Page Text
________________
जुगाइजिणिद-चरियं
कि च
रक्खसभत्तं भत्तं रयणीए न संगयं भवइ भोत्तं । अण्णेसि पि नराणं विसेसओ सोयवाईणं ॥८०६॥ तम्हा दिणयरदिट्ठ अट्ठमभाए दिणस्स भुंजतो । इहलोए परलोए जीवो सुहभायणं होइ ॥८०७।।
एवं सोऊण पडिवण्णं विण्हुणा वि भावसारं निसिभोयणविरतिवयं । वच्चइ कालो। अण्णया भणिओ बंभेण विण्हू--"विणासियं लच्छीए अम्ह घरं । ण वयं सुद्दा न वि य बंभणा सहियं मए एत्तियं कालं । संपयं नियाणमेयं-लच्छि वा परिहरसु पुढो वा भवसु ।" उभयपक्ख (समाहाण)करणासमत्थो अजंपिरो चेव ठिओ विण्ह । पुणो पुणो भण्णमाणेण भणिओ बंभो विण्डणा--"वच्चसु ताव ससुरकुलं, आणेसु णिय घरिणिं पच्छा जहा जत्तं करिस्सामो।"संगयमेयं' ति, पडिवण्णं बंभेण। गतो ससुरकुलं । तम्मि य माहमासे सोहग्ग-सत्तमि दिणाओ समारब्भ सोहरगणिमित्तं रयणि-चरिमजामे मुहुत्तमेत्तं कालं आकंठजलावगाहेण सग्गाहारेण य हरवल्लहाराहणनिमित्तं ठिया सत्तदिणाणि बंभस्स सालिया। सत्तमो' सो चेव वासरो पडिवण्णतवविसेसाए पारणगणिमित्तं पारद्धो समारंभो। तत्थ पुण एस कप्पो-अखंड-सालि-तंदुलेहिं तव्वेलदुद्धपारिहट्टखीरेण रद्धो पायसो महुणा सह, पईवाइवज्जियाए रयणीए भोत्तव्वो। बंभो वि धरिओ सव्वं दिणं निरसणो, समागया रयणी, भोयणत्थमुवट्रियं सव्वं पि कुड्बयं । णिवेमियं पंतीप मूले णिसण्णो समं ससुरसालएहिं बंभो । परिविट्ठो महुणा सह पायसो, करपरामरिसेण भुजिउमारद्धो।
- एत्यंतरे णिवडिओ भवियब्बया नियोएण वलहरणाओ महगहियघरकोइलो ससुरभायणोवरि सप्पो । उमिणपायस-परितावपीडिएण मुक्को सप्पेण घरकोइलो। पक्खिओ ससुरेण कवलगहणनिमित्तं भायणे हत्थो। डक्को भुयंगमेण । 'खद्धो 'खद्धो' त्ति पोक्करियं तेण । आणिओ पईवो। दिट्ठा भायणमज्झे मुक्कजीविया घरकोइलभुयंगमा। विसविगारविधायणसामग्गि कुणंताण चेव ताण उवरओ सो बंभणो, अक्कंदसहभरियभुवणोयरं कयं उद्धदेहियं । सक्कारिय तक्कडेवरं । विस्सरं विलवंताण वोलीणाणि तिन्नि दिणाणि । विणा वि कलत्तण पडिणियत्तो बंभो । चितियं चाण--२ "महाणत्थपरंपरा-णिबंधणं रयणि-भोयणं। धन्ना लच्छी जीए तस्विरई कया।" एवं वियप्पंतो पत्तो सनयरं। पविट्ठो णियमंदिर, दिट्रो विसायमावण्णो विण्हुणा । वज्जरिओ य--"वच्छ! किं न आणीया घरिणी, किं वा विसष्णो वि य लक्खीयसि?" साहिओ तेण सवित्थरो ससुरमरणपज्जवसाणो वइयरो। निदियं राई-भोयणं । पसंसिया लच्छी । ठिओ मोणेण विण्हू।
अण्णम्मि दिणे तत्थ समागओ अइसयनाणी सुविवेओ णाम आयरिओ। गया तव्वंदणणिमितं णागरजणा। जिणधम्माभिमुहमाणसं दट्टण बंभं जंपियं लच्छीए-“जइ भे धम्माहम्मविधारणेच्छा तो गम्मउ सूरि-समीवे; वियारिज्जर धम्मतत्तं ।" पडिवण्णमणेहिं । गया समं जिणमईए । वंदिया सूरिणो। सुया धम्मदेसणा । भाविया माणः पडिवण्णो सम्मत्तमूलो देसविरतिधम्मो । वंदिऊण सूरि गया णियमंदिरं । मामावसाणे अण्णत्थ विहरिया सूरिणो। सुविसुद्धसावयधम्म-परिपालणपरायणाण विण्ड-बंभाण वच्चइ कालो। सुसंतुटो बंभो। लोभाभिभूओ विण्हू, चितई अत्थोवग्जणोवाए।
अण्णया भणिओ तेण बंभो--"करेमो भंडसंगहं ।" बंभेण भणियं ---"महग्घाणि संपयं भंडाणि न दिति सुर. क्खियाणि वि लाभं ।" तेण भणियं--"तहा करिस्सं जहा समग्याणि भविस्संति । तओ विण्हुणा मायाबहुलेण कया अलिया परचक्कागमणवत्ता। पसरिया सव्वम्मि णगरे। एयस्सेव अत्थस्स संव.यणत्थं विरुद्धाराय-कूडलेहाणि लिहिऊण णियपुरिसेहिं छड्डाविया रायपहे। दिदा तडाणागय-रायकुंढेण । वाइयं उवरिमनामपयं दिटु अमच्चनामं । संगोविओ लेहो। दंसितो राइणो । तेण रहसि वाईओ। यथा-स्वस्ति श्रीनागपुरात् श्रीमदरिमईन नराधिपो यत्रस्थममरगुप्तमंत्रिणं संबोध्य
१. सो वारो पडि० पा० । २. च तेण पा० । ३. तस्स वंदना पा० । ४. संचयाण. पा० । ५. स्वस्ति श्रीमत् पत्तनात श्रीमत कुमारपालनराधिपो यत्रस्थ पा० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |