Page Text
________________
९२
जुगाइजिणिंद-चरियं
किं नायन्नियाओ तरुणी- कडक्ख-विब्भमाओ सयलरिद्धीओ ? किं नावगया मयणवियारा ? किं नावगयं अथिरत्तणं जोव्वणारंभस्स ? किं न मुणसि खलजुवइ - चेट्टियाई ? ? सव्वहा णिरत्थयं ते विन्नाणं, णिफ्फलो धम्मसत्थोवएसो, णिरुवयारी विवेगो, अलपसरो गुरूवएसो, अकारणं कुलाभिमाणो र णिरत्थया तव-नियम -संजमा; जेण तुम्हारिसा वि उत्तम- कुलप्पसूया अवगया सेससंसारसहावा, वियाणिया सेससत्थपरमत्था मुणिगणपरिनिदिएणं संसारसारहेउणा इयरजण बहुमण पाययपुरिस व्व खलीकिज्जति हयवम्महेणं' ति । अहवा तुज्झ वि ण दोसो । जओ-
ताव च्चिय गुरुजणणि जणयउवएसु सरिज्जइ, ताव च्चिय मज्जाय लज्ज, कुलु-जाइग णिज्जइ ॥ ८७३ || ताव च्चिय सुविवेहारु हियएण वहिज्जइ । जाव ण पियमाणुसह दिदि गोयरि ण ४ चडिज्जइ ||८७४ ||
एवं सुणिय भणिउमाढतो सुंदरो--- "अहो वयंस ! परिणामसुंदरी ते उवएसो, एवंविहा चेव कल्लाणमित्ता हवंति । जाओ --
सोमत्तो जो मित्तं वसणावत्तम्मि धरइ निवडतं । इयरो मित्तमिसेणं वयंस ! सत्तू मुणेयव्वो ।।८७५।। विहवसरिच्छं दाणं आगमसरिसं च जंपियमकोवं । कुलसरिसं आयरणं पुन्नेहि विणा न निव्वति ॥ ८७६ ||
जिणमुहेण भणियं - "महाणुभाव" ! सा महाणुभावा जइ कह वि उम्मग्गगामिणि हवंति तहा विसारिया संता पुणो विमग्गं पडिवज्जंति । किच
चितियमवि पाएणं ताण विहलं न हवति जाव य एस समुल्लावो ताण वट्टइ ताव थेरमालाकारेण समागतूण पणामपुव्वयं आरोपिया सुंदरकंधराए मयरंदुद्दामा, पट्टिय- भमिर भमरोलि झंकारारावमुहला, वियसियसियकुसुममाला, विष्फुरियं दाहिणलोयणेणं, वियंभिओ सुरहिमारुओ, जयजयावियं मंगलपाढएण, समायाणि मयरद्धयपुरओ वद्धावणयतूराणि, समुच्छलिओ संख सद्दो । तओ एयाणि पसत्यणिमित्ताणि अवगच्छिय भणियं जिणमुहेण - वयंस ! अलाहि संसएणं, निस्संसयं वदिणमज्झे सिज्झिस्सइ भवतो समीहियं ।
वरकुसुमदाम-लाभे वद्धावणतूर संख स य । जो जं पसत्थमत्थं पत्थति तस्सत्थि संपत्ती ||८७७ ||
ता गम्मउ संपयं णियसत्थं ।" सुंदरेण भणियं - "जं वयंसो समाणवेइ" त्ति भणिऊण गया देव-गुरुपूया पुरस्सरं संपाइयपाण-भोयणा णाणाविहविणोएण गमिऊण वासरं समा गए पओसे । विहियसमुचियधम्माद्वाणा, देव गुरुसंकहाहि गमिऊण रयणी, पढमपहरं पसुत्ता चरिमजामे णिसुगंति डिडिमसद्दं । सुंदरेण भणियं - " वयंस! जिणमुह-सत्थासणी far लक्खीयइ डिंडिम- सद्दो जाव एवं भणियं ण विरमइ अज्ज वि सुंदरी ताव समुच्छलिओ उग्घोसणा सद्दो- “भो भो सत्थिया णिसुगंतु सावहाणा भवंतो - ' कणगसारसेट्ठिणो धूया कणगसुंदरी अहिणा दट्ठा, जो तं जीवावेइ तस्स सेट्ठी दीगारलक्खं देइ' तं सुणिय वाराविओ सुंदरेण पडहओ । पुच्छिया सेट्ठिपुरिसा - “भो कित्तियाए वाराए केरिसवणेण बा सप्पेण दट्ठा ?" पुरिसेहिं भणियं न वयं' विसेसं वियाणामो, पसायं काऊण एह, तत्थ गओ सव्वं जाणिहिसि ।' गतो सह जिणमुहेण सुंदरी । दिट्ठ सेट्ठी कणगसुंदरी य । कहिऊण जहट्टियं वृत्तंतं भणितो सुंदरो सेट्टिणा - "महाभाग ! इमं कणगसुंदरिमुज्जीवयंतेण अम्हाण वि जीवियं दिनं भवति ।" सुंदरेण भणियं -- "अत्थि ताव गारुडं कज्जसिद्धीए दिव्वो' माणं" ति भणिऊणमालिहियं मंडलं । मुक्का मंडलब्भंतरे कणगसुंदरी । सुमरियं गारुडं, पढम वाराए उम्मीलियं लोणजुयलं, वीय वाराए जंपिउमाढत्ता, तइयवाराए जिभायमाणा उट्ठिया मंडलाओ । तुट्ठो सपरियणो सेट्ठी । समुच्छलिओ वद्धावणयतूरसहो । भणिओ सुंदरेण सेट्ठी-"ताय ! विसज्जेसु णियसत्थं वच्चामो । सेट्टिणा भणियं --
१. खल जणइ चिट्टिया० पा० २. माणाणि निरत्थयं जे० । ३. सेसत्थत्थ पा० १४. णिवडि० पा० । ५. यं महाणुभावा पा०| ६. पयट्टंति पा० । ७. ता उच्छलि पा० । ८. ण विसेसं पा० । ९. देवोपमा० पा० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |