Page Text
________________
मा
व्हिसारसंक्कहा
इओ य सा सावित्ती सोणिय-फासेण पडिबुद्धा । तयवत्यं मयणसुंदरं दळूणे खंडाखाँड काऊणं घरंगणे खड्डाए निहणइ, उवरि थडयं करेइ । एत्थंतरे उग्गओ दिणयरो । केसवो वि उद्धलजंघो' समागओ घरे । पविसंतं दट्ठण विललिय-केसा उभयकराहय-वच्छत्थला 'मट्टा मट्ट' ति भणमाणी उद्विया सावित्ती । केसवेण : सक्खं रोविज्जह?" तीए भणियं--"पुत्तगो पंचत्तम वगओ।" तेण भणियं--"मा रुयस संसारसहावो ख एसो।" जओ. संसारसायरगया सकम्मकल्लोलपेल्लिया जीवा । उप्पज्जति चयंति य का किल परिदेवणा एत्थ? |॥७१६॥ .. जीयं मरणेण सम उप्पज्जइ जोव्वणं सह जराए । लच्छी करिकण्णचला, हरिस-विसाओ न कायब्वो ॥७१७।।
एवं' पयडक्खरेहिं पयंपिऊण चितिउं पवत्तोजेणं विणिम्मियाओ विहिणा सो चेव जइ परं मुणइ । जं इत्थीण मणं बह कूड-कवडभरियं दुरवगाहं ॥७१८।। एता हसन्ति च रुदन्ति च कार्यहेतो, विश्वासयन्ति च नरं न च विश्वसन्ति । तस्मान्नरेण कुलशीलसमन्वितेन, नार्यः स्मशानघटिका इव वर्जनीयाः ।।७१९।। अन्यस्याङके ललति विशदं अन्यमालिंग्य शेते, अन्यं वाचा चंपयति हसत्यन्यमन्यं च रौति । अन्यं द्वेष्टि स्पृशति कसति प्रोणुते अन्यमिष्टं, नार्योनृत्यन् तडित इव धिक् चंचलाश्चालिकाश्च ॥७२०।। विरलो सो को वि जणो ससुरासुरमणुयमज्झयारम्मि । जो महिलाहिं न नडिओ नडीहिं नियडिप्पहाणाहिं ॥७२१।।
एवं विचितिय अकहंतो चेव निग्गओ घराओ चलिओ दाहिणाभिमुहो । कमेण पत्तो कुबेरपट्टणं । तत्थ णं कुबेरदत्तो नाम राया । कारियं तेण महइमहालयं सिवाययणं । तस्सासन्ने महंतो मढो पइट्ठिओ । तम्मि सिवसंताणो नाम कुलवई दिण्णाणि देवमहाण पंच खेडयाणि । निरूविया सिवबल-सिवगण-सिवसाराभिहाणा बलाहिया स भंडारिय कोट्टारिया । काराविओ मढे सत्तायारो । तत्थ गं सयं माहणाणं, सयं तावसाणं, सयं विज्जत्थियछत्ताणं, सयं दिसागयकप्पडियाणं पइदिणं भंजइ । अन्नया अलद्धलक्खं परियडतो पविट्ठो तम्मि मढे केसवो, वंदिओ सिवसंताणो कुलवई । तेण वि आसीसादाणपुरस्सरं- 'वच्छ! कत्तो' समागओ? किं नामा? केण वा कारणेण उब्विग्गो विय लक्खीयसि ?" सपणयं पुच्छिओ । केसवेण वि साहिओ सव्वो वि जहट्रिओ वईयरो । कुलवइणा भणियं--"वच्छ ! न विसाओ कायव्वो । संसारसमावनगाण' पाणिणं सुलहाणि वसणाणि, दुल्लहा धम्मपडिवत्ती ।" केसवेण भणियं--'भगवं ! अस्थि मे जोग्गया ता अणुग्गहेह वयप्पयाणेण ।” कुलवइणा भणियं--"वच्छ ! जोगो य तुमं । पत्तभूओ य, दिक्खितोय । कयं नाम 'गोरिगंधारो' ति । सिक्खिया तावसकिरिया वल्लहो कुलवइस्स, सम्मतो, सयलतावसाणं कालं गमेइ ।
___ अन्नया मरतेण कुलवइणा सो चेव कओ कुलवई गोरीगंधारों'त्ति, सम्वत्थ पसिद्धि गतो, सम्मतो य नरवइस्स कालं गमेइ । अन्नया य जायं महादुब्भिक्खं । तम्मि य नयरे अरिहसारस्स माउलो जिणक्खरो नाम परिवसइ । तेणाहतो अरिहसारो-"वच्छ! सकुडंबेण समागंतव्वं । सो विसीयमाणे सिग्घमेव समागतो समप्पियं घरं, दिण्णं तवणी निमित्तं, ठितो संतोसं काऊण अरिहसारो । अण्णया सिसिरसमए छत्ताणमाभव्वं कंबलो दिज्ज गहिया जिणक्खरहद्रातो सिवबलवलाहिएण कंबला । जिणक्खरेण भणियं-"वेयणं वियराहि ।" बलाहिएण भणियं-'मढे समागंतब्बं ।' गतो जिणक्खरो समं अरिहसारेण, दिठो बह तावसमज्झगतो गोरीगंधारी । तेण वि अरिहसारो जायं पच्चभिण्णाणं कूलवइणा भणियं--"वयंस ! कया कयंगलगामातो समागतो?" तेण भणियं-"संपयमेव ।" दविणं दाऊण विसज्जिओ जिणक्खरो । धरितो अरिहसारो भोयावितो अप्पणा सद्धि कुलवइणा । कहिओ सव्वो वि णियवतंतो कुलवइणा अरिहसारस्स । ते ण वि कुलवइस्स ठिया सुह-दुक्ख-संकहाए खणमेगं गच्छंतो भणितो अरिहसारो कुलवइणा---"वयंस ! पइदिणं जहा दंसणं भवति तहा कायव्वं ।" ‘एवं' ति भणिय गतो अरिहसारो । तहेव कुणंतस्स बच्चंति वासराणि
१. उध्दलिय जंधो पा. १२.रिद्धि विणास सहिया हरि० पा० । ३. एवं पयः पा० । ४. दुरवराहं जे० ।५. कओ जे० । ७. समावसगाण पा० । ७. किरिया तापसाणं पा० ।८. हदओ पा० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |