Page Text
________________
गंधार-सावयउदाहरणं
पढ़तगा तम्मासहि पढ़ति ।' तीए वि तहेव संपाडियं । पच्चूसे चेव चक्खुभएण घरमज्झे छोढूण पाएति । कणिट्रो कुम्मा दठ्ठण संकइ । 'मा एयाओ मच्छियाओ बाहिं विणिग्गओ वमेइ। तस्स सकाए एवं वमंतस्स वग्गुली वाही संजाओ। कालेण खिज्जिय मओ । बीओ पुण चितेइ । मायाए साहिया य परमोसहं कि पि देइ जेण वन्नो, बलं, बद्धी-मेहाइगणगणो पवड्ढइ।" एवं णिस्संकितो पियइ तेणाचिरेणाहीतं सयलसुहाणभागी घरसामितो य संवुत्तो। ता थेवा वि संका अविसए महाणत्थनिबंधणा किं पुण सव्वविसया, अतो दुविहा वि संका धम्मत्थिणा न कायव्वा । संके त्ति गयं ।
संपइ कंखा भण्णइ सा वि दुविहा । देसकंखा-सव्वकंखा य । देसकंखाए एगं ससरक्खाइदंसणं कंखइ। सव्वकंखाए सव्वाणि वि सणाणि' सोहणाणि । एसा दुविहा वि ण कायव्वा। तत्थोदाहरणं। कंखोवरि उदाहरणं--
एगम्मि णगरे राया अमच्चो य विवरीय सिक्खियतुरंगभेहि अवहरिय महाडविं पवेसिया' तओ गच्छंतेहिं न एए सहावत्था तुरंगम ति कलिऊण' मुक्का । इओ तओ परियडता दिणयरकर-अब्भाहया-गदुल-जलाणि य पीया कंद-मूलफलाणि उ खाइउमारद्धा । जहा एगदिणं तहा तिषिण दिणाणि पच्छामिलिओ खंधारो णियत्ता णगराभिमुहा । पत्ता निय निय घरं । राया चितेइ-'अहो ! अम्हे तिण्णिदिणाणि तण्हा-छहाहिं अच्चंतं पीडियाओ अज्जसविसं सव्वं पिभोत्तव्वं' ति, सूयारे सद्दावेइ भणइ य-"अरे ! जं किंचि एत्थ धन्नजायं कलमोयणाइकणकुंडगुंडेरपेयपज्जतं तं सव्वं रंधेऊण भोयणसालाए मह पुरओ उवट्ठवेह ।' तेहिं वि तहेव संपाडियं । तओ राया तं दळूण पेच्छणगदिद्रुतं करेइ जहा पेच्छणए पच्छागएहि वि वलिएहिं कप्पडिया धाडिज्जंति, अवगासं च लहंति, एवमहं पि उंडेरगाईयं पढम भक्खमि, तओ कलमोथगाइयाण, पच्छा वि अवगासो भविस्सइ“त्ति चितिऊण थोवं-थोवं सव्वाण वि पक्खइओ । अट्टवसट्टोवगओ विसूइयाए मतो । भोगाण चुक्को अमच्चो पुण वेज्जवयणेण वमण-विरेचणाईयं काऊण हियं मियं थोवं थोवं पभत्तो। भोगाण आभागी जाओ, ता कंखा इहलोगे वि एवं दुहावहा, न कायव्वा धम्मत्थिणा कंखे त्ति गयं।
संपइ विचिकिच्छा सा पुण दाण-सील-तव-भावणा-बंभचेरमाइयाणं फलं अत्थि णत्थि ति। एवंविहरूवा एत्थोदाहरणंगंधारमावयउदाहरणं--
बसंतपुरे णगरे, गंधारसावगो, विज्जाबलेण नंदीसरवरं चेइयवंदओ जाइं । तस्स पुण देवसंघसण अउच्चो सरीरवत्थाईण परिमलो समुच्छलइ । मित्तो य तं पुच्छइ-"वयंस! कत्तो ते एस परिमलो?" तेण भणियं-"णदीसरवरं विज्जाबलेण चेइयवंदीओ गच्छामि । तत्थ देवसंघसेण एस परिमलो"। मित्तण भणियं-"वयंस ! मज्झ वि देस विज्जं ।" तेण भणियं--"मंदसत्ताण ण सिज्झइ" । मित्तेण भणियं-अवस्संदायव्वं २। दिन्ना, विहाणं च कहियं । जहा किण्हचउद्दसीए तमंधयाराए तमाए मसाणुज्जाणपायवे चउप्पायं सिक्कगं बंधित्ता हिट्ठा खायरंगारकुंडगंठविय तस्स मज्झे सूलो तदुवरि सिक्कगं समारुहिय अट्ठसयं वारे विज्ज जवित्ता, एगो पाओ छिज्जइ, तओ बीओ, तओ तइओ, तओ चउत्थे छिन्ने आगासेण गम्मई' । तेण वि तहेव कयं कालचउद्दसि-रयणीए मसाणे साहिउमादत्तो। इतो णगरमज्झे चोरो खत्तं खणिऊण आरक्खियपुरिसेहिं पारद्धो पलाइऊण तमुज्जाणमागओ । आरक्खिया वि 'पभाए गहिस्सामो त्ति उज्जाणं वेढिय ठिया । चोरो वि उज्जाणं भमंतो विज्जासाहगं सिक्कगे उत्तरचर्ड करेमाणं पाति । भणइ य -'किं करेसि?" सो भणइ विज्ज साहेमि ।" । चोरेण भणियं कि चडुत्तरं करेसि ?" साहगो भणइ"-विज्जासिद्धीए संसओ । मरणं पुण सूलेण वा अंगारेण वा धुयमत्थि ।" चोरेण भणियं--" केण विज्जा दिन्ना?" तेण साहगेण भणियं--सावगेण, चोरेण चितियं--"सावगो कीडियाए वि न मंगुलं चितेइ । परं एस नीसत्तो' त्ति न सिज्झइ।"
१. णा.ण एसा पा० । २. खिइपइट्टियनयरे रा०पा० । ३. सिक्खेहिं तु. पा० । ४. सिया तओ गच्छंतेहिं ण एए जे० । ५. कलिय मु०पा० ।६. सेसं सव्वं पि भोत्त०पा० । ७. उवद्यावह पा० । ८. स्सद एवं चिति० पा० । ९. देव संथसैण जे० । १०. सरीरबन्नाईण जे० ।११. अवस्से पा० | १२. दायवो जे० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |