Page Text
________________
सुन्दरसेट्टिकहा
"वच्छ ! दीणारलक्खं गिण्हसु । सुंदरेण भणियं-"एसो चेव दीणारलक्खो जं कणयसुंदरी जीविया। ततो सेट्टिणा चितियं-"अहो महिच्छ्या ! अहो महाणभावया! अहो णिरीहत्तणं ! ता महाकलप्पसूएण केणावि भवियव्वं ति चितिऊण एगते पुच्छिओ जिणमुहो सेट्ठिणा-“भद्द ! कि कुलमलंकरियं इमिणा तुह वयंसएणं? कत्तो समागओ, काणि, वा नामक्खराणि ?" जिणमुहेण वि सच्चं सवित्थरं साहियं । ततो तुट्टो णिय माणसे सेट्ठी भणिओ संदरो--"वच्छ ! अज्ज तए एत्थेव भोत्तव्वं ।" सुंदरेण भणियं-"तत्थ जं भुज्जइ तं तुज्झ सयं चेव जओ
उवयारेहिं परोच्चिय घेपइ अग्घति ते तहिं चेव । इयरम्मि कीरमाणा हाभावं पयासेंति ।।८७८॥
तओ पेसिओ सेट्टिणा सुंदरो। गओ नियसत्थं । पच्चससमए सयमेव सेट्टिणा गंतूण सोवयारं भणिओ--"वच्छ ! परिणेसु कणयसुंदरी।" सुंदरेण भणियं--"गरुजणायत्तो एस वइयरो। ततो कज्ज मज्झमवगच्छिय गओ सघरं सेट्टी। लेहं समप्पिऊण पेसिया पहाण-पुरिसा। जयंतीए समप्पिओ तेहिं लेहो धणसिरीए वाइउमारद्धा । तं जहा--"भद्दे ! कंचणउरे णयरे कणगसारो सेट्टी सोवयारं भणति--"जहा अत्थेत्थ तुम्ह सुओ सुंदरो णाम । जइ भणह तो तस्स णियहियरं कणगसुंदरि देमो।" धणसिरीए भणियं--"को कल्लाणे विरोहो मुकुलुग्गएण धणवंतएण' भुवणयलपसरियजसेण सरलेण सज्जणणं न सम्मतो कस्स संबंधो ? सुपुरिससंदरबद्धीए सुंदरं संदरस्स सव्वं पि जं जं उचियं तं तं करेसु किं बहुवियारेण?" जयसुंदरी सम्मएण लिहीऊण एवंविहो पडिलेहो समप्पिओ ताण । गया ते कंचणउरं । समप्पिओ लेहो सेट्टिस्स । सो वि अवगयत्थो हरिसवसविसटुंतलोयणजुयलो लेहं गहाय गओ सुंदरसमीवं । लेहं दंसिऊण भणितो सुंदरो-“वच्छ! संपयं किमुत्तरं?" सुंदरेण भणियं--"जं भणह तत्थ सज्जो इमो जणो।" ततो समाहूतो संवच्छरिओ। कयसम्माणो पूच्छिओ परिणयणवासरं। तेण वि जेद्र-सूक्किलपक्खे सोमे नवमीए साहितो। ततो पारद्धा महया विच्छड्डेण विवाहसामग्गी सेट्टिणा । परमाणंदभरणिब्भराण समागओ सो दिवसो। परिणीया कणगसुंदरी सुंदरेण । दिन्नं पिउणा पारिओसियं । वित्तो वीवाहो । ठिओ परमाणंदेण कइवयदिणाणि सुंदरो। पच्छा स-विसयमणुसरंतो भणिओ सेटिणा--"वच्छ ! समासण्णो पाउसो। गाढं तवति तरणिमंडलं । दुग्गमा मग्गा ता एत्थेव परिवसिय सरए गंतव्वं ।" पडिवण्णं सुंदरेण । चलिया के वि सत्थिया । सत्तरयणाणि कुसललेहं च समप्पिऊण भणिओ संदरेण विस्सणिज्जो दामोयर-दियवरो--"वयंस ! इमाणि सत्त रयणाणि इमो य लेहो मह जणणि-घरिणीण समप्पेयव्वो।" सो वि तहेव पडिवज्जिऊण सत्थिएहि समं णियघरं समागतो। लोभमोहियमइणा समप्पिओ लेहो अवलताणि रयणाणि । बीयदियहे समप्पिओ अण्णवणिएण वीय लेहो। धणसिरीए वाइतो लेहो। तीए दामोयरहत्थाओ सत्तरयणाणि गहेयव्वाणि । ततो सा लेहं करे काऊण गया दामोयरधरं । मग्गितो रयणाणि। सो भणइ--"न मह हत्थे पेसियाणि।" दंसितो लेहो दामोयरेण । भणियं-'अलियं केणावि लिहियं ।' ततो सघरमागया धसिरी भणिया जयसुंदरी-"हले ! चलियचित्तो विय लक्खीयइ एस बंभणो, ता कस्सइ पहाणपुरिस्सस्स कहेऊण करे किज्जंतु रयणाणि ।" जं अंबा आणवेइ'त्ति भणिऊण भुत्तत्तरं गया सेट्ठिसमीवं जयसुंदरी। दिट्ठो सेट्ठी। कहियं कज्ज । तेण वि जयसुंदरी रुवाइगुणगण-मुच्छियमाणसेण मइलियमेरं एवं पयंपियं---"सुंदरि ! मए सह एक्कसि पि विसयसुहमणहवसि तो ते पओयणं साहेमि।" तीए भणियं--"जइ एवं तो जामिणी पढमजामे समागंतव्वं" ति पयंपिऊण ततो गया उवरोहियसमीवे । तस्स वि सेट्टिसरिसो समुल्लावो । 'वीय जामे समागंतव्वं' ति पयंपिऊण गया अमच्चसगासं । अमच्चो वि उवरोहिएण व पाढिओ तमेव वागरइ । तइयपहरे रयणीए एज्जसु'त्ति भणिऊण पत्ता णरवइसमीवं । साहियं कज्जं । रण्णा वि तहेव भण्णति जं मंतिणा। चउत्थ जामे जामिणोए सामिणा समागंतव्वं ति । पयंपिऊण पच्छा सघरमागया। साहिओ सासुयाए ताण समुल्लाओ । धणसिरोए भणियं-"जत्थ कारणपुरिसा वि विमुक्कमेरा एवंविहाणि पयंपंति तत्थ का रयणासा?" जगसुंदरीए भणियं--"अत्थि चउसु वि दिसासु समंतओ पुरिसपमाणचउकोणालंकिया महइ महालिया तुह घरे मंजसा ?" तीए भणियं--"अत्थि।" जगसुंदरीए भणियं--"जइ एवं तो सा उग्घाडकवाडा घरमज्झे मुच्चउ।" तहेव कयं। ततो
१. धण धन्नएणं पा० । २. घरमाग पा० । ३. तमेव भण्णइ जं. पा० )
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |