Page Text
________________
जुगाइजिणिंद-चरियं
थेवदिणमझे चेव विहडिओ घरसारो । तओ नाढायंति बंधुणो, मंदायरो परियणो । णया वि गणणा राउलदेउलेसु । जीवंतओ वि मयगसमो जाओ। जओको एत्थ सया सुहिओ, कस्स व लच्छी थिराइं पेम्माई। कस्स वन होइ खलियं भण, को वि नखंडिओ विहिणा ।।८४१।।
तओ वारिज्जंतो वि सुहिसयणेहिं, पयट्टो पवहणेण, लंघिओ जलनिही, गओ सुवण्णदीवे । समासाइओ हियइच्छियलाभो । आगच्छंताण दुव्वाता हतं, भिण्णं पवणं । जीविय व्व सावसेसयाए समासाइयफलओ, अयसभीएण व जलणिहिणा पक्खित्तो एस परतीरे । सिसिरपवणालिद्धतणूलद्धचेयणो, सुमिणमिव मण्णमाणो, उट्टिओ पुप्फ-फलकयाहारो, कह कह वि णियघरं पत्तो । ततो विहलववसायिणं अत्ताणयं मन्नंतो एवं मरणमज्झवसितो ।" साहुणा भणियं—“भद्द ! जिणसेहर, पंडितमरणेण मरमाणो संसारहाणि करेइ । तं पुण साहणं चेव, न गिहत्थाणं, ता जइ तुम पंडियमरणदिओ ता करेसु सव्वसावज्जजोगविरतिरूवं खंताइदसविहगुणगणालंकियं तित्थयराइमहापुरिससेवियं हिरवज्जं पव्वज्ज'ति । जिणसेहरेण भणियं--"भगवं ! एवं करेमि । गतो णियघरं । निव्वत्तिया सेसघरकायव्यो । पूइऊण जहा विहवं जिणचेइयाणि, सम्माणिय चउम्विहसंघो, पहाओ कयबलिकम्मो' कयकोउय-मंगल-पायच्छित्तो, धवलंसुयाहरण-विलेवणो, सिबियारूढो धम्मियलोएहिं परिवारिओ महाविभूईए पत्तो भगवओ अभयसेणमुणिणा समीवं । अवयरिओ सिबियाओ । वंदिओ मुणी । आगमविहिणा पव्वाविओ मुणिणा । णंदणो वि सोऊण जिणसेहरचरियं चिंतिउमारद्धो-“अहो ! विसमं जलणिहितरणं अत्थरहियाण णिसारत्तणं पुरिसाण ता मुद्धसेट्ठिमेव मुसिऊण णियदेसं वच्चामि । एवं कलुसियचित्तो कालं अतिवाहेइ । अण्णम्मि दिणे भणिओ मुद्धेण णंदणो--"वच्छ! गईपूरसच्छहं जीवाण जीवियं, ता जइ कह वि अजाणियं मह मरणं भवेज्जा ता एयम्मि पएसे अटारससरिया अट्ठारसहारा पंचसंपुडा सुवण्णमयइट्टगाणं गहेयव्वा", एवं भणिऊण धम्मज्झाणपरायणो दिणाणि अइवाहेइ मुद्धसेट्ठी । णंदणो वि कलुसियचित्तो .. गहिऊण निहाणसुवण्णगं मुत्ताहलाइयं अलक्खिओ चेव मुद्धसेट्ठिणा तामलित्ति पइ पत्थिएण दत्तणाइत्तगजाणवत्तेण समं रयणीए पलाणो । पहाए पढमपहराइक्कमे वि ण दिट्ठो मुद्धसेट्ठिणा । संकियमाणसेण णिरूवियं निहाणट्ठाणं न दिलैं सुवन्नाइयं । णिवेइयं गंतूण राउले । “महाराय ! मुट्ठो हं देसंतरागएण णियडिबहुलेण णंदणाभिहाणं वणियदारगेण ।" राइणा भणियं-"किं गतं?" सेट्टिणा भणियं--"पंचसुवण्णमयइट्टगा संपुडा महणामंकिया अट्ठारससरियाए हारे य मह नामंकिए चेव गहाय दत्तणाइत्तगजाणवत्तेण सह पलाणो संभाविज्जइ ।" ततो राइणा तक्खणा चेव णिरूवियं नावाकडगं मग्गाणुलग्गं ताव गयं जाव कइवयदिणेहिं जाओ संभेडो । पक्खरियं दत्तणाइत्तगेण पवहणं । इयरेहिं वि वेढियं समंतओ चेडियाहिं । पेसिओ पहाणपुरिसो कुढ़िएहिं । भणिओ तेण गंतूण दत्तणाइत्तगो--"तुह पवहणे णंदणो णाम वणिय-दारओ । अम्ह पुरे चोरियं काऊण तुह जाणवत्तेण सहागओ तं वा समप्पेहि जुज्झसज्जो वा भवाहि ।" दत्तण भणियं- “झज्झामि ।" न उण तं सरणागयं समप्पेमि । दत्तवयणेण सन्नद्धो वंठवग्गो। लग्गो जुज्झिउं सह णाविएहिं । एत्थंतरे मुच्चंतेसु णाराएसु णिवडमाणासु भल्लीसु, अंगोवंगिअभिंट्टतेसु कुंतयरेसु, समंतओ पासाणेसु पडतेसु तत्ततेल्लधाराणिवायडज्झमाणसव्वंगेसु सुहडेसु, सत्थप्पहारविहुरियंगेसु णित्थुणंतेसु कायरेसु, तत्तवालुया णिवायडज्झमाणसरीरेसु वि सिंहनायं मुयंतेसु साहस-धणेसु, कोवावेस-फुरुफुरिताहर-दसणदट्ठोट्ठ-कोप्परियफारफरएसु, फारक्केसु समुद्दमज्झे पक्खिप्पमाणेसु पाणविमुक्कपुरिसेसु पउरत्तणओ णावियाण अक्कमिज्जमाणे पवहणे सयमेव जुज्झिउमारद्धो णाइत्तगो । ताव खलिया तेण नाविया जाव वोलीणो वासरो। पच्छा मम्मपएसे णारायपहारसल्लिओ दिणयरेण सममत्थमिओ दत्तणाइत्तगो । णंदणेण वि गाढयरकयत्थणाभीएण फलहखंडं गहाय विमुक्को अप्पा जलनिहिजले । णाविया वि जाणवत्तं गहाय समागया सिंहलदीवं । समप्पियं राइणा जाणवत्तं । राइणा वि मद्धसिट्रिसंतियं तस्सेव समप्पिऊण सेसं अप्पणा संगोवियं । णंदणो वि मच्छ-कच्छभाईहिं विद्दविज्जंतो कंठगयपाणो
१. कम्मो धवलंसु० पा० । २. वि सुणिऊण पा० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |