Page Text
________________
गुणचंदकुमार-कहा
अण्णया य सो गेहातो गेहं, पाडयाओ पाडयं, गामाओ गाम, णयराओ णयरं, सन्निवेसाओ सन्निवेसं, देसाओ देसंतरं भमंतो संपत्तो उत्तरावहं । तत्थ य ठिओ खीपइडियणयरस्स' एक्कम्मि सुण्णमढे आणिओ मसाणाओ एक्को जुन्नमंचओ णिसन्नो। तत्थ गओ भिक्खट्टा लद्धा बहुया सत्तूया । ततो हरिसनिब्भरमणो चिंति उमाढत्तो पुरिसदत्तो--"अव्वो! करेमि किंचि वाणियत्तणं । तओ भिक्खासत्तुएहितो अवणीया थोवा सत्तुया। पढमदिणे एवं च अणुदिणमवणितेण थोवथोवे सत्तुए कइवयदिणेहिं भरिओ घडो। तओ सिक्कए काऊण ठविओ दिट्रिपहे । गहिय लउडओ य हरिसभरणिब्भरो चोराइएहितो तं घडयं रक्खंतो चिट्टइ।
अण्णम्मि दियहे राईए पच्छिमजामे सुत्तविउद्धस्स उप्पण्णो से मणे विगप्पो-'अहो पाविओ मए परमलाभो एत्थविसए। जायं पसारयकारणं ता कहं एस सत्तय-घडओ वित्थारेयब्वोत्ति चितितो गतो घडयं घेत्तण संकप्पेण गामंतरं। दिना सत्तुगा गामेल्लयाण। गहियं तेहिंतो घयं। विक्कीयं नगरे। समासाईओ लाभो। गहियं गुडाइयं पडिभंड। गतो दूरयरं वित्तण समासाइओ बहयरो लाभो । गहियं चेलियं । गतो पुव्वदेसं। विक्कीयं सलाभं । गहियं पडिभंडं । उवणीयं उत्तरावहं' । पाविओ अट्टगुणो लाभो, कारावियं धवलहरं, णिरूविया ववहरया उग्घाडियाणि आवणाणि, पट्टविया दिसावणिया, आउलीयं दव्वं, लद्धा पहाणकूल-रूव-जोव्वण-गुणग्धविया सेटिदुहिया, णिरुवियं वारिज्जयदिणं, समाया बंधुणो, वित्तो विवाहो, कयं वद्धावणयं, सम्माणिया लोया। णिरूवियं वासहरं, वित्थरिया सेज्जा, दिण्णो कुसुमोवयारो, पज्जालिओ पईवो, णिसण्णो सयणीए, आगया बहू निवेसिया तत्थ, रमिया जहिच्छं संकप्पेण । एवं च तीए सह संकप्पेणेव विसयसुहमणुहवंतस्स अइक्कंतो कोइकालो। तओ जाया से भारिया आवण्णसत्ता। जाओ पुत्तो संकप्पेण, पइट्टावियं से नामं संखचडो'त्ति एवं च मणोरह-सुहमणहवंतस्स अण्णम्मि दिणे राईए चरिमजामे समप्पिओ तीए पुरिसदत्तस्स तणओ। तेण विय किंचि खणंतरं धरिऊण भणिया णिय जाया--"गिण्हसु इण्हिं तणयं णिद्दा मे आगच्छई"त्ति । तीए भणियं--"तुमं चेव णियसुयं परिपालेसु । ण मे किंचि कज्जं।" ततो एयमायन्निऊण वक्खित्तचित्तयाए पम्हट्ट कज्जाकज्जेण समासाइयरसंतरेण य 'एसा मम दुन्विणीया आणाभंगकारिणी भारिया पुरतो चिट्ठइत्ति रोसवसुप्पिच्छचित्तेण दिण्णो लउडप्पहारो। लग्गो सत्तयघडए। एत्थंतरम्मि वियंभिओ दारुणो पवणो। अवहरिया सव्वे वि सत्तुया। पच्छा समुवसंतकोवानलो, कज्जाकज्जवियारणवावडमणो; न पेच्छइ गेहं, न दव्वं, न विवणीओ, न ववहरए, न भंडाई, न बंधुणो, न भारियं, न सुयं, नवरं मसाणासण्णसुण्णमढजराजिण्णमंचयारूढं अप्पाणयं पेच्छइ सत्तुए य पण? त्ति । तओ आसाभंगविवन्न-मुहच्छाओ सोय-सायरमणुप्पविट्ठो चिट्ठइ। ता भो देवाणुप्पिया सुगुत्त ! जहा तेण पुरिसदत्तपुरिसेण असंतविगप्पेहि अप्पा आयासिओ दीहकालसंचिया सत्तुगा हारविया तहा मा तुमं पि असब्भूयासापासविनडिओ अट्टवसट्टोवगतो धम्मत्थकामरहितो अप्पाणं दुग्गईए पक्खिवसु न खलु भागधेयरहियाणं समीहियसिद्धीओ भवंति । ता पडिवज्जसु सयलमणोरहणिबंधणं साहुधम्म। अह भणसि न तरामि अच्चंतदुक्करं वालया-कवलो विव णीरसं साहधम्म कातहावि पडिवज्जसू देसविरइलक्खणं सावयधम्म ।" सगत्तण भणियं-"पडिवन्नो मए देसविरइलक्खणो सावगधम्मो। तत्थ वि पंचमणुव्वए जावज्जवि चरणं न पडिवज्जामि गासाछायणं मोतूण ताव सव्वं धम्मे दाहामि । पुणो वि भणियं सुगुत्तेण-"भगवं ! देसु किंचि थेवक्खरं इहलोय-परलोयपहाणफलसाहयं महामंत'त्ति । एत्यंतरम्मि चितियं गुणचंदेणं--"अच्चो सुंदरं जायं जमिमिणा सुगत्तेण मंतजायणं कयं । ततो इम निसामिऊण भणियं सूरिणा--"भद्द ! जइ एवं ता गिण्हसु अचितचिंतामणिविब्भमं कप्प-महापायवं पिव समीहियासेसफलयं, विहंगरायं पि व विद्दिविया सेसविसवियारं, धरणिदं पि व सयलविज्जाणुगयं, सुरगुरुं, पि व "बुहयणसेवियं, देवाहिदेवं पिव भावगिझं, अइदुक्करं११ तवोविहाणं पि व उच्चाडिया सेसाणिदुटुसत्तसंघायं, पुण्णरासि पि व जह चितिया सेसफलं १२ ति कि बहुणा सव्वहा ।
१. खिइ पइ० पा० ।२. रिस निब्भ० पा० । ३. दिणे रा. पा० । ४. यं अन्नयरे नय. पा० । ५. वहे पा० जे० । ६. दिवसे पा० । ७. वि कयंचि पा० । ८. यायासपा० जे० निवडिओ गे । ९. धम्मण उत० पा० । १०. व बहुयण जे० । ११. अइ दूरंकरं तक पा० । १२. सेस फलमं जे० । ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |