Page Text
________________
अरिहदतसावयकहा
६७
चउण्ड वि माहियं जक्खायरे निहाणं। तेहि भणियं-"जइ एवं तो दीणारे गहियभिन्ना हवामो । पसत्थवासरे बलिविहाणं काऊण गया रयणीए जक्खालयं। समंतओ पक्खित्तो बली। पूइऊण भणिओ' जक्खो-"भयवं! मरिसेज्जसु अवराह। " तेण भणियं-“केरिसो अवराहो?" तेहिं भणियं-'तुम्होदराओ दीणारे गहिस्सामो।" जक्खेण भणियं"न संति ममोयरे दीणारा' तेहि भणियं-“कहिं गया ?" तहा विडंबेमि जहा न पुणो वि दीणारपउत्ति' वहति न्ति चितिऊण भणियं जक्खेण-'आसि' इंत-जंतग-जणेणाउलं मह भवणं, जइ कोवि कह वि एवं वियाणिज्जा तो मज्यं वि सरीरसंसओ'त्ति भीएण मए उपराओ नीहारियअंब-जंबूय-बिल्ल-किविट्ठाण पुव्वदाहिण अवरूत्तरासु' दिसासु नाइदूरसंठियाण तले पंच पंच सहस्सा दीणाराण काऊण निहाणीकया णिरुवियाणि य रक्खगा भणिया य-"अरे! जं जत्थ तरु-तले निहियं निहाणं तस्सेव तरुणो फलेहिं कयमुंडमालो पुप्फेहिं विहियमालो मुंडतुंडसिरो एगागी जो आगच्छेज्जा सो' निहाणं गिण्हंतो न निवारेयब्वो, ता तुब्भे वि जहा भणिया होऊण रयणीए जेट्टो पुवाए सेसा जहक्कमेण दक्खिणावरुत्तरासु दिसासु अंब-जंबुय-बिल्ल-कविट्ठ-तलसंठियाणि गिण्हह निहाणाणि ।' ते वि तहेव पडिवज्जिऊण गया नियघरं । अण्णम्मि दिणे कयबलिविहाणा तमंधयाराए तम्मिस्साए जहा इट्ठा समागया जक्खभवणं । पणमिय जक्खं जहक्कम चलिया पुवाइयासु दिसासु विहियबलिविहाणा पारद्धा खणे। दिवा सव्वेहिं वि कलसा जाव विहाडिति महाणि ताव जेटस्स कलसे भुयंगमा, बीयरस विछ्या, तइयस्स गोणसा, चउत्थयस्स मूसगा ते तेहिं समंतओ अभिद्दविज्जंता । तओ जक्खं पइ पहाविया-'भयवं! परितायह, परितायह।
दे देहि देहि दिट्टि, जक्ख उवेक्खा न संगया तुम्ह । जम्हा हु महापुरिसा सरणागय वच्छला होति ॥७०६।। मट्टीए पाणिएण य गद्दह-लिडेहिं छारमीसेहि । घडिऊण भंडयाई सुहेण जीवंतया अग्हे ॥७०७।। निक्कज्जवेरिएणं'. विहिणा होऊण अंतरंगेण । अम्हाण'१ मारण?। नण कुबुद्धी इमा दिण्णा ॥७०८॥ सच्चो लोग वाओ जक्खोवेक्खाए सव्वकज्जाई। सीयंति अण्णहा णे कह रक्खं कुणइ न हु जक्खो ७०९।। ता जक्ख ! रक्ख इण्हि अहि-विछुयमाइयाण १२ भयभीया। खीणा दीणा रीणा अम्हे तुह सरणमल्लीणा ॥७१०।।
तओ जक्खेण सखेएणेव महई अणत्थपरंपर त्ति पयंपमाणेण उवसामिया विभीसिया। पच्छा हिययएण हरिसंवहतेण बाहिं विसायं पयासयंतेण भणियं जक्खेण । अहो पेच्छह दोणारा केरिमा संवुत्ता अहवा। न एत्थ विम्हओ, अन्नत्थ वि दीसइ एरिसो नाओ ७११।।
जओअप्पत्ता पत्ता वि.हु पिउणो वि सिरी विणासए पुरिसं । नायमिह भद्दपुत्तो अभद्दनामा जए १३ पयडो ॥७१२।।
- पयावइ पुत्तेहिं भणियं-“को एस अभद्दो ?" जक्खेण भणियं-"जइ एवं तो सावहाणा सुणेह । अभहकहा- अत्थि कासीविसए कासउरं नाम नयरं । तत्थ भद्दधण-चंदाहिहाणो दोन्नि सेट्रिणो परिवसति । लच्छि-धणवईनामियाओ ताण घरिणीओ। परोप्परं परमपीईए वच्चइ ताण कालो। परं निरवच्चाओ खिज्जति पुत्तभंडाण कए । अण्णया दिट्ठो लच्छीए निसा मज्झिमभाए सुमिणयम्मि कालंगारनियरो मुहेण उदरं पविसमाणा जाया सखेया। पच्चसे साहिओ दइयस्स । तेण वि सामन्त्रेण नाओ जहा-"न एस सुमिणो सोहणो" तहा वि सहाविओ सुमिणसत्थ-पाढगो । कयसम्माणो, पुच्छिओ सुमिणफलं५ । सुमिण-पाढएण भणियं-"जइ सत्थं पमाणं ता सव्वहा निल्लक्खणो परपुण्णोवजीवी सयलजणनयणवेसो पुत्तो भविस्सइ । जाए वि न तहाविहो महसवो विहेयव्वो, नाम पि 'अभद्दो'त्ति कायव्वं, अणायरो एरिसेसु कायब्वो ति सुमिण-सत्थमुद्दा । “एवं भणिय उदिओ सुमिण-पाढयो। कमेण पसूया लच्छी। जाओ दारओ 'अभहो' त्ति से कयं नामं। वच्चंति वासरा।
१. ऊण जक्खो पा० ।२ पउत्तीं हैवइ ति पा० । ३ आमि परं एतं जा पा० । ४. तं पा० । ५ ण अंबरुत्त जे ।... ६ निहाणयं पा० । ७. ज्जा सो गिण्हतो निहाणं न वारेय पा० । ८. स्स सरडा पा० । ९. ता जक्खं पा० । . १०. नियकज पा० । १२.म्हाणं मरण जे० । १३. अहि विच्छ्य सरड़-परडभ पा० । १३. तए पयडो जे० ।' १४. पीई वच्च पा०1९५... समिणयफलं जे ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |