Page Text
________________
जुगाइजिणिंद-चरियं
एत्थंतरम्मि जयजयावियं मागहजणेण, समाहयाई मंगलतूराई, वियंभिओ साहु-सद्दो समुच्छिलिओ जयजयारवो, पवाइतो अणुकूलो सुरभिमारुतो । ततो थुव्वंतो मागहजणेण, अणुगम्मतो बंधव-मित्तयणेण, पुलोइज्जंतो पुरसुंदरी २ समूहेण, कामिज्जतो कामिणी जणेण, दाविजंतो अंगलिसएहि, पिज्जंतो णयणमालासहस्सेहि, नीहरिओ पुव्वपओलीदुवारेण ।।
एत्यंतरम्मि पयाहिणी कओ अच्चुभडवियडकलावकलिएण,' वरहिणा पुणो य दिळं सियवत्थणियत्थं साहुजयलयं । ततो भणियं सउण-पाढएण—“सत्थाहसुय ! सोहणा सउणा कज्जसिद्धि निवेइंति । जेण सउणनिरूवेहिं संलत्तं ।
जंबय वा समयूरे-भारद्दाए तहेव नउले य । दसणमेव पसत्थं पयाहिणे सव्वसंपत्ती ॥८५७।।
समणं संजयं दंतं सुमणं मोयगा-दहिं । मीणं घंटं पडागं च, सिद्धमन्नं वियागरे ॥८५८।।
ततो पडिच्छिऊणं सउणं संचलिओ सुंदरो । णगरबाहिं गएण विसज्जिया सेससुहि-सयण-पुरजणवग्गेण वंदिया जणणी, भणियमणाए--"वच्छ! एस ते परमसावयसुतो जिणमुहो णाम सयलकज्जेसु सहाओ ण य एयस्स वयणं पडिकलेयव्वं । किं च--
दारुणो पवासो, चंचला रिद्धी, दारुणो कम्म-विवागो, वियारबहुलं जोव्वणं, चंचलाणि इंदियाणि, परिणामविरसा विसया, विसमा रागदोसा, कट्टमन्नाणं, विसमसीला णरवइणो, वंचणा परायणो लोगा, दारुणो पमाओ, निंदितो जयपसंगो, अलियनेहो वेसायणो, ता वच्छ ! तहा वच्चसु जहा ण हसिज्जसि अस रिसजणेण, न निदिज्जसि पुरजणेण न हीलिज्जसि गरुयणेण णोवलब्भसि मित्तमंडलेण, न निदिज्जसि साहुसंघाएण, ण सोइज्जसि विउसवग्गेण, न वेलविज्जसि वियड्ढवंद्रेण, ण पयारिज्जसि कुसलजणविसरेण, णो साइज्जसि महाभुयंगसंगेण, न वंचिज्जसि धुत्तचरिएण, णावलोइज्जसि पंसुलिसत्थेण, न विडंबिज्जसि वियड्ढवेसा-जणाण, न 'खलिज्जसि मएण, न बाहिज्जसि विसमविलसंत-विसयतुरिय-तक्करगणेण, णायडिढज्जसि राएणं, ण बज्झसि माणेणं, न बाहिज्जसि सुहाभिलासेणं ति, ता वच्छ! एस परमत्थो कत्थइ धणयसरिसेणं, कत्थइ किविणविन्भमेणं, कहिं पि सत्तमंतेणं, अण्णत्थ भयभीरुएणं, कहिं पि तुरंतेणं, कहिं पि वीसत्थेणं, कत्थइ पंडिएणं, अण्णत्थ मक्खसरिसेणं, कहिं पि कढिणहियएणं, अण्णत्थ मओ य हियएणं, कत्थइ चंडसहावेणं, कत्थइ खंतिसहावेणं; अण्णत्थ सरलेणं, अण्णत्थ कुडिलेणं, कत्थइ समुण्णएणं, कहिं पि नमिरेणं, कत्थइ भीमरूवेणं, कहिं पि पसत्थदसणेणं, कत्थइ उज्जलवेसेणं, कत्थइ कुचेलेणं, कत्थइ णरवइसरिसेणं, कत्थई रोरविब्भमेणं, कहिं पि निग्गणणं, अण्णत्थ सगुणेणं, किं बहुणा सव्वहा जिणोवइट्टसरूवेणं पिव विचित्तसरूवेण होयव्वंति अवि य--
नडवेसा चरियसमप्पहेण सव्वत्थ पुत्त ! होयव्वं । अहवा जिणोवइङेण वत्थुणा तुल्लरूवेण ।।८५९।।
एवं च णाणाविहोवएसे दाऊण सुहि-सयण-समेया अहिणंदिऊण सुंदरं पडिनियत्ता धणसिरी । सुंदरो वि संठवितो कम्मयरे, उच्छाहतो जोह-पुरिसे, पुलयतो सुहिय-दुक्खिते, णिरूवितो वणियववहारे, घोसावेतो सत्थायारे, पलोयंतो देसायारे, णिसुणितो णाणाविहदेसभासाओ, अणवरयपयाणया सत्थो पत्तो कायंवरि णाम महाडवि । जाय हिमालयतणया विव आसण्णविसहरा णीलकंठाणगया य, महारिंदसेणा विव विलसिरपंडरीयसयसमाउला, उग्ग-खग्ग-निरंतरा य चंडाला, वणिभूमि व विलसंतमत्तमायंगा विरूववित्तसेविया य, राहव-लच्छिया विव कविसयपरिभुज्जमाणमहाफला लक्खणाणगया य'त्ति । अवि य-- गय-गवय-कोल-केसरि-खग्ग-तरच्छच्छ-भल्लकलियाए । अडवीए संपत्तो सत्थाहतो सपरिवारो ।।८६०।।
सव्वं पि दिणं वहिऊण अडवीए चेव पच्चयासण्णे समावासिओ सत्थो । ठिया नियनियट्टाणेसु, जामइल्ला समइक्कंता जामिणी दोण्णि जामा । एत्यंतरे विलुलियकेसा सदुक्खं रुयंती वाम-कर-गहियजोगदंडया पढमवए वट्टमाणी भालयल-निहिय-भूति-पुंडया, उत्तरासंगी कयपट्ट-सुत्तमय-जोग-पट्टया, वियडपयक्खेवक्कंतमहीमंडला, कप्पूर-धलिधूसरियंगी, सुगंधमिय-मयविहियकवोल-पत्तल-पत्तलेहा, उत्तत्त-कणय-कंतिकमणीयदेहा, सरीर-विणिस्सरंत-सुगंध-बहल१. गम्मतो मत्त० जे० । २. पुरसंदरिहि, कामि० जे० । ३. कलावेणं जे० । ४. पसते जे । ५. ज्जसि अरिसयणवग्गेण न पा० ।६. ण णोवल० जे० । ७. णोवलो० पा० । ८. म खली किज्जसि जे० ।९. बालभूमि० जे०।
Jain Education International
For Private & Personal Use Only
www.jainelibrary.org.
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |