Page Text
________________
चंदण-नंदणकहा
जइ वच्चह पायालं, सरणं वा सुरवई समल्लियह । कुणह उवायसहस्सं तह वि इयाणि न ते मोक्खो ।।२३।। इय सोउं संखुद्धो उड्ढमुहं जाव पेच्छए लोओ । ता नियइ णहे कत्थइ, घणा घणा कालणीलाभा ॥२४॥ कत्थइ लोहियहालिद्द-सुक्किला झलझलंति' विज्जुलिया । संखोहियजलहिजला, गज्जंता गरुयसद्देण ॥८२५।। खर-पवणपहयसायर-तरंगवेगेहिं दुब्भए णावा । गुरुभारभूपइट्टियनंगरणियरेण धरिया वि ।।८२६॥ पवण-पणोल्लिय-कल्लोलपेल्लिया नहयलम्मि गंतूण । णिवयंत-उप्पयंती, दोलारूढव्व वरतरुणी ॥८२७।। कत्थइ आवत्तगया तरंगवस-भामिया धयकरहिं । णच्चइ पहचित्ता वद्धावणयम्मि तरुणि व्व ॥८२८।। कत्थई वारं वारं, खरमारुय-खंचणेण खिज्जंता । तड-तड तडस्स तुट्रंति नंगरा वीइ वेगेहिं ।।८२९।। दुईततुरयतरुणि ब्व ताहिं उस्सिखला जहिच्छाए। लहरीहिं हीरमाणी, पहाविया गरुयवेगेण ।।८३०॥ कत्थइन चेव गच्छति कत्थइ संचरइ मंदमंदयरं । कत्थइ तुरियं गच्छइ भयभीया हरिणधरिणि व्व ॥८३१॥ कत्थइ गरुयणं दिट्टा अकज्जकरणुज्जया वकुलबाला । धुम्मति वेविरदेहा सा णावा जलहिमज्झम्मि ।।८३२॥ जलकल्लोलपलाविय-मह-नयण-गलंत-अंसु-बिंदुहिं । रुयइ व्व सा समस्सियजणोहपरिरक्खणा सत्ता ॥८३३।। तुटुंतसंधिबंधणकडयडभज्जंतफलह-सद्देण । सरणरहिया व रोयइ नियभंगं दट्ट्मासन्नं ।।८३४॥ अणवर यमज्जपाणा मूढमणा मत्तबालमहिल व्व । अडवियड्डा वियरइ समुद्दमज्झम्मि सा णावा ॥८३५।। गयसण्णकण्णधारा आउलविलवंतकोलियकुलोहा । भयतत्थवणियसत्था उद्द यकदंत-कम्मयरा ।।८३६।। लोहमहागहघत्थे सारधणं वणिजणम्मि गोविते । कडवट्टि-कच्छ-कुंतलकलावदेसेसु अतिधठे ।।८३७।। निय निय देवयसरणं पवज्जमाणे जणे असेसम्मि । णावियजणे य भंडं पविक्खिवं समुद्दम्मि ॥८३८॥ सहसा णहंगणाओ णावोवरि णिवडिओ गिरी एक्को । तेण सय सिक्करा सा जाया णावा खणद्वेण ॥८३९।।
विणवा जाणवत्तजणा । णंदणो वि जलहिजले णिमज्जिऊण उम्मज्जिओ दिट्ठो वेयालेण-"अरे ! पाव, अज्ज वि न मरिसि'त्ति भणिऊण पहाविओ । जावज्जवि न गेण्हइ ताव मलयाओ पडिनियत्तेण पारद्धो वेयालो विवक्खवंतरेण आढत्ता जुज्झिउं । णंदणो वि सावसेसयाए आउकम्मुणो संपत्तफलह-खंडो सत्तरत्तेण तरिऊण सायरं सिंघलदीवे लग्गो। दिट्ठो नियपओयणागएण मुद्धसिट्ठिणा । पुच्छिओ--“वच्छ ! कत्तो तुम?" तेण वि साहिया सब्वा वि पउत्ती। णीओ सिद्रिणा सघरं । मक्खिओ सुगंधतेल्लेण, सेइओ उसिणोदएण, नियंसाविओ पवरवत्थाणि, भोयाविओ अप्पणा सद्धि भणिओ य-"वच्छ नंदण! सघरं तुह एयं न संखोहो कायव्वो । जइ भणसि तो संबलं दाऊण केण वि जाणवत्तेण विजयवद्धणे पराणेमि ।" णंदणेण भणियं--"विहलियसयलधणस्स कि मे विजयवद्धणेण?" सेट्रिणा भणियं-- "जइ एवं ता प्रत्तो मह तुम, देह लेह इच्छाए, विलसेह णत्थि ते णिवारगो । समप्पिओ आवणो । ववहरिउमारद्धो णंदणो ।
अन्नया तिलय-उज्जाणगएण णंदणेण दिलैं जिणभुवणं । कयं चेइयवंदणं । एत्थंतरे समागओ एगो जुवाणओ। विरइया ते ण तित्थयरस्स मालई-कुसुममालाहिं पूया । उप्पाडिओ घणसारसम्मिस्सो कालागरुधूवो । वंदिओ भावसारंतित्थयरो । परमसंवेगमावण्णेण कयमेवं पणिहाणं तेण ।। "पत्थेमि कि पि जिणवर ! जइ वि तुम देव वीयरागो सि । तह वि णिय दंसणं देज्ज सामि ! मह अण्ण जम्मे वि।।।८४०।।
एवं भणिऊण णिग्गओ जिणमंदिराओ । गओ उज्जाणमज्झे । दिट्ठो तत्थ एगो विज्जाहरमुणी । वंदिऊण पुच्छिओ तेण-"भगवं! केण मरणेण मरमाणो वड्ढइ वा हायइ वा संसारं?" मुणिणा भणियं-“भद्द ! किं निमित्तं मरणविही पुच्छिज्जइ ?" तओ लज्जाए ठिओ अहोमुहो सो जुवाणो । मुणियसयलवित्तं तेण तस्स चेव वयंसएण भणिओ मणी--"महरिसि! एत्थेव वत्थव्वगस्स धणदत्ताभिहाणस्स सत्थवाहस्स सुओ जिणसेहरो णाम । उवरएसु जणणि-जणएसु १. न भे जे० । २. झलंत जे० । ३. संचलाइ पा० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |