Page Text
________________
७२
पुगाहजिणिय-जारियं
अण्णम्मि दिणे भणितो कुलवईबलाहिएण-"भयवं ! अग्घंति संपइ कणा; कीरउ समहियकणविक्कतो ।" 'एवं'। भणिय पेसिया पुरिसा । जाव कोट्टारे णियंति ताव परिमिया कणा, संकिया, भंडारं पेच्छंति, तत्थ वि परिमियाणि दव्वाणि । कहियं कुलवइणो, तेण वि णरवइस्स । नरवईणा वि कया मूलसुद्धी, जाव खेडेहितो अद्ध बलाहिओ गिण्हति । तयणु किपि भंडारितो केवि कोट्ठारितो अवहरति । ततो राइणा तिण्णि वि दंडिऊण णिरहिगारा कया। भणिओ कुलवई राइणा--"भयवं! सयं परिक्खिय सुद्धासुद्धयं एगं अहिगारिणं ठवेसु ।" जं महाराओ भणइ तं कीरइ'त्ति । पडिवज्जिऊण सद्दावितो अरिहसारो कुलवइणा । भणितो य -“वयंस ! किं पि भणेमो ण तए अन्नहा कायव्वं ।" अरिहसारेण भणियं--"भणेउ भयवं!" कुलवइणा वि साहिऊण सिवबल-बलाहियाईण विणास-वइयरं रायणिग्गहं च । भणिओ अरिहसारो--"वयंस ! देवमढपओयणेसु तुमं चेव बलाहिओ भंडारितो कोटारितो य; ता तहा तहा चितेसु तिन्नि वि अहिगारे जहा न वयणिज्जं भवति ।" अरिहसारो वि पडिवज्जिऊण तहेव चितेइ, वहंति पओसं सिवबल, बलाहियादतो । णिहालिंति छिद्राणि अण्णमलभमाणेहि भणिओ कुलवई-"भगवं! एस देवाहिगारं भुंजइ, ण उण देवं पणमई । कुलवइणा भणिय-"अरे! अहिगारसुद्धी एत्थप्पहाणा देवं पुण अण्णे वि पणमिस्संति" विलक्खवयणा मोणमासिया मच्छरिणो । कइवयदिणावसाणेसु मरणसेसो जातो गोरीगंधारो। गंधारधवलनामा अण्णो कुलवई जातो । ततो सिवबलवलाहिएण गाढं उवयरिऊण भणिओ गंधारधवलकुलवई--"भगवं! लोगो वि जो जस्स सेवं करेइ सो तस्स णिहीणस्स वि पणामं करेइ । एस पुण अरिहसारो सयलसुरासुरपणयपय-पंकयं सूलिणं सेवइ, ण उण पणामं करेइ । तओ समाहूओ अरिहसारो। कुलवइणा भणियं ---अरे ! जस्स पसाएण जीविज्जइ सो विन पणमिज्जइ । अहो ते विवेगो ! अरिहसारेण चितियं 'जाओ पवेसो दुज्जणजणस्स कुलवई वि उत्तिण्णो विय लक्खियति । दारुणं दुभिक्खं । ता तिणयणस्स वि पणमिऊण गमिज्जंतु दियहा, तओ सिवपुरओ होऊण पेच्छंतस्स कुलवइस्स ।
भवबीजांकुरजनना रागाद्याः क्षयमुपागता यस्य । ब्रह्मा वा विष्णुर्वा महेश्वरो वा नमस्तस्मै ।।७२२।।
इच्चाइ साहारणं पढिय पडिओ पाए । तओ गंधारधवलेण भणियं-"जहा महा मत्तगाहिणा रे! सिवबला तुमं, भणसि न एस सिवस्स पणमति एस'त्ति पुरिसाण विणओ तुमं पुण अलियवाई । जाओ थिराहिगारी अरिहसारो गमियं वित्तिकतारं-पच्छा मुक्को अहिगारो। एवं वित्तिकंतारेणं पणमंतस्स विन सम्मत्तविराहणा वित्तीकंतारेण ति गयं । तं पूण सम्मत्तं मूलं गुणसयाणं छछिडियाणुगयमवि पंचाइयारविसुद्धमणुपालेयव्वं । ते अइयारा-संका-कंखा-वितिगिच्छापरपासंडिपसंसा--परपासंडसंथवो । तत्थ संका न कायव्वा 'कि एयं एवं नव?' ति संकिएण गरुसगास पूच्छियब्वं । सा पुण संका दुविहा-देससंका सव्वसंका या । देससंकाए--कि जीवो अत्थि नत्थि वा एवमाइ । सव्वसंकाएकिं जिण-सासणं अत्थि ! वा नत्थि त्ति।
तित्थगरा वा संति न वा ? एसा दुविहा वि न कायव्वा । जओ-जीवाइ तित्थगरेहि भासियं ते पुण रागाइविरहिया कहं तव्वयणे संका संगया। यत:--
रागाद्वा द्वेषाद्वा मोहाद्वा वाक्यमुच्यते ह्यनृतम् । यस्य तु नैते दोषाः तस्यानृतकारणं किं स्यात् ।।७२३।। .
___ अतो तव्वयणे थेवा वि संका दोसकारिणी, जहा थेवेण वि पाणियमग्गेणं तलायं भिज्जइ एवं थेवं पि जो सकं करेइ सो विणस्सति । एत्थ पेयापाया उदाहरणं। संकोवरि उदाहरणं-- - वसंतपुरे णयरे एगस्स सेट्ठिणो भद्दाभिहाणाए भारियाए सहोदरा दुन्नि दारगा। अन्नया कलागहणत्थं कलायरियस्स समप्पिया, सा तेसि जणणी पुत्तमोहमोहिया वेज्जे जाणंतगे य पूच्छति, कहं मे पुत्तगा लहं पढिज्जा।' तत्थ केणावि समाइ8--'इमाहिं ओसहीहिं पयसा भज्जिय कुम्मासेहिं य पेया कीरइ, सा पच्चूसे चेव दिज्जइ, जं वरिसेहि
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |