Page Text
________________
१०२
जुगाइजिणिंद-चरियं
कोसल्लं जं दुज्जणजणवयणेण सुयमायरं णियतणयं' परिहरसि?" तओ राइणा भणियं--"पिए ! चंदलेहे खमियव्वो एस अवराहो। सट्टाणमलंकरेउ भवई। वलियचित्तं धराहिवं नाऊण गया जक्खिणी। भणिओ गणचंदो-“वच्छ !
आयरं करिस्सइ तहिं गंतव्वं'ति भणिऊण सट्टाणं गया । रण्णा गवेसिऊण आणावितो गणचंदकुमारो। अहिसित्तो णियपए । अप्पणा पुणो तवोवणं गतो । गुणचंदो वि पसाहिया सेसमहीमंडलो। महासासणो महाराया जाओ।
अन्नया लद्धावसरेण विण्णत्तो सुगुत्तेण-"महाराय ! सुमरियव्वं परिग्गहपरिमाणवयं । जहा-तस्स खंडणा न हवइ तहा जइयव्वं ।” अदिण्ण रडिवयणं रायाणं नाऊण मोणमासितो सुगुत्तो।
अण्णम्मि दिणे चंडदेवोवरोहिएण भणिओ राया--"महाराय ! कूगयं गतो पियर-वग्गो सुपुत्तेण उद्धरिज्जति । जहा जहा सुपुत्तो वावी-कूव-तडागाईणि खणावेइ ताण परिसरेसु देवाययणाणि २कारेइ पालीसु अस्सत्थाइ महा महीरुहे 'रोवेइ पइदिणं महु-सप्पिसा-हयासणं तप्पेइ, चउवेयाइदियाइणो भुजावेइ, दाणं च माहणाणं देइ, पिंडं पाडेइ, जलंजलि देइ तहा तहा दुग्गइओ विमुक्खिज्जइ पियर-वग्गो।" तओ एवं सुणिय' भणियं सुगुत्तेण--"भो दियवर ! सव्वमेयमसंगयं । जइ पुत्तेण कयं भुजइ पियातो किं न भुत्तं हरिदत्तपुत्तदिण्णं हरिस्सहमाहणेण?" उवरोहिएण भणियं-- "को एस हरिस्सहो ? सुगुत्तेण भणियं--"सुणेउ भवं ।
अत्थि वच्छा जणवए कोसंबी नाम नगरी । तत्थ णं महाधणो हरिस्सहो णाम माहणो परिवसइ । सव्वाणी से भारिया । हरिदत्तो पुत्तो अण्णया हरिसहस्स जातो खय-रोगो मयणा उरा सव्वाणी लग्गा हरिदेवमाहणे । वच्चइ कालो। जाणतो वि न पयंपइ हरिस्सहो माणिल्लज्जा भविस्सइ । अण्णम्मि दिणे भणिओ सव्वाणीए हरिदेवो--"सुत्तेसु पइ-पुत्तेसु समइक्कते पढमजामे जामिणीए घरे चेव तए समागंतव्वं पडिवण्णमणेण । तहेव समागओ हरिदेवो । मुणिओ एस वइयरो हरिस्सहेण । पभाए रहसिओ उवालद्धा सव्वाणी ।" पावे ! पियहरं वा वच्च सीलं वा रक्खेसु । णियडिबहुलयाए भणियमणाए--"सीलं रक्खेमि ।" ठिया कइवयदिणाणि । अण्णम्मि दिणे भोयणे विसं दाऊण वावाइतो हरिस्सहो । अट्टज्झाणेण मरिऊण समुप्पण्णो तम्मि चेव नियघरे मूसगो । नियपरियणं दट्ठण समुप्पण्णं जाईसरणं । एगया दिट्टा सव्वाणी हरिदेवेण सह अकज्जमायरंती । ततो संजायकोवानलेण रइकीलंता निद्दावसगया णिद्दयं दट्टा अहरे मूसगेण । पलाइऊण बिलं पविसंतो दिट्ठो मूसगो सव्वाणीए । धरिया तम्मारणट्ठा मज्जारी। अण्णम्मि दिणे मारितो मूसगो मज्जारीए । मरिऊण जातो णियघरे चेव गड्डा सूयरो । संजायजाइसरणो न मुयइ तं घरं । अण्णया दिट्टा सव्वाणी हरिदेवेण सह कुकम्म कुणंती' संजायमच्छरेण पहया सुहपसुत्ता कद्दमालित्तघोणाभिघाएण१° पलाणो कोलो। अण्णया तस्सेव संवच्छरिए कोहाभिभूयाए सव्वाणीए पच्छन्नं मारिऊण पुत्तवयणेण सो चेव तस्स पुन्ननिमित्तं बंभणाण दिन्नो । महया अमरिसेण सव्वाणि पलोयंतो मरिऊण वायसो जाओ । अण्णया णियधरं दळूण जाईसरिया । कयं निययघरसमासण्णपायवे अवत्थाणं । कयाइ दिदा हरिदेवेण सह केलि कुणती सव्वाणी । संजायकोवानलेण चितियं वायसेण--"कहमेयाए पावाए अवगारियव्वं । एगया दिट्टा घरंगणे णिद्दा गया । चंचुचंडप्पहारेण फोडियं १ से वामलोयणं । सो वि तीए पंखासु गहिऊण विरसमारसंतो पंचत्तं पाविओ । मरिऊण समुप्पण्णो तम्मि चेव घरे अयाए कुच्छीए बोक्कडो । सो मए सघरं
ट्ठण उप्पण्णं जाईसरणं, दुमिज्जइ दट्ठण सव्वाणी । सा वि तस्स दंसणेण । वच्चइ कालो । अन्नया हरिदत्तण पिओ पुन्नट्ठा काराविओ जागो । पउणीकओ सो १२ चेव छागो । हरिदत्तण भणिओ दियवरो--"भगवं! भूमिदेव, तहा हुणाहि छागमेयं जहा मे पीणिज्जइ पिया । तं सुणिय चितियं अयाणंदणेण--"अहो पुत्तगो ममं पडुच्च किं किं न करेड परं सव्वं मह विवरीयं परिणमियं ।" एवं माणसदुक्ख-दुक्खितो मंतपुव्वं हुणिओ हुयासणे माहणेण । महया अट्टज्झाणेण
१ परिहवसि पा० । २ देवया जे० । ३ पालीइ पा० । ४ रोविज्जइ पा० ५ सुणिऊण जे०। ६. ० तो सुओ पा० । ७. चेव ते समा० पा० । ८. ० गो मरिऊ. पा० । ९. १०. कद्दवालिद्ध पा० । ११ फोलियं पा । १२. कओ छागो पा० ।
कम्मं करती ० जे०
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |