Page Text
________________
सुदरसेट्ठि कहा
परिमलवासिय दियंतरा, सीमंतयणिबद्ध चारु चूडामणि फुरंत किरण-नियर-पणासियंधयारा, णागरायमुत्ति व्व महाभोगिणी, दिट्ठा सत्थवाहसुएण एगा जोगिणी । सुंदरेण भणियं -- "भगवइ ! का तुमं ? किं निमित्ता इह समागया ?" तीए भणियं - " महाभाग ! कीरउ ताव कंठगयपाणस्स जोगसारजोगियस्स जीवियप्पयाणेण उवयारो । पच्छा सो चेव सव्वं साहिस्सति । " तं सुणिय गओ तीए सह सत्थाह-सुओ । दिट्ठो पव्वय-नियंब-तले निवडिओ खग्गप्पहार - जज्जरिय- सरीरो, कह कह वि खलंतक्खरं पयंपमाणो, जोगिओ काऊण सुहासणे आणिओ नियसत्थे । कयं तत्थेव उप्पयाणयं । कइवयदिणाणि ओसह - भेसज्जेहिं य पउणीकाऊण पुच्छिओ सुंदरेण -- “ भद्द ! पडिवण्ण-वय-विसेसस्स वि भवओ किमेसा कत्थणा ?" जोगिएण भणियं -- "महाभाग ! जीवियप्पयाणेण गुरु तुमं, अतो अकहणिज्जं पि कहिज्जति ते नियचरियं । सु अज्जो ! "
८९
अत्थि वसंतसिहरिपव्वयसमीवे वसंतपुरं नाम नगरं । तण्णिवासी जोगसारो णामाहं जोगिओ । एसा पुण जोगसिरी जोगिणी मह पडिचारिया | अण्णया परिब्भमंतो जयमंडणाए जोगिणीए सद्धि समागओ जोगचंडो णाम जोगिओ, मिलिओ अम्हाणं जाया परोप्परं संकहा । ठिओ सो वि एत्थेव, समागच्छति पइदिणं मह समीवं । जाया मए सह मित्तया । जोगसिरि जयमंडणाण वि जातो वयंसिया भावो । अस्थि महधाउव्वाय परिस्समो तेत्तियमित्तं उप्पज्जइ, जेत्तियमेत्तेण सरीरभोगो मिट्टमन्नं च संपज्जिति, जोगचंडस्स वि किं चि किंचि य वियरामि । ततो अम्हे कयाइ अभक्खभोयण, कयाइ अपेयपाणेण, कयाइ रुट्ठाणि, कयाइ तुट्टाणि, कयाइ मत्ताणि, कयाइ उम्मत्ताणि, कालं गमेभो ।
अण्णा भणिओ ह जोगचंडेण - " वयस !" सिक्खवेसु ममं पि धाउव्वायं । अहं अज्ज कल्ले वा सिक्खवेमि इच्चाइ दिण्णसुण्ण हुंकारो ठिओ एत्तियं कालं । अज्ज पुण केणइ कज्जेण जाओ कलहो जोगसिरि, जयमंडणाणं । जयमंडणाए भणियं - “हला, णिय भत्तुणो लच्छीए गव्वमुव्वहसि ?" जोगसिरीए भणियं - ' बाढं वहामि । जइ ते सत्ती ता तुमं पि किं न गव्वमुव्वहसि ?" ततो इयरा मच्छरुच्छाइयमती अत्ताणं कररुह विलिहियं काऊण ईसिविगलंत - वाहसलिला गया जोगचंड समीवं । तेण भणियं - "केणेवं कथं ?" तीए भणियं -- "विसया सेवणं पइ पत्थियाहं । अणिच्छमाणी जोगसारेण एयवत्यंतरं पाविया । ततो समुप्पण्णकोवानलो विसंचरियागारो' मज्जं मंसं च गहाय मह समीवमागतो जोगचंडो । पहसियवयणेण भणियमणेण - "वयंस! अज्ज अम्हेहि समं उज्जाणियाए भवया भोत्तव्वं । पडिवण्णमम्हेहिं । गया वसंतसिहरपव्वयतले भुत्तं भोषणं । चउत्थपहरे पारद्धं मज्ज -पाणं अह तत्थ ठियाणं चेव अत्थमितो दिणयरो, विरंभितो तमंधयारो, अइमइरामयमत्तो णिवडिओ हं धरणिवट्टे खग्गं कड़िढऊण पहतो जोगचंडेण । मओत्ति मोत्तूण गओ सो पावो । जगमंडणा वि अणुभवसु णियभत्तुणो संपयंत्ति भणमाणा पलाणा | जोगसिरी वि महिलायणसुलहं सोयं णिरंभिऊण दट्ठण जलगुज्जोयं सोऊण सत्थरोलं मम संठविय कज्जप्पहाणा होऊण तुम्ह सगासमागया । तुन्भेहि वि महापुरसा जं करिति तं कथं । संपयं किंपि पत्थेमो ण मे पत्थणाभंगो कायव्वो ।” सुंदरेण भणिय- "जमुचियं तं करेह' ।" जोगसारेण भणियं -- " जइ एवं तो धाउव्वायलेसं वा गिण्हसु पढिया सिद्धं गारुडं वा न मे अण्णहा मण निव्वुई ।" उवहसीलयाए गहियं गारुडं सुंदरेण । वत्थाइणा सम्माणिऊण विसज्जिओ जोगिओ । अप्पणा वि दिण्णं पयाणयं । asarदिहि लंघिया अडवी । पत्तो कंचणउरं । आवासिओ नगरबाहिरियाए । ततो उज्जोइज्जति सगडाई, उल्लद्दिज्जति गोण - रासह कमेलया, उप्पल्लाणिज्जंति तुरंगमा, णिहणिज्जंति तुरंगम-वंदुराओ, पुंजिज्जंति अवल्लाओ, ताडिज्जंति पडउडीओ, तद्द्विज्जंति मंडवया, वित्थारिज्जंति भंडाई, समागया गरिद-पुरिसा । वट्टियं सुकं । समागया तन्निवासिणो वणिया । दरिसियाई भंडाई, पुलइयाई पडिभंडाई' अभिरुइयाई परोप्परं दिण्णाओ हत्थसण्णाओ । लग्गो ववहारो गणियाई लेक्खयाई । समासाईओ जहिच्छियलाभो । संतुट्ठा परोप्परं, संजत्तियं पडिभंड, णिरूविया भांडिया । चोइया कम्मयर ' त्ति । एवं णिव्वत्तिय से सकय- विक्कय-कज्जाणं सुंदरजिणमुहाणं संपत्तो पंचसरपरममित्तो भूय-बल" पल्लवुवेल्लकोइलालाव१. विसंवारियागा जे० । २. करेमो जे० । ३. याई भंडाई जे० । ४ परितुट्ठा पा० । ५ पिल्लत्थब्वेल्ल पा० ॥
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |