Page Text
________________
चंदण-नंदण कहा
वदति कुशलं । नः सर्वप्रयोजनेषु प्राप्तो युष्मान् प्रहितो लेखः । प्रभूतं च कार्यमिदं । कतिपय दिनमध्ये वयमागमिष्यामः । भवता पि राजानं प्रति सर्वेऽपि सामंता विमुखी कार्याः । हस्त्यश्वसाधनचितका अपि भेद-क्षमा धार्या इति" । हत्थं संपहारिऊण संबुद्धचितेण सद्दाविओ मंती राइणा । सुणाविओ लेहत्थं । मंतिणा भणियं - अबद्धमूलो एस लेहो, कवडं केण वि कम्मवियं । णाहमेयस्स कम्मणोकारी ।" राइणा भणियं" को एत्थ परमत्थो ?" तेण भणियं -- "सुज्झामि ।" रन्ना भणियं -- " पच्चक्खे लेहे का सुद्धी ?" सव्वस्स हरणो काऊण मुक्को अमच्चो । दाविओ सव्वम्मि नगरे पडहओ । भणिओ लोगो - - " भो भो णागरया ! पंचदिणमज्झे सारधणं घेत्तूण पव्वयदुग्गे गंतव्वं । अप्पणा वि गहियकरितुरयसारभंडारो दुग्गमासिओ । रायारहियं संबुद्ध नगरं । भीया भंडसालिया । समग्घी भूयाणि भंडाणि । तओ कओ पडरभंडसंगहो विण्हुणा अप्पणा वि जणेण सद्धि समारूढो पव्वयं । ठिओ सत्तदिणाणि पव्वयदुग्गे राया । तओ पेसिया ( पच्छण्णा) पासंडवेसधारिणो विवक्खणरवइ नगरे चरा । मुणियपरमत्था समागया कइवयदिवस । पुच्छिया राइणा--" किं तत्थ वदृति ? " तेहि भणियं -- "महाराय ! सघरे चेव तस्स राइणो जेट्ठपुत्तजुवराएण सह विग्गहो । अलियं केण वि देवपायाण भयकारणं कहियं । एवं सुणिय उत्तिष्णो राया दुग्गाओ। समागया जागरया । पारद्धो ववहारो । विहू विजं दसह गहियं तं सएण वि न देइ । एवं ववहरंतेण तेण संपिंडियं भूरिदविणजायं ।
८१
अणम्मि दिणे पुच्छिओ बंभणेण -- " भाय ! कहं तए नगरसंभमे वि भंडगहणे साहसमणुट्टियं ?" तेण वि कहियं णिययमायाविलसियं । इयरेण भणियं - "ण सोहणमेयं, एगं ताव थूलालियविरतिवयखंडणं बीयं राय विरुद्धं ।” विण्हुणा भणियं - "वयसुद्धि पुणो वि गुरुकहणाइणा करिस्सामि रायविरुद्धं पि ण भविस्सति । जतो न मम।ओ अन्नो को वि एयं वियाणइ ।" इयरेण भणियं -- "न मे इमिणा अत्थेण वि कज्जं, अज्जेव मए तुह भिण्णेण होयव्वं ! " विण्हुणा भणियं -- एगं ताव णिव्ववसाओ बीयं भिण्णभवणेण भाएसि । भवसु को णिवारेइ । अलियवयण विदत्तदविण मगिण्हंतो पुढो ठिओ बंभो सच्चाभिभासी सुसंतुट्टो क.लं गमेइ ।
इओ य पारद्धा राइणा मूलसुद्धी । केणेसा परचक्का लियवत्ता कया ? परंपरएण तावगया जाव विहू । ततो ठिया भणिओ विण्हू रायपुरिसेहि--" भद्द ! तुमं पि अन्नं कहितगं दंसेहि । न सो तरति अण्णं दंसेउं । ततो समप्पितो राइणो । असहंतएहि कहितो गरवइस्स समग्घभंडग्गहणवइयरो 'कुकम्मकारी एसो' त्ति संजायनिच्छएण राइणा पुच्छिओ मंती - - " कुडलेहकरणे कस्स वावारो ?” मंतिणा भणियं - दाहिण करस्स जीहाए य । राइणा भणियं -- "दोह वि छेयं करेह । ततो विडंबिऊण णयरमज्झे मसाणे नेऊण विण्हुणो दाहिणकरो जीहा य छिण्णा । रुद्दज्झाणेण मरिऊण तच्चपुढवीए रइतो जाओ । बंभो वि रायामच्चसम्मतो, णिरइयारं देसविरई परिपालिऊण, जेट्ठपुत्तं कुडुंबे संठविय, विहिविहियाणसणो पंचणमोक्कारपरायणो, मरिऊण सहस्सारे सुरवरो जातो । जुगंधरायरिएण भणियं - "निन्नामिए ! थूलमुसावाय विरतिविराहणा दुहावहा जहा विण्हुस्स । आराहणा पुण सुहावहा जहा बंभस्स ।
संपय थूलादत्तादाणविरईए आराहणाविराहणा य भण्णइ ।
चंदण-नंदण कहा-
अत्थि इहेव जंबुद्दीवे द्दीवे भारहे वासे उत्तुंगपागारपइट्टिय कवि-सीसय-परंपरावरुद्ध नहंगणाभोगं, णाणाविहमणि- रयणविरायंत हट्टमग्गं जहाठाणविणिवेसियतिय- चउक्क चच्चरं, मंदरायमाणजिणभवण- सिहरसंठिय-पवणपहोलिर- धवलarasकरगेहि धम्मियजणं व हक्कारयंतं, आरामुज्जाणकाणणविराइयं विजयवद्धणं नाम नयरं । तत्थ णं चंदण-नंदणनामाणो दोन्नि वणिय दारगा परममेत्तीभावेण परिवसंति ।
अण्णा अहाविहारेण विहरता सूरो व्व पणासियान्त्राण- तिमिरणियरा, सोमो व्व सोमदंसणा चरणाण वियाणिय विहिवत्युवित्रा गुणसुंदराभिहाणो सूरिणो समागया । समोसरिया लयासुंदरुज्जाणे । समागया वंदणवडियाए नगर१. अहसंतेहि जे० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |