Page Text
________________
विण्हु-बंभकहा .
निसिभोयणनियमो । ओसहाइकज्जं परिवज्जिऊण दिना महु-मज्जाइण नियमा। गहिया लच्छीए भावसारं । भगवतीए भणियं--"पडिवण्णनियमपरिपालणे पयत्तो कायव्यो।" लच्छीए भणि--"भयवइ ! जहा सत्तीए जइस्सामि ।" वंदिऊण गणिणि चलियाओ (स) घराभिमुहं। जिणमईए भणियं--"पियसहि ! धन्ना तुम जीए अणेगभवकोडि-समज्जिया सुहकम्म-कंदुक्क्कंदण-कुद्दालकप्पो जिणधम्मो पडिबन्नो । अज्ज मह तए सह भावसारो सहियाभावो' । एवमुववूहणा पुरस्सरं धम्मे थिरं काऊण लच्छिं, गया जिणमती नियमंदिरं । लच्छीए वि गंतूण साहिओ विण्हुस्स जिणधम्मपडिवत्ति वइयरो । कालीकयवयण-कमलो अदिनपडिवयणो अहोमहो ठिओ एसो। अट्रमभाए दिवसस्स कयं वेयालियं लच्छीए। गच्छइ पइदिणं जिणमंदिरे समं जिणमईए । पज्जवासह जइजणं। जाया णिच्चलमाणसा जिणधम्मे न करेइ मिच्छद्दिदि कज्जाई। थिरसम्मत्ता कालं गमेइ। सिणेह-लंधितो न कि पि जंपइ २ विण्हू । अण्णम्मि दिणे भणिया लच्छी भत्तारेण--"पिए ! जिणसासणमेव सग्गापवग्गकारणं, तम्विवरीयाणि संसाणि जं भणसि, तं ते राग-दोस-विलसिथं
। को वा दोसो रयणि-भोयणेण न' भंजिज्जइ?" जिणसासणकूसलाए तत्तो निच्चलमणाए लच्छीए णिस्संकाए भणियं--"नाह ! निसामेसु मज्झत्थं-एरंडे रहदारु अकुव्वतो कुव्वतो यतिणसम्मि को वढ्ढइस्स रागो को वा दोसो त्ति ।
परिहरिऊण अधाऊं धाऊ बलसंगहं करेमाणो । धाऊब्वाइय-पूरिसो न दोसवत्तव्वयमुवेइ ।।७८८।। बीया बीए नाउं मोत्तमबीए य करिसगो बीए। वावई रोहणजोग्गे ण तस्स सो पक्खवाओ उ ।।७८९।। कंकडए को दोसो जं अग्गी तं न पयइ दिन्नो वि । को वा इयरे रागो पयणसहावग्गिमुग्गम्मि ॥७९०।। गयलक्खणे कुमारे सलक्खणे पुच्छिओ नरवइस्स । जइ साहइ सामुद्दो कि सो विसमो ति वत्तब्बो ? ||७९१।। जइ सुमिण-सत्थकुसलो जहट्ठियं कहइ सुमिणयस्स फलं । रत्तो त्ति वा दुट्ठोत्ति वा किं सो वत्तव्वओ होइ ।।७९२।। एवं मज्झ वि पिययम! जहट्टियं सग्ग-सिव-सुह-करेति । जिणसासणंभणंतीए णत्थि रागो ण वा दोसो ।।७९३।। वत्थुसहावो एसो जत्थ दया विसयणिग्गहो जत्थ । सो धम्मो सो हु तवो सेसो संसारमग्गो त्ति ॥७९४।। निसिभोयणम्मि दोसे समासओ संपयं णिसामेहि । ण य णिहोसं वत्थं को वि सयाणो परिहरेइ ।।७९५।। निसियर-भूय-पिसाया णिसाए हिंडंति अक्खलियपयारा । उच्चिट्ठमन्नमेएहिं कह णु भोत्तव्वयं होइ ।।७९६।। चिट्ठउ ता परलोगो रयणीए भोयणं कुणंताणं । इहलोगे वि अणत्था विछ्य-सप्पाइसंजणिया ॥७९७।। जइ वि य पिपीलिगाई दीसंति पईवजोतिउज्जोए । तह वि तस-थावराणं सुहमाणं दंसणं कत्तो ।।७९८॥
संति संपाइमा सत्ता अहिस्सा मंस-चक्खणो । तेसि संरक्खणदाए वज्जियं णिसिभोयणं ।।७९९।। भणियं च--
जइ वि हु फायदव्वं कुंथपणगाइ तह वि दुप्पस्सा । पच्चक्खणाणिणो वि ह राईभत्तं परिहरंति ॥८॥ कि च--
हंसाइपविखणो विहु नपाइणो पसुगणा वि पाएण । अत्थमिए दिवसयरे भोयणरहिया परिवसंति ॥८०१॥ भुंजामो भुंजामो ति जे मणे चितयंति रयणीए । वायाए पयंपति य काएण तमेव कुव्वंति ॥८०२।। पसुधम्मो वि न ताणं नराण' णिण्णदृसिट्टचिट्ठाणं । दूरे दुग्गइ-हरणो जीवदयालंकिओ धम्मो ॥८०३।। जह आरंभा पिययम! पाएणं सूर-सक्खिया सव्वे । तह भोयणं पि जइ कोइ कुणइ का वारणा तत्थ ।।८०४॥ अन्नो वि हु एस गुणो रयणी-भत्तं विवज्जए१० ताण । उववासेणं अद्धो जम्मो वोलेइ मणयाण ।।८०५।।
१.सडिढया भावो जे० । २. जपेति जे० । ३. भंजइ पा० । ४. निसुणसु जे.. ५. वावंति जे० । जोगो जे० । ६. पयावा पा० । ७. विच्छुपमपाय पा० । ८. निनट्ट तिट्ट चिट्ट. पा. । ९. जइ कुणइ कोई पा० । १०. विवज्वयं ताण जे० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |