Page Text
________________
जुगाइजिणिद-परिय
चोरेण भणियं ---"किं तह विज्जाए ? गेण्ह इमं धणं, पयच्छसु ससाहणोवायं मह विज्ज ।" तेण वि तं चेव कयं। चोरो वि गहियविज्जो समारूढो सिक्कगे । असयं जविऊण विज्ज एक्कसि चेव छिण्णा चत्तांरि वि सिक्कगपायगा । गओ आगासं । इयरो वि पभाए सहोढो णिग्गहिओ आरक्खिएहि,णयलगतेण "भेसिया ते तेण तक्करेण ---"अरे ! पावा, णिहोसमेयं कयत्थंताण णत्थि ते मोक्खो । मंचह मा भे सव्वे वि मारेहामि । णगरोवरि सिलं विउव्विय भाएइ। तओ राया आदण्णो खामेइ तं च वणियं मोए चोरो वि सावगो जाओ। एवं फलं पइ जहा तक्करो तहा होयव्वं णिवित्तिगिच्छ ति गयं । परपासंडपसंसा तत्थोदारणं--
पाडलिपुत्ते नगरे चंदगुत्तो राया चाणक्को मंती । अनया कहि अवराहे चंदगत्तेण भिक्ख गाणं वित्ती' अवहरिया ते तस्स धम्म कहिउमारद्धा, राया तसति । चाणक्कं पलोएइ न पसंसंति । राया न देइ । ततो तेहिं चाणक्कमहिलाओ लग्गिया। तीए भणियं-"किं कारणासेवा?" तेहि भणियं-"तहा करेसु जहा चाणक्को राया पुरतो अम्हे पसंमइ ।" पडिवण्णमिमाए ताव भणिओ जाव पडिवन्नममच्चेण । .
अण्णम्मि दिणे-भिक्खगेहि रन्नो धम्मे कहिए । चाणक्केण भणियं--"अहो ! सुभासितं" तओ रण्णा तं च अण्णं च दिन्नं । बीय विसे वि एवं चेव दिण्णं । तओ चाणक्केण चितियं--"अहो ! मए दो वि लोगा विराहिया इहलोए ताव मिच्छत्तपसंसाए लोयाण थिरीकरणं दविणव्वओ य परलोए दुग्गई य ।" एवं विचितिय भणिओ अण्णम्मि दिणे राया-"कीस तुमं भिक्खु गाण देसि ?" तेण भणियं--"तुब्भेहि पसंसियं"ति । चाणक्केण भणियं--"अहो सयं सवारंभ पवित्ता वि कहं परंपत्तिया चितिति । पसंसिताण उण पत्तबद्धीए पच्छा ठिओ राया न देइ केत्तिया । चाणक्कसरिसा होहिंति जे पूण मग्गे ठाहिंति तम्हा आईए चेव परपासंडपसंसा न कायव्वा । परपासंडपसंसं, त्ति गयं ।
इयाणि पर- पासंडिसंथवो भण्णइ । तत्थुदाहरणं-- परपासंडसंथवोवरि उदाहरणं-- .
सोरदाविसए एगो गामो सो पुण राइणा भिक्खुगाणं चेव दिन्नो । तत्थ णं अणेगे भिक्खुणो परिवसंति । अण्णया ते रत्तपडा परिवद्दले काले उज्जणि पइ पत्थिया । सावगो य एगो तेहि सह पथिओ । तस्स अंतरा चव पत्थयणं खीणं । चिताउलो तेहिं भणिओ--"अम्ह संबलं वहाहि ता तुज्झ वि दिज्जिही । सो पवूढो, एगस्थ पाण- ' भोयणासण-सवणेहि जाओ सावगस्स तेहिं सह संथवो। .
अनया सावगस्स पोट्टसरणी जाया । 'अधरो' त्ति तेहि अणुकंपाए रत्तचीवहि वेढिऊण मुक्को । अरहताण नमोक्कार करेंतो मतो, देवो जाओ । ओहिणा तच्चनियरूवं पासति । आउट्रो जहि जहिं भिक्खुगाण भोयणं तहिं तहि भत्तिविणग्गएणं संभूसणेणं हत्थेणं परिवेसेइ । पभावणा तच्चनियाणं ओहावणा अम्हच्चयसडढाणं । एवं वच्चंते काले विज्जासिद्धा सूरिणो समागया । सावगा ताण उवद्विया सव्वं परिकहेंति । आयरिया भणंति--"जहा जया हत्थो णीसरति तया अगहत्थे घेतूण भणिज्जह । 'बुज्झ बुज्झ गुज्झगा मा मुझं'ति तेहि वि गंतूण अग्गहत्थे घेत्तूण ‘णमो अरहंताणं ति पंच पदानि पढिऊण भणिओ--"बुज्झ "बुज्झ गुज्झगा मा मज्झ दुल्लहं बोहिं मा हारेहि' एत्थ णं संबुद्धो सो लोगस्स परिकहेइ । जहा-'न इत्थधम्मो अवि य जिणसासणे ।' तओ जिणसासणे भत्ति काउमारद्धो । केत्तिया एरिसा आयरिया भविस्संति जे मिच्छत्तपंकबई उद्धरेहिति । तम्हा आईए चेव परपासंडसंथवो न कायब्वो । परपासंडसंथवो त्ति गयं । भणियं सप्पभेयं सम्मत्तं ।
इयाणि अणुव्वयाइ । ता दुवालसभेओ सावगधम्मो भण्णति--
१. पभाए । स. लुद्धो गहिओ पा० । २. तासिया पा० । ३. त्ती हरिया जे० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |