Page Text
________________
८६
जुगाइजिणिंद-चरियं
सामिओ सुंदरो । विलसइ जहिच्छाए वियरइयघरसिरि । अण्णम्मि दिणे भणिओ धणसिरीए--"वच्छ ! अदिदृदुक्खो तुमं, पिउसंतिया एसा लच्छी उचियपवित्तीए जइ विलसिज्जइ तो चिराउया होइ । एयं सुणिय चितियं सुंदरेण-सुंदरं अम्मो भणइ । ता वच्चामि देसंतरं, करेमि अत्थोवज्जणं । ‘सा लच्छी जा सयं विढविय दिज्जइ विलसिज्जइ य' एवं संपसारिय ठिओ कइवयदिणाणि । अण्णम्मि दिणे भणिया जणणी-"अम्मो! जइ भणह तो ववसायं किंपि चालेमि ।" वाहजल-भरियलोयणा ठिया मोणेण धणसिरी अण्णम्मि दिणे वंगा जणवयसंठियाओ पुव्व-दिसिवहभालयलतिलयभूयाओ कंचणपुराओ समागया गहियणाणाविहभंडा वणिया । दावियाइं सुंदरस्स णिय भंडाई, गहियाई तेण सेसवणिएहि, य समासातिओ समागयवणिएहिं, इच्छिओ लाभो परितुट्ठा चित्तेण वणिणो।
अण्णम्मि दिणे भणिया सुंदरेण अज्ज ! अज्ज मह मंदिरे भोत्तव्वं । पडिवन्नमणेहिं । भुत्तुत्तरकालं च पयट्टाओ दिसि देस-भंडकयविक्कया लाभालाभसणाहाओ कहाओ । पसंसिओ य तेहिं सव्वदेसेहितो वि विन्नाण-विणय-धम्मत्थकामसत्थत्थवियारण-कलाकोसल्लाइएहिं अब्भहितो णियदेसो । तं च सोऊण समुप्पण्णो संदरस्स विगप्पो-अव्वो! रमणिज्जो वंगा जणवओ, सुंदरं कंचणपुरं, पसत्था लोगायारा, धम्मपरायणो जणो, जिणभत्तिमंता जाणवया अग्छति भंडाई, संभाविज्जति गरुयलाभा, लब्भंति पडिभंडाणि, णिरुवद्दवा पंथा, वेसमणसरिसा य ववहरया, कलावियक्खणा लोया, पोढवियड्ढाओ कामिणीओ, सुंदरो नेवत्थविही, सुहावबोहा भासा । इमं चितंतेण पुणो वि विनत्ता जणणी सुंदरेण-"अम्मो! तुन्भेहि समणुन्नाओ वच्चामि पुव्वपुरिसाणुवत्तेण' महाबलीवद्दसत्थेण अत्थोवज्जणनिमित्तं संतरंति अवि यधम्मत्थ-काम कलिओ जो मग्गो पुव्वपुरिस-पडिवन्नो । तणएण वि कायव्वो एस पसिद्धी धुवा लोए ।।८४२॥
ततो इमं निसामिऊण उक्खयदसणा विव विसहरी, उम्मूलिया विव वल्लरी, अवमाणिया विव माणिणी, वियलियजलुप्पीला विव जलयावली, कुसुमरहिया विव सुरहिसिरी, कमल-कुवलय-नीलुप्पल-सयवत्त-सहसपत्त-विहीणा विव महासरसिया, खलियचरित्ता विव तवस्सिणी, विमणदुम्मणा जाया धणसिरी। ततो खणंतरं किं पि तहाविहं हियएण झाइऊण भणिउमाढत्ता-- कस्स व णाणुमयमिणं जं वच्चसि पुन्वदिट्ठमग्गेण । जं वच्चसि देसंतरमत्थत्थी तं तु दूमेइ ।।८४३।। जतो
अत्थि ते पुव्वपुरिसज्जियं णिव्वाहमेत्तं दविणजायं। एगो य तुमं पुत्तगो अओ इहट्ठिओ चेव अम्हाण निव्वुई जणंतो ववहरसु । किंच
परितुदो मित्तजणो अणुरत्तो' वच्छ ! पुरजणो तुज्झ। वसवत्ती य परिंदो बंधुजणो णिच्चमणुकूलो ।।८४४।।
समुचियदाणं भोगो उचियपवित्ती य विहलिउद्धरणं । जस्स कते विढविज्जइ अत्थो तं अत्थि एत्थेव ।।८४५।। किंच
पुत्तय ! अइदूरे देसंतराणि, विसमा पंथा, दारुणा अडवी, घोरा सावया, दुल्लंघा गिरिवरा, विसमा पल्लीवइणो, गंभीरनीराओ निन्नयाओ, मायाविणो लोया, विचित्तचित्ता य जंतुणो, विसमा कज्जगई, विरला सज्जणा, अणेगे दुज्जणा, दारुणो वणवासो, किलेस-बहुलो पंथो, दुरणवत्ता कम्मयरा, अणिउणा वोलावया, अवीससणिज्जा य दुप्परियल्लाणि चउप्पयाणि, दिव्वायत्ता लाभा, अदिदेसो य तुमं, णिदिओ पवासो त्ति । अवियणेगमकलियं पंथं जिणोवएसं च रायमग्गं च । कह वच्चसि वच्छ ! तुम अमुणियसत्थत्थपरमत्थो ॥८४६।।
ता वच्छ ! अलाहि परदेसदसणेण । अत्थि ते पुत्तपोत्ताईणं' पि पुवपुरिसज्जियं दव्वं । तं उव जसु जहिच्छं।" ततो एयमायन्निऊण विण्णत्ता पुणो वि जणणी सुंदरेण-'अंब ! एवमेयं जहा तए समाइलैं। किं तु एवं सत्थयारेहि १. पुरिस चिन्नाणुवित्तेण पा० । २. रत्तो पुत्त ! पुर० पा० । ३. पुत्त पपोत्ताइ ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |