Page Text
________________
जुगाइजितिन-चारवं
एवं खु जंत-पीलण-कम्मं पिल्लंछणं च दवदाणं । सर-दह-तलाय-सोसं असई-पोसं च वज्जेज्जा ।।७५७।। तह णत्थदंडविरई तव्वसचउव्विहो अवज्झाणे । पमायायरिएहिं सप्पयाण पावोदएसे य ॥७५८।। अछेण तं न बंधइ जमणठेणं तु बंधए जीवो । अठे कालाईया नियामगाण उ अणट्टाए ।।७५९।। कंदप्पं कुक्कुइयं मोहरि-अहिगरण-करणसंजोयं । उवभोगपरीभोगाइरेगं तं तं पि वज्जेज्जा ॥७६०।। सावगधम्मविहीए समासओ गुणव्वयाइ भणिऊण । पइदियह सेवणिज्जे एत्तो सिक्खावए वोच्छं ।।७६१।। सामाइयस्स करणं पढमं सिक्खावयं मुणेयब्वं । सावज्जजोगवज्जणणिरवज्जा सेवणं तं च ॥७६२।। सामाइयम्मि उ कए समणो इव सावओं हवइ जम्हा । एएण कारणेणं बहुसो सामाइयं कुज्जा ॥७६३।। मणवाया कायाणं' दुप्पणिहाणाणि तस्स अइयारा । सुमरणअकरणयं वा अणवट्ठियकरणयं वा वि ॥७६४।। जो घरचितं सड्ढो सामाईयसंठिओ वि चितिज्जा । अदृवसट्टोवगयस्स तस्स तं निष्फलं नेयं ।।७६५।। सामाइयम्मि उ कए बुद्धीए पेहिऊण भासेज्जा । सइ अणवज्जं वयणं इहरा सामाइयं विहलं ॥७६६।। काएण अणुवउत्तो पडिलेहपमज्जणं च अकुणंतो । हिंसाभावे वि न सो कडसामाइतो पमायातो ॥७६७।। न य मुणइ पमाइल्लो' कथाइ सामाईयं तु कायव्वं । कयमकयं वा ण मुणइ कयं पि अहेलंतयं तस्स ॥७६८।। देसावगासियं पुण दिसि-वयगहियस्स पइदिणं जमिह । कीरइ गमणपमाणं बीयं सिक्खावयं एयं ॥७६९।। आणवणपेसणाणं होति पओगेहि एत्थ अइयारा । सद्दाणुरूववाए तह बहिया पोग्गलक्खेवे ॥७७०।। आहार-देह-सक्कार-बंभवावार-पोसहा चउहा । पव्वदिणाणुदाणं तच्चं सिक्खावयं एयं ॥७७१।। एक्केक्कं होइ दुहा देसे सव्वे य पोसहविहाणं । सामाइए वि भासा देसे सव्वम्मि कायव्वं ॥७७२॥ सज्जुच्चाराईणं पडिलेहपमज्जणाण अक्करणं । दुक्करणं वयाइयारो सम्मं च ण पालए गहियं ॥७७३।। आयाणुग्गहट्टाए जईण कप्पं विसुद्धसद्धाए । कमजुत्तमतिहिदाणं तुरियं सिक्खावयं एयं ॥७७४।। सच्चित्ते णिक्खेवं पिहणं वा वज्जए सचित्तेणं । कालाइक्कमदाणं परोवएसं च मच्छरियं ॥७७५।। पंच वि अणुव्वयाइं गुणव्वयाइं च आवकहियाई । सिक्खावयाई चउरो इत्तिरियाई तु णेयाइं ॥७७६।। भणिओ बारसभेओ पाणिवहाईण विरमणसरूवो । सावगधम्मो वि इमो जत्थ रुई तं करिज्जाहि ॥७७७।।
तत्तो निन्नामियाए भणियं--"भगवं! असमत्थाहं जइधम्मकरणे । सावगधम्म पि संपुण्णं न चएमि काउं, देहि मे पंचाणव्वयाणि ।" जुगंधरायरिएण भणियं--"भद्दे ! एयाणि वि सम्ममाराहियाणि सुहफलाणि, विराहियाणि पूण दुहफलाणि । अतो आराहणाए विराहणाए य एग चेव उदाहरणं भण्णइ । सुरूवपडिरूव कहा
अस्थि इहेव जंबुद्दीवे दीवे भारहे वासे बहुदेसागयवणिय-जणसंकुलं सव्वओ सुप्पइटुम्भंलिहपागारपरिवेढियं, कि चन्नं
गयगामिणि कामिणि कुलकलियमणहरुद्देस, । उद्देसपतिट्टियविविहकाणणुज्जाणसोहिल्लं ॥७७८।। सोहिल्लमहासालं दिसि दिसि दीसंतकुट्टिमुप्पील, उप्पीलागयसामंतसत्थसंरुद्धविवणिपहं ॥७७९।। विवणिपतिट्टियमणिकंति-णिवह-संभग्ग-दिवस-णिसिभेयं । णिसिभेयसमय-पसरिय-मंगल-संगीयरवमुहलं ॥७८०।। रवमुहल-पंजरट्ठियकणइल्लपढिज्जमाणगुणणिवहं । गुणणिवह-रयणमंडिय-सुसाहु-जण-वड्ढियाणंदं ॥७८१॥ आणंद-विवस-विलसिर-सुरूव-जण-विजिय-सग्ग-सोहग्गं । सोहग्ग-समुद्धर-मत्त-कामिणीजणियजण-मयणं ॥७८२।। मयण-महाभड-माहप्प-दलण-सोडीर-मणि-जणाइण्णं । मुणिजण-आइण्णायार-सवण-तल्लिच्छ-धम्मिययणं ।।७८३॥ धम्मिय-यण-कयावास-जिणमंदिर-सिहररुद्धगयणग्गं । गयणग्गलग्ग-पासाय-पंति-पायडियवरविहवं ॥७८४।।
वरविहव-लोहवाणिय-विवणिट्ठिय-दीसमाण पवरकुसं । कुसंकुरवडुयाइण्णं कुसत्थल णाम णगरं ति ॥७८५।। १. समाइय कय किच्चो दुप्प पा० । २. पमायाओ पा० । ३. पि अलहंतयं पा० । ४. नेयं पा० । १. तओ पा० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |