Page Text
________________
७०
उवासगपुत्तकहा
एगो भिक्खू उवसगपुत्तो सावगधूयं मग्गइ ' । 'अण्णधम्मिओ' त्ति काऊण न देइ सावगो । सो सड्ढत्तणेण साहू सेवे । अण्णा तस्स पढंतस्स सुगंतस्स य भावओ उवगयं पच्छा सो साहइ आयरियाण -- 'एएण कारणेण पुत्रि ढक्कोम्हि संपयं इमं चेव दंसणं ते जाया पडिवत्ती, 'धन्नो तुमं सुलद्धमणुयजम्मो' त्ति उवथूहिओ' आयरिएहिं । सावओ वि साहू पुच्छइ — 'किमेस कवडसावओ परमत्थसावओ वा ? तेहि भणियं - " परमत्थसावओ ।" ताहे तेण तस्स धूया दिण्णा । सो सावओ सावयध्याए कए जुअयं घरं करेइ । पओसं वहति सासुय-नणंदाओ', भत्तुणो पियं' ति न तरंति विप्पियं काउं ।
जुगाffic-aft
अण्णा तस्स अम्मापियरो भिक्खुगाण भत्तं करेति, भांति य - “ पुत्त! अज्ज एक्कसि वच्चाहि भिक्खुसयासं सो वि अणइक्कमणिज्जा अम्मा-पियरो तहेव गओ, भिक्खुगेहिं वि विज्जाए अभिमंतिऊण फलं दिण्णं । तेण जिंघियं, अहिट्ठिओ वाणमंतरीए, घरं गओ । तं सावय- दुहियरं भणइ भिक्खुगाण - भत्तं करेहि, सा नेच्छइ । तओ दासरूत्राणि errari य आढत्तो काउं । सावियाए गंतूण आयरियाण साहियं । तेहि वि पडिजोगो दिण्णो । सो से तीए पाणिएण दिन्नो, पणट्ठा वाणमंतरी । सहावत्थो जाओ, पुच्छइ नियघरिणी--" किं निमित्तं तुह घरे पागारंभो दीसइ ?" तीए भणियं - “भिक्खुगाण तए भोयणं कारियं, कहिए, पडिसेहेर, तं फासुगं साहूण दिण्णं । एरिसया आयरिया कहि लम्भंति तम्हा आयइ' चेव परिहरेज्जा 'गुरुनिग्गहे' त्ति गयं ।
संपयं 'वित्तिकंतारेणं' ति भण्णइ तत्थ उदाहरणं ।
अरिहसारकेसवकहा ---
वच्छाविस कयंगलो नाम गामो । तत्थ णं निच्चलसिणेहा' अरिहसार- केसवाभिहाणा दोण्णि वणिव- माहण-दारया परिवसंति । अण्णया परिणीया केसवेण माहणदुहिया सावित्ती नाम । पत्ता जोव्वणं, न तहा सिणेहाणुबंधो सह केसवेण विडंबणापायं विसयसुहमणहवंताणं जाओ दारओ । सो पुण आजम्माओ चेव सरोगो रुयंतो चेव चिट्ठइ पालेइ पिया पत्तेण । अण्णा माउलगेण समाहूओ केसवो भणिओ य - 'वच्छ केसव ! कइवय दिणाणि पाहुणगो एहि । सो वि घरे वुड्ढमाहणं मोत्तूण गओ । सा वि सावित्ती विसयविनडिया मयणसुंदरेण वणियदारएण सह संपलग्गा । जाणेइ य माणो वइयरमेयं परं तुसिणीओ चिट्ठइ । अण्णया रयणीए समागओ वणियदारओ नुवन्ना तेण सह सावित्ती । पारद्वा सिंगारकहा । दारगो वि बाहिरज्झोलियाए पक्खित्तो रुयंतो चेव चिट्ठर । सा वि अंतरंतरा उट्ठऊण संठवेइ तह विन चिट्ठइ । तओ निरंतररइ सोक्ख - विग्धकारओ एसो त्ति कलिऊण उट्ठिया-पुत्त ! वच्छ ! ति मुहेण महुरं भणती गले अंगुठं दाऊण पंचत्तं पाविओ । वियाणिओ एस वइयरो घरंगणनुवन्त्रेण वुड्ढमाहणेण चितियमणेण"अहो एसा पावा जहा पुत्तं तहा पई पि मारिस्सइ ता गंतूण कमि केसवरस ।" एवं संपहारिय भणिया तेण सावित्ती "भद्दे ! कइवय दिणाणि नियघरे गमिस्सामि ।" विसज्जिओ तीए । गओ जत्थ केसवो । केसवेण भणियं - "अज्ज किं तुमं घरं मोत्तूण समागओ" । माहणेण भणियं - "भद्दं ! भवउ भे घरस्स । साहिओ घरवइयरो पुत्त-मरणं च । भणिओ य - "वच्छ ! अप्पा व तए अप्पमत्तेण रक्खियव्वो ।" केसवेण भणियं -- "कि सच्चमेयं ?" माहणेण भणियं" जइ विपच्चओ ता एह, दंसेमि ।" गया दो वि अलक्खिया रयणीए रइकिलंतं दिट्ठ निब्भरनिहाए सुयंतं मिहुणं । समुप्पन्नकोवानले गहिऊण असि धेणुयं वावाइओ मयणसुंदरो केसवेण । अलक्खिया चेव निग्गया । भणिओ य केसवो माहणेण --" कयं तुह घरचिताए ।” केसवेण वि समुचियवेयणं वियरिऊण विसज्जिओ ।
१. धूप विभग्ग० पा० । २. दुक्कोम्हि पा० । ३. उवबूहिओ पा० । ४६. तह वि जे० 1. ५. आईए चेव जे० । ६. निम्मल सिणेहा पा० । ७. भणंतीए गले अंगुट्ठ दा पा० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |