो समओ हत्थंगुलीहि दियहे गणंताण ॥९४४।। जओ--
चोर-परदारियाणं छहापरद्धाण नद्र-निउणाण । कलकंठाण वणिज्जं अग्घइ वीवाह-दियहेसु ॥९४५।। पसरंतहियय-पहरिस-विसंठुल' छलिय-वयण-विण्णासो । मइरामत्तो व्व जणो विवाहदियहे परिब्भमइ ॥९४६।। कयकुंकुमंगराओ नियत्थवर-वत्थ-वद्ध-चहु-कुसुमो । तरुणीयणो विवाहे न कस्स मणमोहणं कुणइ ? ॥९४७।। उस्सिंखल परिभमिउं 'उस्सिखलजंपियं च हसियं च । जुवईण जुवाणाणं होइ विवाहूसवदिणेसु ।।९४८।। अइरम्मो सिंगारो सरसं गीयं च लडहनद्रं च । रमणीण कहं जायइ जइ न विवाहसवो होइ ॥९४९।।
१. सई व सुंद जे० । २. णुसुद्धया पा.। ३. सवणकणय पा. । ४. हत्थंगुलीहि च्चिं विवाह दियहं पा. । ५. विसंखलुच्छलि. पा । ६. मइरा सत्त पा. ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |