Page Text
________________
गाहासुंदरनिव कहा
हा हा! वसंतसुंदर ! कत्थ गओ वच्छ ! कत्थ दट्ठव्वो । रयणं व सुंदरो रयणसुंदरो कत्थ संवसइ ? इच्चाइ विलवमाणी सकरुणलोयाण हिययसंघट्टं । वाह - जलाविलनयणा राणी रयणावली कुणड़ पुट्टा जणेण साहइ गाहा लिहियं सवित्थरं सव्वं । अणुभूयं मज्झ कुडुंबएण तेणेह मह मुच्छा
इमं च वइयरं सोऊण ससंभ्रमं समागओ राया । दिट्ठा रयणावली, पच्चभिण्णाया य । तओ गंधवारणमा रोविय समागओ राया भवणं । निसण्णो सुवण्णासीहासणे, देवी वि दाहिनपासे भासणे । समागया वसंतसुंदर रयणसुंदरा दो वि तया । पडिया चलणेसु 'एहएह पुत्तग' त्ति भणमाणीए ठविया उच्छंगे ।
।।६९०॥
।। ६९१ ।।
।।६९२।।
अंकम्मि ठवेऊणं हिट्ठा हरिसंसुएहि सिंचंती । वारंवारं चुंबई मुद्धा मुद्धाण सम्मि
।
- पुत्तसंगमामयधारा धवलाणि तीए नयणाणि । वियसंति संति हरिसेण ' नवरि कण्णेहिं खलियाणि पियपुत्तसंग संजणिय सोक्खवट्टंतवच्छकयपीडो । जरजिष्णो विव तीए तड त्ति नवकंचुओ तुट्टो चिरकालसंचियं हि दुक्खं इ- पुत्त-विरहसंजणियं । तम्मि खणे देवीए झड त्ति तं एक्क' संफुसियं चितेइ मणे देवी जीयं मरणं च पियविओगम्मि । लज्जाकराई दोणि वि तहा वि जीयं वरं मण्णे सच्चं वयंति विउसा जीवंतनरो उ लहइ कल्लाणं । जइ मरइ ता मओ च्चिय मयाण निव्वक्करा घत्ता एवं आणंदभरनिब्भरा खणमेत्तमच्छिऊण राइणा, विसज्जिया गया अंतेउरं । आणंद - सुहमणहवंताण ताणं गयाणि कइवयदिणाणि ।
सम्मतं पत्तं विहु अमयाहारो व्व रोरपुरिसस्स । न हवइ चिरकालीयं नूणमकल्ला णभाइस्स सम्मत्तं पत्तं विघय-महुजुत्तं च पायसं भुत्तं । मयणफलेहि च तुरियं वामिज्जइ कुवियप्पेहि
१. ति सहरि० पा० । २ एक्कसि फुसि० जे० । ३ निच्छक्क० जे० । ४ सन्देहि वि पा० ।
६३
।।
Jain Education International
अम दि एत्थमिलिएहि साहिओ सव्वेहिं सवित्थरो नियनिय वइयरो । उस्सुंका, उक्करा, लद्ध महालाभा वत्थारणा सम्माणिऊण विसज्जिया राइणा सुमंगल मंगलालया । पसाहिया सेससामंतमंडलो । रज्जधुर मणुपालेमाणो कालं गमेइ । चितेइ य सव्वं मिलियं परं जइ सो निक्कारणवच्छलो चंदणवणिओ कह वि मिलइ तो सोहणं भवइ' त्ति चितिऊण दत्तो वासभवणभंत रपइट्टिय वरपल्लंके । निद्दावसपणटुचेयणो, डक्को कुसुमगंधागएण भुयंगमेण धराहिवो । 'क्को डक्को' त्ति उट्ठओ कोलाहलो, समाहूया गारुडिया, अगए गहाय समागया पहाणवेज्जा, वावारियं गारुड, पत्ता अगया, न जाओ को वि विसेसो । तओ नीहराविओ पडहो, काराविया घोसणा - 'भो ! राया विसवेगविहलंघलो जो जं जाणइ सो तं लहुं पउजउ ।' तं सुणिय निवारिऊण पडहयं समागओ चंदणभद्दो नाम भिक्खू रायभवणं । पउत्तं गारुडं कओ निव्विसो नरवइ, ठिया खणमेत्तं परोप्परसंकहाए । राणा भणियं - " भद्दमुह ! दिट्ठपुव्वो वियलक्खीयसि ?” भिक्खुणा भणियं - 'आमं, रत्ना भणियं -- " कहि' । भिक्खुणा भणियं-- 'सुहालयगामे जक्खालए ।” राइणा भणियं - चंदणदुमो व्व निय सरीरनिव्ववियसव्वसत्तसंतावानलो चंदणो हवसि ?" एयं सुणिय अहो मुहों द्विओ भिक्खु । राइणा चितिथं - " पच्चुवयrरभीरुओं न देइ एस पडिवयणं ।" रयणावलीए भणियं -- " भयवं ! अत्येत्थ तुह विहारो ?” भिक्खुणा भणियं -- "अत्थि ।" रन्ना भणियं - "सासणावडियं दिगं मए गामपंचगं ।" तेण वि तहेव गहियं । अंतरंतरा समागच्छइ रायसमीवं चंदणभो | पट्टइ गोट्ठी- रसो, जायइ धम्मवियारो ।
For Private & Personal Use Only
।।६९३ ।।
।। ६९४ ।
।।६९५ ।।
६९६ ।।
।।६९७ ।।
।। ६९८ ।।
अण्णा दाहजरेण अच्चंत पीडिओ राया । समागओ चंदणभद्दो । पुच्छिया सरीरपउत्ती । राइणा भणियं - " भयवं ! महई दाहवेयणा ?" चंदणभद्देण वि जलजंतं काऊण उवसामिया । पउणो गया कओ । गओ नियविहारं चंदणभद्दो । परिवडिय सम्मत्तगुणेण चितियं राइणा - 'सोहणो भिक्खुधम्मो, एस चेव धम्मत्थिणा कायव्वो' त्ति जाओ मिच्छद्दिट्ठी । अणालोsयपडिक्कतो, परिहरियजिणिदभणिय देव -गुरु- धम्मतत्तो, महारंभ - परिग्गहासत्तो, अहाउयं परिपालेऊण रूहुज्झाणोवगओ, रयणप्पभाए नेरइयत्ताए उववन्नो । तत्तो वि उव्वट्टो तिरियाइसु दोह- दुक्खाणि अणुभविस्सइ । जओ —
।।६९९ ।। ॥७००
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |