Page Text
________________
जुगाइजिणिद-चरियं
- अण्णम्मि दिणे धणचंदघरिणीए वि धणवइए दिवा सुमिणम्मि रयणीए धूमसिहा नियपो, पविसमाणी । सावि संकिया, ठिया, पभाए साहिओ धणचंदस्स । तेण वि तहेव सहिओ सूमिण-पाढओ। कओवयारो पच्छिओ समिण-फलं। तेण वि विमरिसिऊण जंपियं-'परपुण्णोवजीविणी, विगयलक्खणा, दुहदाइया, दुहिया तुम्ह भविस्सइ । सव्वत्थ तीए अणायरो कायव्वो नाम पि 'अलच्छित्ति कायव्वं ति भणिय गओ सुमिण-पाढगो। कमेण पसूया धणवई, उचियसमए समासेग कयं नाम 'अलच्छि' त्ति। संवढिओ' उचियसमए, समप्पिओ भद्दसेट्रिणा लेहायरियस्स अभहो । सो पुण पाढिज्जतो विन पढइ, अंबाडिज्जतो वि कलह करेइ, कलायरियं कि खिसइ, उवेक्खिओ अज्झावगेण निरक्खरो जाओ (उ)चिय समए परिणाविओ धणचंददुहियरं अलच्छिं। पत्तो जोव्वणं सो, पुण विहलववसायमवि सहल-ववसायं, निबुद्धियमवि सद्धियं, अविणीयमवि सुविणियं, विगयलक्खणमवि सुलक्खणं, दोहग्गिणमवि सोहग्गसिरिसमद्धासियं अत्ताणं
'मन्न।
अन्नया आणीया अलच्छी भद्दसेट्टिणा सघरे । सा पुण'एहि"त्ति भणिया जाइ, 'जाहित्ति भणिया आगच्छद। 'घरं सारवेस्'त्ति बाहिरं सारवेइ, रंधमाणी थालि पि भंजइ, जलं गया घडं कि भंजिऊण समागच्छइ, जलणगया साडियं डहेऊण आगच्छई। असुद्धा करे न निम्मला साडियाए सव्वं सोयबाहिरा, वाहिं गया कलहं काऊण समागच्छड़। सास्याए एक्कसि भणिया चउहि विन चिट्ठइ, समण-माहणाइयं घरे पविसमाणं दट्टण उत्थुडुकियमुही कडुयाणि पयंपइ । तओ सेट्टिणा पियहरे पेसिया।
एगया रयणीए सुहसेज्जागओ भद्दसेट्ठी नियघरदुवारे दो पुरिसे कलहंते पासइ। बहिरागओ भणइ-'अरे ! अवसरसु दुवाराओ जेणाहं पविसामि । गओ तुम्हाण कालो। संपइ मह सामियस्स अवसरो।' मज्झगयपुरिसेण भणियं'अरे ! को तुम? को वा ते सामिओ?" तेण भणियं-'अउण्णनामा हं सामिओ पुण अभद्दो। मज्झगयनरेण भणियं'अरे! समत्थसामिए" ममम्मि एत्थ निवसंते को तुह पविसियव्वे अहिगारो! अउण्णेण भणियं-'को तमं? को वा ते सामिओ ?" मज्झट्रियपूरिसेण भणियं-'सउन्ननामाहं सामिओ पूण मह सुगहियनामधेओ भदृसेटी। पभाए साहिओ सेट्रिणा नियरिणीए पुरिसपयंपणवइयरो। बीयदिणे अलच्छी वि सयणिज्जगया पासइ दुवारदेसे इत्थिगा दुगं विवयमाणं । बहिरागया भणइ-मुंच दुवारं, जेणाहं पविसामि, संपयं मज्झ सामिणीए भुत्ती। मज्झगयाए भणियं-"का तुम ?" कस्स वा संतिया?" इयरीए भणियं-"असंपया नामियाहं सामिणी पुण मज्झ अलच्छी।" मज्झगयमहिलाए भणियं-'समहियसामत्थाए मज्झसामिणी लच्छीए धरमाणीए नत्थेत्थ तुह पवेसो अवसर दिट्ठिपहाओ।' तं सुणिय पलाणा असंपया। एवं सव्वं दिट्ट सुयं च लच्छीए पभाए साहियं भद्दसेट्टिणो । तेण वि सविसायं भणिया लच्छी-'पिए ! . अवितहवाई सुमिणपाढगो।परपुन्नोवजीवी एस ते नंदणो। अम्हाण वि परोक्खाण जं पाविही तं न याणामो, ता इमस्स कए कीरओ कणगकोडी निहाणे । सम्मयमेयं लच्छीए । सेट्टिणा वि तहेव संपाडियं । सद्दिओ अभद्दो, दंसियं निहाणं । समप्पियं पत्तयं । भगिओ य भद्द ! जावम्हे धरामो ताव विलससु जहिच्छाए दविणजायं ।' सो वि पविट्टो मयणमंजरीए वेसाए भवणं । देइ जं मग्गियं दविणजायं।
अण्णया मरणज्जवसाणयाए जीवलोगस्स कालगयाणि जणणि-जणयाणि कयमयकिच्चो जाओ घरसामिओ अभहो । लद्धावसरे पविट्ठो घरे अउण्णो असंपया य। आणीया घरे अभद्देण मयणमंजरी । भणिओ सयणेहिं -“वच्छ ! न एवं घरवुढिकारणं जं वेसाघरे पविसिज्जइ ता इमीए घरे पवेसो न दायव्वो । जओजहिं घरि सुघरिणि संचरइ तं घरु घरहं पहाणु । जहिं पुणु बेस पइस्सरइ' तं जणि हासह टाणु
॥७१३॥
१. ड्ढिउमाढत्ता, इओ य उचि पा० । २. सुबुद्धि० जे० । ३. अप्पाणं पा० । ४. एह ति पा० । ५. अरे असम पा० । ६. सयण गया जे० । ७. संगयमेयं जे० । ८. नावअम्हे जे० । ९. पईसरइ पा० । ...
.
.
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |