Page Text
________________
सम्पदिसावयकहा
६९
अभद्देण भणियं - "नियधराणि चिंतेह, सघरं सयमेव चितिस्सामि । एवं सुणिय विलक्खवयणा न गया सयणा । अभद्दो वि घरचितं करेंतो जं जं करेइ तं तं विवरीयं जायइ । चउप्पयाणि रन्नाओ चेव चोरेहिं गहियाणि, दासी दासकम्मरवग्गो विजं जेण पत्तं तं सो गहाय पलाणो । किं बहुणा, भोवणे वि संसओ । मुक्को मयणमंजरीए थक्को अभद्दो अलच्छी, अउण्णो असंपया य । तओ अण्णम्मि दिणे चितियं अभद्देण - 'अत्थि मे ताएण कणयकोडी निहाणी कया, तं गिहिय पुणो वि माणुसो भवामि ।" एवं विगप्पिय रयणीए खणिउमाढत्तो । वारिओ अद्दिदुरूवेण केणावि तहावि न ठिओ, ताव खयं जाव दिट्ठा कवल्लि कंठया । विहाडियं दुवारं दिट्ठा नीहरंती भुयंगधोरणी, समंतओ नाग पाहि बंधिऊण डक्को मुक्को? पाणेहि तं निहाणं जक्खधणं जायं । ता भो पयावइ पुत्तया !
संतंपि अण्णह च्चिय, वत्थं परिणमइ पुण्ण रहियाण । दीणारा अहि-विछ्य 3 गोणस - मूसा जहा जाया ।। ७१४ ।। ताज जिएण कज्जं पाउं वा महह सीयलं सलिलं । ता दीणारकहा विहु तुब्भेहिं न चेव कायव्वा ।।७१५।।
तव पडिवज्जिऊण गामं गया । तहाविहे दट्ठूण जणो पुच्छइ - “ किमेयं ! " तेहि भणियं -- जक्खस्स ओवायं * दिल्लयं ।' साहिओ अरिहदत्तस्स जहट्ठिओ वइयरो । जमासि तं विभजिऊण भिण्णा जाया ।
अण्णा अरिहदत्तस्स नारायणवणिएण सह ववहारविसए विसंवाओ जाओ । नारायणो भगः-- "दसदीणारा मह न "पविट्ठा" इयरो भणइ -- "पविट्ठा, कुलिएहिं भणियं -- " अरिहदत्त ! मुंचसु तुमं जक्खपायपुरओ गिण्हओ नारायणो ।” तहेव मुक्का अरिहदत्तेण । नारायणेण भणियं -- " भयवं ! जइ अणाहवंते दीणारे अहं गिण्हामि ता तुमं चेव पमाणं' ति भणिऊण गहिया दीणारा । पणओ जक्खस्स दाऊण रूवगं अतिबलस्स गओ निययरं । अरिहदत्तो वि आभव्वं दाऊण पत्थिओ | अइबलेण भणियं -- " अरिहदत्त ! आसणबंधं करेसु, किंपि पुच्छामि ।' उवविट्ठो पुच्छिओ'किं पाययपुरिसंहितो वि निहीणो देवो ? जेण ताण पणमसि देवं परिहारिय वच्चसि ?" अदिष्णपडिवयणो ठिओ अरिहदत्तो । जहा एगदिणं तहा तिण्णि दिणाणि, न कोइ तति करेइ, अइबलपक्खिओ गामो । अइबलेण भणियं-'अन्नया वि अवणं करेंतो तुमं देवस्स संपयं नियाणमेयं नत्थि मोक्खो अपणमिए देवे । 'न अण्णागइ' त्ति मन्त्रमाणेण पणमिओ जक्खो अरिहदतेण । समागओ नियघरं । एवं बलाभिओगेण पणमंतस्स वि न सम्मत्तं लंछिज्जइ ।
संपयं देवाभिओगो तत्थ उदाहरणं:
सम्म दिसावयकहा-
एगम्मि गामे एगो गिहत्थो मिच्छद्दिट्ठी, साहुसंपओगेण सावओ जाओ । तेण वाणमंतराणि गोत्तदेवयाईणि उज्झयाणि । अन्नया एगा वाणमंतरी तं पइ पओसमावण्णा तीए गावि रक्खतो' तस्स पुत्तो गावीहिं समं चेव अवहरिओ इओ तओ निग्गया गवेसगा, न कत्थइ दिट्ठी । जाहे वाउलाणि जायाणि ताहे आविट्ठा तस्स महिला वाणमंतरीए तज्जंती भइ - ' किं ममं उज्झसि नव ?' त्ति, तओ सावएण चितियं-- ' मा थेवेण बहुं हारिज्जउ, कथाइ रुट्ठा सा धम्माओ वि भंसेज्जा, अन्नं वा धम्म विग्धकारयं उवसग्गं करेज्जा, ताहे सो सावगो पयंपइ - "भण भद्दे ! जं कीरइ सा भइ - 'ममं पि अच्चेहि ।' सावएण भणियं -- " जिणपडिमाणमवसाणे ठाइयब्वं", तहेव ठिया । सावओ वि पडिमा पूइऊण भावसारं, दव्वओ तं पि पूएइ, दारओ गावीओवलद्धाओ । देवयाभिओगेण परदेवय-पूयाइ करेंतो वि नाइचरइ सम्मत्तं देवयाभिओगो त्ति गयं ।
याणि गुरुनिग्गहो भइ - गुरुण निग्गहो गुरु-निग्गहो, अरहंत चेइय-पवयण सरीरमाईणं तेण किं पि मिच्छद्दिट्ठीण दाणा कुणतो वि नाइचरइ सम्मत्तं । एत्थ उदाहरणं-
१. विमुक्को पा० । २ वत्थं परि० पा० । ३. विच्चुय सरडा परडा नहा पा० । ४. स्स उवाइयं पा० । ५. द्वा जे० । ६. रक्खओ तस्स जे० । ७. गाविओवल० पा० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |