Page Text
________________
सुदर से ट्ठि कहा
ततो अणमिसच्छं सुइरं निरूविऊण भणियं सुंदरेण -- "भो जिणमुह ! अच्छरियं खु एयं, जेण पच्चक्खं चेव रई भगवतो विसमसरस्स अज्जमयणमहूसवे पूयं णिब्वत्तेइ ।" ततो किंचि खणंतरं विचितिऊण संलत्तं जिणमुहेण - " भो सुंदर ! जइ पसारई ता कीस तस्स चेव समत्थजियलोयहिययवासिणो णिययपइणो पच्चक्खं चेव पूयं न करेइ जेण तस्साणुकारिणो पडिमावि से सस्स कुणति' त्ति 'ता णूणं एसा लच्छी भविस्सइ' त्ति । ततो सुंदरेण भणियं - 'वयंस ! एवं पि न संभाविज्जति जेण सा भगवओ महुमहणस्स वच्छत्थल- णिवासिणी पढिज्जइ कहं तं मोत्तूणमिहा गमिस्संति तो अवस्सं एयाए गोरीए होयव्वं ।" जिणमुहेण भणियं - "सव्वं गोरी वण्णओ ण उण अत्थओ जेण सा तिहुणयणस्स नियदेहद्धत्था चिट्ठति ता वयंस ! एसा भुयंगलोगाओ को ऊहण मयणमहूसवदंसणत्थं भुयंगवालिया समागया । एमाइ परोप्परं मंतिउमारद्धा । सो वि तं दट्ठूण विसम-सर-समालिद्धमाणसा, विमुक्कसेसवावारा, वारंवारं तं पलोयंती, मुणियमयणवियाराए भणिया मयणियाभिहाणदासचेडीए ३ - - " सामिणि ! किमेवं णिन्निमेसट्ठिए पलोइज्जइ ?” अलद्धलक्खं भणियमणाए -- “हला ! किं न पेच्छसि पुरो पट्ठियं सपत्तं तिलथंभं । मुणियकज्जाए भणियं दासीए--''असमयसमुब्भवो विलक्खणो ता परिच्छेओ चेव इमस्स संगओ । एवं मुणिय सकोवं जंपियं कणगसुंदरीए - "हलिहालियइ ! न इच्छहिं स हु पत्तेहि तिलच्छेओ, अबुहि ! अयाणि ! अलद्धरसि ! किं पई सुया न एओ ?
९१
एत्यंतरे परिणयवया समागतो एगो पुरिसो । भणियमणेण - “भद्दे ! कणयसुंदरि ! पिया ते अप्पाइ लहं णियघरं गम्मउ " । ततो मुणिय सुंदराभिप्पाएण सणियमुवसप्पिऊण तंबोल- दाणपुरस्सरं सविणयं भणितो सो पुरिसो जिणमुहेण - "अज्ज का एसा ? कस्स सुया ? परिणीया कण्णगा वा ?” पुरिसेण भणियं -- " अत्थि इहेव सयलनेगमपहाणो बहुकणग-कोडीसरो कणगसारो णाम सेट्ठी । कणगावली से भारिया । ताण चउण्ह पुत्ताणमुवरि एसा गा चैव दारिया जाया । उचियसमए महया वित्थरेण कणगसुंदरि त्ति णामं कयं । कारिया इत्थी जणजोगं कलागहणं । समागच्छंति वरगा परं न को वि अज्ज वि सेट्ठिस्स चित्ते चडति" । एवं भणिऊण कण्णगं गहाय गतो सो पुरिसो । जिणमुहो वि समागतो सुंदरसमीवं । साहिया जहा सुया सव्वा वि पउत्ती सुंदरस्स । ततो तं सुणिय रम्याए उज्जाणस्स, अविणय - बहुलयाए जोव्वणस्स, मयणुद्दीवणयाए महुमासस्स चंचलत्तणओ इंदियाणं, अणवट्ठियत्तणओ मणोवियाराणं, दुन्निवारया एय विसयाभिलासस्स, वियंभितो सुंदरस्स मयरद्धतो, नीहरिया नीसासा, पयट्टो सरीर-संतावो, पम्हुसियं काय, विगलिया लज्जा, पयट्टो सेय-पवाहो, समुग्गओ रोमंचो, खलिओ गतिसंचारो, अवहत्थितो कुलाभिमाण, पट्टो गुरूवसो' ति । अवि य
धम्मत्थ-मोक्ख-पायड-पडिवक्खो विहियहियय, संतावो । वाहि व्व जणियपीडो* वियंभितो वम्मो तस्स ||८७२ ||
ततो मुणियमणोभववियारेण भणियं जिणमुहेण - "भो सुंदर ! किमेयारिस कापुरिस - चरियसरिसं तए समाढत्तं ? अबुजारिओ एस मग्गो, धीरधणा होंति सुपुरिसाओ, किं पाययपुरिसो व्व अप्पाणं उम्मग्गपट्टियं न निवारेसि ? कत्तो य ते एस अपुव्वो इंदियवियारो ? केण वा एवं कओ ? कत्थ तं धीरतणं ? कत्थ सो गुरूवएसो ? कत्थ वा इंदियजओ ? कत्थ सो उवसमो ? कत्थ सो कुलववएसो ? कत्थ वा तं सुयणाणं ? कहि तं पच्चक्खाणं ? कहि वा ताणि अणुब्वयाणि ? कओ तं परदारदोसावायवियारणं ? कत्थ वा सो भगवतो तेलोक्कबंधुणो आगमोवएसो ? कत्थ वा सा वेरग्गवासणा ? कत्थ तं सच्चवयणं ? कत्थ सो दोसपरिहारो ? कत्थ ताओ अणिच्चयाइभावणाओ ? कत्थ सा लज्जा ? कत्थ वा ताणि सिक्खागब्भाणि माउयाए वयणाणि ? सव्वहा कि न मुणसि नारय- तिरिय-णरामरणाणाविहसारीर माणसाणेय दुक्ख परंपरापउरं संसारं ? किं न याणसि कम्मविवागं ? किं नावगच्छसि णरयवेयणातो ? किं न याणसि तिरियगइ - निबंधणाई दुक्खाई ? किन सुयाणि कुमाणुसत्तणणिमित्ताइं भय-रोग-सोगाईणि महादुक्खाणि ? किं न नायाइं देवलोग चवण- भयाणि ? किं नावगयाओ संसारावास - दुहपरंपराओ ? किं न दिट्ठ संसारासारत्तणं ?
१. निव्वत्तिऊण जे० । २. देहच्छा पा० । ३. हाणाएं दासीए पा० । ४. संपत्ति तिल जे० । ५. व्व जगपीं जे. । ६. वीरत्त. ना. ७. रा वित्थरसरूवं संसा० प० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |