Page Text
________________
१२
जुगाइ जिदि-बरियं
भणिया दारपालपुरिसा' राइणा अओ उच्चेण सद्देण वि वाइऊण नगरमज्झे पविसियव्वं अन्नहा भेः दंडो 1' पडवण्णमणेहिं रायसासणं तहेव कुणंति । राया वि वच्चइ पइदिणं कणगरहायरियसमीवं सुणेइ धम्मं, वहइ परिओसं, सम्मत्तपडिवत्तीए मासकम्पसम्मत्तीए विहरिया अन्नत्थ-सूरिणो ।
इओ य दक्खिणावह पट्ठियसुप्परट्ठनयराओ सुमंगल सेट्ठी महासेरिभसत्थेण वसंतसुंदररायपुत्तसहिओ अत्थोवज्जणनिमित्तं रयणपुरमागओ । आवासिओ नयरदाहिणदिसा भाए । पुंजीकयाओ अवल्लय ओ, मुवका चरणट्ठा सेरिभा । सेट्ठी वि गहिऊण पाहुडं समं वसंतसुंदरेण नरवईदंसणत्थं चलिओ । पत्तो नयरपोलीए । भणिओ निउत्तपुरिसेहि-- माहं वासु ।' वाइया सेट्टिणा, वाहजलाविललोयणेण भणियं वसंतसुंदरेण -- "ताय ! ताय ! घरचरियं व्व लिहिये ।" सेट्ठिया भणियं -- "कहं चिय ?" तेण वि साहिओ सवित्थरो सव्वो वि वइयरो । आणागयमेव गंतूण निउत्तपुरिसेहि साहिओ वसंतसुंदरपर्यंपण- वइयरो नरवइस्स । तयणंतरं पत्तो सुमंगलो, ढोइयं पाहुडं, पडिच्छियं राइणा, संभासिओ सायरं, निसन्नो दंसियासणे समं वसंतसुंदरेण वसंतसुंदरं नियंतस्स रविकरकरंबियं व कमलं पिव वियसियं रनो लोयण-जुयलं । ससिकरसंवलियं व जलहिजलं । कल्लोलियं हिययं । पुच्छिओ सुमंगलो -- 'अज्ज ! सव्वं वत्तव्वं किमेस पडिवण्णपुत्तगो उयाउ घरघरिणि संभवो ?' संकिय हियएण भणियं सेट्टिणा - 'महाराय ! पडिवण्णो तक्करेहिंतो अत्थेण मए गहिओ ।" राइणा भणियं -- " वच्चसु तुमं नियसत्थं", तंबोलाइणा सम्माणिऊण विसज्जिओ सेट्ठी । धरिओ ससमीवे वसंतसुंदरी ।
इओ य उत्तरावहाओ समं रयणसुंदरेण मह्या बलीवद्दसत्थेण समागओ रयणपुरं मंगलालओ नाम सेट्ठी । आवासिओ नयरउत्तरबाहिरियाए । सो वि पाहुडहत्थो रयण सुंदरसहिओ चलिओ रनो दंसणत्थं । पोलीए पविसंतो भणिओ निउत्तपुरिसेहि-- "भद्द! गाहं वाइऊण वच्चसु ।” वाइया रयणसुंदरेण । सखेयं भणिओ मंगलालओ - 'ताय ! अम्ह चरियं च लिहियं केण वि तं पि पढममेव साहियं रनो पुरिसेहिं । पच्छा पत्तो मंगलालओ । समपिय- पाहुडो सुहनिसण व पुच्छिओ । तेण वि संकियहियएण फुडं चेव भासियं जहा--' जहेस कंतारमज्झे अलद्धलक्खं इओ तओ परियडतो - - ' हा ताय ! माय ! 'इच्चाइ विरसं विलवंतो देसंतरनियतेहि मह पुरिसेहि पाविओ । पत्तं ति आणिऊण मह ढोओ। मए वित्तनिव्विसेसं संवढिओ ।" सो वि सम्माणिऊण विसज्जिओ । धरिओ रयणसुंदरो, अत्थि पुत्ताण feri vs जयबुद्धी, जणयस्स वि वि तेसु पुत्तबुद्धी परमप्पया संतगा चिठ्ठेति वच्चति वासरा ।
अण्णा सोमदेव-सत्थवाहो वि गहियविविहभंडो, रयणपुरं पइ समागच्छंतो पविट्ठो तमालाभिहाणं महावि वियाणिओ तमालसेणपल्लीवइणा । निउत्ता तेण धाडी तमधयाररयणीए वहंतस्स सत्यस्स । सिंगयसद्दपूरियंबरा 'हण, हण, हण', त्ति पपमाणा निर्वाडिया नाहला, विलोलिओ सत्थो, दिसोदिसि गया सत्थिया । बंदिग्गाहं गहिओ सोमदेवसत्यव हो । लतरा नट्ठा रयणावली । इओ तओ परियडंती पभायसमए पत्ता गाम मेगं पविट्ठा वुड्ढवाणियघरं, ठिया दिणमेगं, तओ रयणपुरं पइ पत्थिएण सत्थेण सह पत्थिया । तत्थ गयाए - - ' जइ न जायइ पइ- पुत्त- पत्ती ता मरामि वा तव विसेसं वापि काहामि जेण जम्मंतरे वि नेवंविह- दुक्खाग भायणं भवामि त्ति कयसंकप्पा कमेण पत्ता रयणपुरं । आवासिओ बाहि सत्थो । सा पुण नयरमज्झे पविसिउकामा भणिया पोलिरक्खगपुरिसेहि —— 'भद्दे ! ' गाहं वाइऊण वच्चसु ' वाइया तीए——भावियभावत्था मुच्छिया पडिमा धरणितले । मिलिओ पउरो पुरलोओ। कह कह विलचेयणा विलविउमारद्वा ।
महिलाण होइ सरणं पईव पुत्तो व्व जीवलोगम्मि । पद्म-पुत्तविरहियाओ जीवंतमयाओ रनणु ताओ हा ! विहि हयासनिक्किव ! अवरावरवसण! दाणदुल्ललिय ! पइ- पुत्तविरहियाहं संपइ भण कत्थ वच्चामि रणवली विरयणावलि व्व पइ - पुत्तसंगया आसि । पइ- पुत्तविरहिया पुण संप कायावली जाया हा ! हा! हय, विहिनिग्धिण ! करेसु करुणं करेसु मह मरणं । सारीरमाणसाई जेण समप्र्पति दुक्खाई गाहासुंदर सुंदर, सुंदरगाहा इमा कया केण । मोत्तूण तुमं पिययम ! को गाहासुंदरी अण्णो ?
१. भणिया पुरिसा० । राइणा दारवाला अउ पा० २. मया न पा० ।
Jain Education International
For Private & Personal Use Only
।।६८५ ।। ? || ६८६ ।।
।। ६८७ । ।
॥६८॥ ॥६८९।।
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |