Page Text
________________
सुदरसेट्टिकहा
८७
संलत्तं-"जहा किर धम्मत्थकामा तिन्नि वि पुरिसत्था । तत्थ वि अत्थनिबंधणा धम्म-कामा । जेण किर अंब ! अत्थविरहियस्स न संपन्जंति, अणिदिया गुरुयणभुत्तसेसा विसिट्टा आहारा, न संपडंति पसत्थवत्थाणि, नो उवणमइ पंचसोगंधितो तंबोलो, न सवण-पहमुवगच्छंति वेणुवीणाइपसत्थसद्दा, न दिट्ठी' गोयरी होंति पसत्थ-रूवाणि, न संपज्जति मयणाहि-परिमलग्घविया घुसिणाइविलेवणविसेसा, न संपडंति मयरं दुद्दाम-गंधमणहराओ मालइकुसुममालाओ, णोवसप्पंति लोगजत्ताओ, ण संपज्जंति तियसपूयाओ, न जायंति गुरुयणसक्कारा, न वटुंति वसे नियबंधुणो, ण सुणेति वयणं पि तणया, णाणुगच्छंति णिययमहिलाओ।
उवभोग-भोग-दाणाइयाओ सीयंति सव्व किरियाओ। पुरिसाणत्थेण विणा गिरिसरियाओ व्व गिम्हम्मि ॥८४७॥ दाणोवभोगपरिवज्जियस्स गुणिणो वि पंडियस्सा वि । भुवणंतरं पि सुण्णं वुद्धस्स व अत्थरहियस्स ॥८४८।। पत्तम्मि दिज्जमाणो भावेण विसुद्धवित्तिसंपत्तो । नवरं न तवो एक्को हेऊ अत्थो वि मोक्खस्स ॥८४९॥ परिणामसुंदरं पि हु वयणं दूमेइ धणविहीणस्स । ईसरभणियं पुण मंगुलं पि हिययं सुहावेइ ॥८५०।। अवहत्थिज्जइ रोरो पावपवाहो व्व णिययजायाहिं । वम्महणडियाहिं पुणो सेविज्जइ ईसरो ताहि ॥८५१।। णियबंधुणो वि दूरं रोरं दठ्ठण लज्जिया होति । होइ परो वि हु नियडो सव्वो च्चिय२ रिद्धिमंताण ॥८५२॥ तियसगुरुविन्भमो विहुदीसइ मुक्खोव्व विहवपरिहीणो । अबुहो विपंडिओ च्चिय पुलइज्जइ विहवसंपण्णो' ।।८५३।। नासंति गुणा' सव्वे खलोवयारो ब्व विहवहीणस्स । अगुणा वि य हुंति गुणा परस्स रिद्धी-समिद्धस्स ।।८५४।।
ता अंब ! सव्वपयत्तेण इह-परलोगत्थिणा अत्थोवज्जणा कायव्वं । अज्जियस्स वि वुड्ढी कायव्वा, वढिओ य सुतित्थेसु णिओइयव्वो'त्ति । अह भणसि विढत्तो चेव अत्थि तहा वि अवड्ढमाणो अणवरयमुवउज्जमाणो य महातलाय जलुप्पीलो विव गिम्हयाल-रवि-करकरिसिज्जतो खयमुवगच्छति अत्थो'त्ति ।
अविढप्पंतो अत्थो तलाय-सलिलं व अंब निट्ठाई । उवभुज्जतो निच्चं, बहुओ वि ण एत्थ संदेहो ॥८५५।। णाणाविहदेसायारभासा नेवत्थ-विहिविहाणाइ । घरसंठितो न याणइ पुरिसो जह अवडसालूरो ।।८५६।।
ता सव्वहा गंतव्वं मए कंचणउरं'ति । एवं च मुणिय सुंदरणिच्छ्याए भणियं धणसिरीए-"पुत्त ! जइ एवं ता वच्चसु ।
ततो संगहिज्जति विचित्तभंडाणि, भाडिज्जति करभ-वेसर-तुरय-सगडाणि, सीविज्जति अवल्लाओ, कीरंति पत्थयणाणि, धिप्पंति पडउडीओ, संभासिज्जति सुहिसयणा, सच्चविज्जति वोलावया, तोरविजंति कम्मयरा; एवं च निय-निय कज्जवावडाणं संपत्तो गणग-सइओ गमणवासरो । तओ वाहराविओ सुंदरेण पाडहिओ । भणिओ य-भद्द ! घोसेसु जयंतीए गयरीए सिंघाडग-तिय-चउक्क-चच्चर चउम्मुह-महापह-देउलाराम-विहारुज्जाण-सहा पवा-मंडवाइसु इमिणा अत्थे--"जहा जयंतीओ णयरीओ कंचणउरं जाव जो जेण विसूरइ तस्स तं सत्थाहसुओ सुंदरो वियरइ ।' अवि य
वित्थरिओ पडहरवो इमिणा अत्थेण तीए णयरीए । सत्थाहसुतेण समं जो वच्चइ तत्थ सो भलइ ।
तं सुणिय चलिया बहवे बंभण-वणिय-कप्पडिय-तडिय-वणीमगादओ समण-परिव्वायग-रत्तंबर-पंडरंगमाइणो पासंडिणो य। के वि देसदसणत्थिणो, के वि अत्यत्थिणो, के वि आहारत्थिणो, के वि विज्जाणिमित्तं, के वि देसकोउहल्लेणं, संचलिया बहवे पाणिगणा । ततो काऊण सविसेसं जिणाययणेसु पूयाओ, पडिलाभेऊण साहुणो, सम्माणिऊण सावए, आपुच्छिऊण मित्ते,° पूइऊण पूयणिज्जे, सम्माणिऊण सम्माणणिज्जे, णिव्वत्तिया सेस कायब्वो, संपत्ताए लग्गवेलाए, आपूरिय जमलसंखो, मागहजण-जणिय जयजया-रावभरियभुवणोयरो "णमो जिणाणं"ति भणमाणो, समारूढो पहाणवेसरीए सुंदरो । वंदिऊण गोरोयण-दहि-दुव्वा-सिद्धत्थयाईहिं कयमंगलो, चलितो सत्थाहसुतो ।
१. णु दिट्ठ गो० जे० । २. विय जे० । ब्विय पा० । ३ संपुण्णो जे० । ४. णो संति जे० ।५. वज्जणमेव याय पा० । ६. विह भंडाणि पा०। ७. अवल्लतो जे० ८. चच्चरेसु पा० । ९. विज्जाहरूज्जा जे० । १० निमित्त पा० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |