Page Text
________________
८२
जुगाइजिणिंद-चरियं
लोगा । भगवया वि कहिओ सम्मत्तमलो दयाइगुणगणालंकिओ जिणिदधम्मो । जहाजोगं काऊण धम्मपडिवत्ति गया लोगा। चंदण-नंदणेहिं वि पडिवना गुरुपुरतो देसविरती । कइवयदिणावसाणे विहरिया अन्नत्थ सूरिणो । चंदणगंदणा वि अत्थोवज्जणणिमित्तं एगया रयणीए मंतिउमारद्धा ।
एगे गुणेहि गरुया अण्णे विहवेण गुरुतरा होति । गुण-धणरहियाण पुणो नराण न गुणो जियंताण ।।८०८॥
__ ता घिप्पंतु रयणदीवपाउग्गाणि भंडाणि । कीरउ सामग्गी, गम्मउ तामलित्तीए । लंधिज्जउ भगवं जलनिही । जतो
आरंभंताण धुवं लच्छी, मरणं च होइ पुरिसाण । तम्मरणमणारंभे वि होइ लच्छी पुण ण होइ ॥८०९॥ विसमववसायतरुवरसाहससाहं समारुहंताण । अच्छउ धीराण धणं मरणं पि हु होइ रमणीयं ॥८१०॥ पुरिसेण पुरिसयारो कायन्वो ताव नत्थि इह दोसो। अह विहिवसेण विहडइ विहिणा दोसोण पुरिसस्स ॥८११।। ववसायवज्जियं मुयइ मित्त! लच्छीकमागयं पितरं । गरुयववसायसहियं वरेइ लच्छी न संदेहो ८१२॥
तओ उभयसम्मएण गहियाणि भंडाणि, कया सामग्गी, समागया तामलित्ति । गहियाणि दुन्नि जाणवत्ताणि । भरियाणि भंडस्स पउणी कया णिज्जामगाइ धीवरा । तओ पसत्थवासरे चंदण-नंदणेहिं, नेमित्तियवयणेण पूइऊण जलहि,' निव्वत्तियासेसमंगलेहिं, ऊसियसियवडाणि उक्खित्त-नंगराणि, जहाठाणविणिविट्टणिज्जामगाणि मुक्काणि जाणवत्ताणि । अणुकूल-पवणपणोल्लियाणि कइवयदिणेहिं पत्ताणि समुद्दमज्झं ।
एत्थंतरे दिट्ठो तेहिं तालतरु-दीहनीम्मंस-विसमसंठियजंघा-जुयलो, पढमपाउस-सजल-जलहरगलगवल-कज्जलकाओ, कत्तिया कराला सिलिट्ठसंठियबाहुदंड-तडवियाडंबरो, मुहकुहराइक्कंत-दसण-लंबोट्ठसंपुडो, खज्जोय-दित्तलोयणो, पिल्लालियग्गजमलजुयलदीहा-कराल-जीहा सणो, चुल्लीविवरवियड-चिविड२-नासो, पलयकाल-घण-घण-णिस्सणेहि पूरितो णहयलं; कत्थइ किलिकिलंतो, कत्थइ फेक्कारेंतो "रे रे! णिरवराहवेरिय-पुरिसाहमणंदण ! सोहं चंडालो जो 'अचोरो वि चोरो' त्ति भणिऊण राउले तए संभालिओ । राइणा दुक्खमारेण माराविओ । विराओ दिट्ठो कहं जीवंतो छुट्टिहिसि?" इच्चाइ भणंतो वेयालो ठिओ पवहणस्स पुरओ । सुहेण वोलीणो चंदणो । संखुद्धा सत्वे वि नंदणजाणवत्तलोया । भयभीएण समुच्छाहितो णंदणेण णिज्जामओ । तेण वि तोरविया कण्णकूच्छिधारा ।
एत्थंतरे जायं अकालमेहद्दिणं झलझलिया नहयले विज्जुलिया । वरिसिउमारद्धं रुहिरधाराहिं गयणंगणं, मत्तो समुद्दो
कुवियकयंतसरिच्छो जालानियरं मुहेण मुच्चंतो । तज्जेंतो सयलजणं, वेयालो णयले भमति ॥८१३॥ पव्वय-सिहर-समुण्णयपवण-पणोल्लिज्जमाणलहरीओ । गंतूणुड्ढं पोयस्स बीयपासम्मि णिवडंति ।८१४॥ हा! ताय-ताय, हा! माय-माय, हा ! भाय-भाय, पभणंता। भयसंभंता लोया णिज्जामयसरणमल्लीणा ॥८१५।। तेण वि भणियं एरिसाणे उप्पइयं इमं जायं । जस्स न सक्का काउं पडियारं किं वियारेण ॥८१६।। सोऊण तस्स वयणं विमुक्कहत्थेहिं धीवरणरेहिं । पोक्करियं भो लोया ! गिण्हह संतरणफलयाई ॥८१७।। सर-सर-सरस्स मुंचंति णंगरा मिलियनावियणरेहिं । कुवय-थंभा तिरियं झत्ति विहिज्जंति पुरिसेहिं ॥८१८।। णयलपडत'अइरुद्दरुहिरधारा णिवारणट्ठाए । छाइज्जइ नावा सियवडेहि घणसुत्तमइएहिं ॥८१९।। रे लेह, लेह, धावह, रुंभह, छिद्दाणि जाणवत्तस्स । उल्लिचिऊण छड्डेह, जं पविठं जलं मज्झे ॥८२०॥ मा मा कुणह पमायं, तेल्लं तावेह लेह तह अग्गि । गरुयविडंबियवयणो गसिउमणो मच्छओ एइ ॥८२१।।
एमाइ संलवंता, भयभीया थरहरस्स कंपंता । चिट्ठति जाव लोया ताव नहे उठ्ठिया वाया ।।८२२।। १. जलनिहिं पा० । २. वियडनासो जे० । २. अइरुहिर जे० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |