Page Text
________________
जुगाइजिणिद-चरिय
संमज्जियं जगसंदरीए मंदिरं, पंचवण्णवत्थविणिम्मितो बद्धो उवरि चंदोवगो, कारियं सुगंध-कुसुमेहिं फुल्लहरयं, लंबावियाओ वियाणयपरिपेरतेसु मुत्तावलीओ, सज्जीकओ पवरपल्लंको; घणसारसम्मिस्स डझंतकालागुरुविणिस्सरंतधूमधयारियाभवणोदराओ, चउसु वि पल्लंकपाएसु विमुक्काओ धवघडियाओ, पजलंतपईव-पहा-पणासियंधयारासु, पल्लं भवणभित्तिसु पवरणागदंतेसु विमुक्का दप्पणा, विरइयं सीहासणं, अप्पणा वि भद्दासणगया चिट्ठति । ततो वियंभिए तमंधयारे पविरलमाणुससंचारासु य रच्छासु समागतो सिट्ठी। पविट्ठो भवणभंतरं । कओ जगसुंदरीए चलणसोयणाइओ उवयारो । पारद्धा सिंगारकहा । एत्थंतरे समागतो उवरोहिओ । मंदसद्देण भणियमणेण--"सुंदरि ! उग्घाडेसु कवाडं ।” जगसुंदरीए भणियं--"को एस ?" सेट्ठिणा भणियं-'उवरोहिओ विव लक्खीयइ ।" "अत्थेत्थ किंचि पच्छण्णं णिलुक्कणद्वाणं ?" दंसिओ मंजसाए उत्तरकोणो, पविट्ठो सेट्टी, दिण्णं तालयं, करे कया कुंचिया, उग्घाडियं' कवाडं, पविट्ठो उवरोहिओ, णिसण्णो सीहाणे, तस्स वि को तहेव उवयारो, पारद्धा संकहा। एत्थंतरे समागतो अमच्चो। सणियं भणियमणेण --"सुंदरि ! दुवारमवंगुणाहि।" तीए भणियं-को एस?" उवरोहिएण भणियं-- "अमच्चो।" संपयं का गई ? अत्थि किं पि पच्छन्नं?" दंसितो मंजूसाए पच्छिमकोणो पविट्ठो उवरोहिओ। दिणं तालय उग्घाडियं कवाडं। पविट्ठो अमच्चो । निवेसिओ सीहासणे । तस्स वि सवित्थरो सव्वो व कओ उवयारो, पारद्धो, कहारसो। एत्थंतरे समागतो गया। खीणसरं जंपियमणेण--"पिए! अवंगणाहि वारं।" तीए भणियं-"को एस?" अमच्चेण भणियं-"राया विय लक्खियइ।" अहो केरिसं जायं? अत्थेत्थ कि पि रहस्स ठाणं ?" दंसितो तीए मंजूसाए दाहिणकोणो। पविट्ठो अमच्चो । तालियं दुवारं । पवेसिओ राया। पारद्धो उवयारो। एत्थंतरे गहियसंकेया समागया सासुया। भणियमणाए--"हला ! जगसुंदरि ! उग्घाडेसु कवाडं।" राइणा भणियं--"का एसा ?" जगसुंदरीए भणियं-“मह सासुया ।" रण्णा भणियं-दंसेह ठाणं । खणमित्तं ओसारामि । दंसिओ मंजूसाए पुवकोणो। पविट्टो राया । दिण्णं तालयं । करे कयाओ' चत्तारि वि कुंचियाओ । उवसंहिरियं सव्वं पल्लंकमाइयं ।
एत्यंतरे वासियं तंबचूडेण । उग्गतो रविरहसारही । ततो बहुयरं गले चित्तूण सदुक्खमिव परुण्णा धणसिरी । मिलितो जणो । समागतो दंडवासिओ । पुच्छिया तेण धणसिरी-"भद्दे ! किमेवं सदुक्खं रोविज्जइ ?" तीए भणियं"एगो पुत्तगो' सो वि देसंतरे पंचत्तो पत्तो।" एयं णिसामिऊण तुरियं तुरियं गओ राउले तलवरो। भणिओ दोवारिओभद्द ! लहुं विष्णवेसु रायाणं । जहा तलवरो पओयणवसेण तुम्ह चलणे दलुमिच्छति ।" गतो दोवारिओ ण दिट्ठो राया। पडिनियत्तो भणिओ तलवरो-"न दीसति राया ।" पच्छा गतो तलवरो अमच्चमंदिरं उवरोहिय मंदिरं गतो । उवरोहितो वि ण सच्चवितो । पच्छा सेट्रिघरमणपविट्ठो, सेट्ठी वि ण दिट्ठो । ततो पारिग्गहिय-बलाहिय-दंडवासिएहि मिलिऊण मंतियं-“अहो न नजंति कहिं पि गया कारणपुरिसा ता मा हारिज्जउ रज्जकज्जं । संगोविज्जउ असामिया घरसिरी । एवं मंतिऊण गया धणसिरीघरे । णिरूवियं समंततो मंदिरं । ततो भणिया धणसिरी-“भद्दे ! महई तुम्ह घरे अत्थसंभावणा न पुण कि पि दीसइ, को एत्थ परमत्थो?" धणसिरीए भणियं-"अहं पि न याणामि । परं देसंतरं वच्चंतेण पुत्तेण एत्तियं भणियं जहा-"अम्मो एसा मंजूसा पयत्तण संरक्खणीया। ततो चितियमणेहि-घडमाणमेयं संभाविज्जइ एत्थ घरसारो । णिरूविया, जाव वालेउं पि न तीरइ ।" पुच्छिया सण्णवत्तिणी जगसंदरी । कि कारणमच्चग्गलो भारो?" तीए भणियं-अज्ज मए रयणिचरमजामे सुत्तजागराए सुमिणगम्मि चत्तारि लोगपाला नियघरमणुपविट्ठा दिट्ठा । ते घरं सच्चवेऊण मंजूसाए पुव्वदाहिणावरुत्तरेसु कोणेसु एक्केक्को पविट्ठो । ततो जग्गियाहं जइ एस सच्चो सुमिणगो, ता लोगपालाणुभावेण भारो वि संभाविज्जा ततो सयलपुरजणसमक्खं कह कह वि रायपुरिसेहिं चडाविया भंडीए मंजूसा । नीया रायकरणं । मुक्काकरणपुरओ ।
१. दुवारं जे० २. पारद्धा वम्मह कहा पा० । ३. करे गहियाओ पा० । ४. पुत्तो पा० । ५. मंति गिहे तम० पा० । ६. या समासन्न पा० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |