Page Text
________________
७८
जुगाइजिणिद-चरियं
वह-मारण-अब्भक्खाणदाण-परधण-विलोवणाईणं । सव्व जहन्नो उदओ दसगणिओ एक्कसि कयाणं ।।७८६।। तिव्वयरे उ पओसे सयगुणिओ सयसहस्स कोडिगुणो । कोडाकोडिगुणो वा होज्ज विवागो बहुतरो वा ।।७८७।।
सो वि पडिरूवगजीवो चउसु वि गईसु संसारमपारं हिंडिऊण केण वि कालेण सिज्झिस्सइ । थेरी जीवो वि विचित्तयाए कम्मपरिणामस्स बोहिं लहिउं सत्तट्ठभवेहिं कयपव्वज्जो सिज्झिस्सइ'त्ति । सुरूवो वि गओ कुसत्थलं णागया
'त्ति गवेसणत्थं भंडी। सामिओ वि तत्थेवागतो । दिटठो सुरूवो पृच्छिओ---"कहिणे भंडी-बलिहा वा?" सूरूवो भणति--"ण याणामि ।" इयरेण भणियं--"सक्खं चेव गहिऊण कहं न याणसि?" पयडतक्करो वि य लक्खियसि ।" एवं विवयंता दिट्ठा णगरारक्खिएण । णीया रिदसमीवं । साहिओ भंडीवइणा जहट्ठिओ वईयरो। गहिओ सुरूवो । इयरो मुक्को । राइणा भणियं--"अरे! सारही होऊण भंडी-वइयरं पि ण याणसि?" लहुं णगरमज्झे विडंबिऊण सूलारोवियं करेह ।" तहेव विडंबिओ । णीओ सुला समीवं । एत्यंतरे पवयणदेवया णगरोवरि महासिलं विउव्विऊण भणियाइया--"अरे रे ! अपत्थिय-पत्थिया पत्थिवा! जइ सुरूवं णिरावराहं मारिस्सह तो भे सव्वे वि मारिस्सं ।" ततो राया धूव-कडच्छ्य-हत्थो सणागरो एवं भणिउमाढत्तो--"दिट्ठो कोवो, संपयं पसायं करेह । जं भणह तं करिस्सामो ।" तओ संहरिया सिला देवयाए । राया वि सणागरो हत्थि-खंधमारुहिऊण गओ सम्माणिऊण पवेसिओ सुरूवो । पुच्छिओ वृत्तंतं । तेण वि जहट्रियं सव्वं साहियं । तओ रण्णा परितुळेण कओ रयण-भंडारिओ। जहा गहियदेसविरइ-परिपालणापरायणो कालं गमेइ ।।
____ अण्णया जोग्ग-सुय-समारोविय-कुटुंबभारो अणुण्णविय रायाणं सुयसागरायरिय-समीवे णिक्खंतो सुरूवो । गहिय दुविह-सिक्खेण, अहिज्जियाणि चउद्दसपुव्वाणि । उप्पाडियं ओहिन्नाणं ।
अन्नया अणुण्णविय गुरुयणं पडिवण्णो अणसणं । समाहिणा मरिऊण सव्वट्ठे सुरवरो जाओ । तओ महाविदेहे सिज्झिही । ता भद्दे ! पाणिवहविरई सम्म परिपालिया गुणावहा । जहा सुरुवस्स विराहिया दुहावहा जहा पडिरूवस्स
संपयं थूलमुसावाय-विरमणाराहणाए विराहणाए य एगं चेवोदाहरणं भण्णइ--- विण्हु-बंभकहा--
अत्थि इहेव जंबद्दीवे दीवे अवरविदेहे वासे विजयपुरं नाम नयरं। तम्मि य सयल-माहण-पहाणा पुरिसोत्तिमो - नाम माहणो परिवसइ । गोरी से भारिया। विण्ड-बंभनामाणो दोन्नि · ताण तणया। परिणीयाओ तम्मि चेव नयरे सिरिहर-सिरिदेवाभिहाणाण बंभणाण लच्छि-लच्छिमतिणामियाओ धूयाओ। अण्णया उवरओ पुरिसोत्तिमो । गोरी वि तेणेव सह मया । कयलोग-ववहारा घ.-कज्जाणि चितिउमारद्धा। विण्ह-बंभा चंदस्सेव चंदिमा, विण्हणो विव लच्छी
।। तीए पुण जिणदत्त-सावय-सुया जिणमती णाम बाल-वयंसिया। अण्णम्मि दिणे गया जिणमती भवणे लच्छी। कयसम्माणा तीए दिण्णासणा निसण्णा ठियाओ परोप्परं संकहाए खणमेग । तओ उद्रिया जिणमती। पुच्छिया लच्छीए-"पियसहि ! कि निमित्तं कहा-रसविच्छेयं काऊण लहुं चेव उठ्ठिया ?" तीए भणियं--- "चाउम्मासियं पव्वदिणमज्ज। गंतव्वं (मए) साहणिसगासे । गहियव्वं चविहाहारस्स अहोरत्त-पच्चक्खाणं । कायव्वं पोसहाइयं पव्वदिण्णाणदाणं। सोयब्वो दयासारो जिणप्पणीओ धम्मो।" लच्छीए भणियं--"अहं पितए सह समागमिस्सामि धम्म-सवणट्टा।" जिणमईए भणियं-"को कल्लाणे विरोहो?" गयाओ दो वि कल्लाणसिरि-गणणिसमीवं । वंदिया गणिणी। संभासिया विसेसेण लच्छी। पयासियं गुरु-देव-धम्म-तत्तं । उभयलोगदुहावहं दंसियं निसिभत्तं । पसंमिया वित्थरेण धम्म-तरुबीय-भूया नरामर-सिव-सोक्खसाहिगा जीवदया। लच्छीए भणियं-भयवइ! सोहणो धम्मो। सोहणतरं: सम्मत्ताइ-धम्मसाहणं । देसु मे सम्मत्तपुरस्सर निसि-भोयणनियमं । अन्ने वि मह-मज्ज-मस-पंचुंबरि-परिहारपहाणे नियमविसेसे। गणिणीए भणियं-"धन्ना तुम जीसे सूई-सवणे वि एरिसी सवा। विसेसकज्जं विवज्जिऊण दिन्नो सम्मत्तमलो :
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |