Jugaijinandachariyam

SR No.: 001593
Original Sutra Author: Vardhmansuri
Author: Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad
Publication Year: 1987
Total Pages: 322
Language: Sanskrit
Classification: Book_Devnagari, Literature, & Story
File Size: 8 MB

Page 102

गाहासुंदरनिवकहा
रज्जलाभो । सहयारमंजरीफलदुगफलं च एत्थेव विउत्तपुत्तकलत्तेहिं सह संगमो भविस्सइ ।" पुणो वि पुच्छिओ राइणा'भयवं ! किं कारणं होऊण लच्छी बिहडिया ? केण वा कारणेण पउरतेउरस्सा वि दो चेव तणया समुप्पन्ना ?" सुरिणा भणियं-"सोम ! सुण कारणं ।"
इओ य पुव्वभवेसु सीमगामे सोमदत्तो नाम कुलपुत्तो' । पयइ भद्दगो तुममहेसि । अण्णया भोयणवेलाए समागओ तुह घरंगणे मासखमणपारण परमपसंतो पसमसुंदरो नाम मुणिवरो। तं दट्ठण उट्टिओ तुमं परम भोयण-थालं गहाय विसदसदाए दिणं तस्स दितओ विहडिओ तहाविहभावो । पूणो वि चितियं तुमए-'मा एय मन्नमाणेण' कयण्णेण' सा विणस्सउत्ति' पुणो वि संधिओ भावो । दिण्णमसेसं, बद्धं सविच्छेयं भोगसारं मणुयाउयं । जओ--
दाणंतराय वि वरुल्लसंत-तक्खण-विसुद्धपरिणामो । भत्तिभरपुलईयंगो धन्नो पत्ते धणं देइ ॥६८३॥
एवंविह भावणा भाविएण वंदिओ तए मुणिवरो । ता महाभाग ! दाणसमयविहडिय-संधिय-भावाणुभावेण संतरा लच्छी जाया । जं पुण पउरतेउरस्स विज्जें वि दोन्नि चेव तणया तत्थिमं कारणं इमम्मि चेव भवे कुमारभावे वट्टमाणेण सवयंसेण कीलानिमित्तमुज्जाणमागएण तुमए, जम्मंतरोवज्जियदूसह-दोहग्गदोस-दूसियाए, पइणो अणिट्ठाए, सासुयाए वि असम्मयाए, मरणनिमित्तमागयाए वणियबहुयाए--"भद्दे ! निदिओ सव्वसत्येसु अप्पवहो । जइ तुम सुहत्थिणी ता अविहिमरणमुज्झिऊण कुण दयासारं सव्वन्नुधम्मं ।' इच्चाइधम्मोवएसं दितो दिट्ठो गुणधरो नाम मुणिवरो । तओ तए अविणयभवणयाए जोब्वणस्स दुईतया (ए) रायकुमारत्तणस्स अवियारिऊण वत्थुपरमत्थं अणायारकारी एस' त्ति उद्धसिओ अहासन्निहिय लोग-समक्खं । तओ मुणि-तणुमणुपविसित्ता "सको भणिओ तुममुज्जाणदेवयाए--"रे पाव ! निष्फलमेव मणिजणं कयत्थितस्स ,निष्फलो ते कलत्तसंगहो ।" तं सुणिय 'आहणामि' त्ति पहाविओ तुम, देवयाए मुहेण पारिओ" । तओ भयभीएण विलक्खवयणेण अणेगहा पायपडणेण कहकह वि उवसामिओ सो तए मुणी । भणिओ यभयवं! निसुओ सावो, संपयमणुग्गहं करेसु, खमा पहाणा पणयजण-" वच्छला य महातवस्सिणो भवंति ।" तं सुणिय भणियं मुणिमहमणुगयाए देवयाए--"अपूइवयणा भवस्सिणो भवंति ता पहाणदेवीए य दो चेव ते सुया भविस्संति ।" तओ सासंको मुणिमभिवंदिऊण नगरमणुपविट्ठो तुमं । तओ पियरि उवरए राया जाओ"। परंतेउरस्स वि केण मे दो चेव सुया जं तए पुढें तत्थ इमं कारणं । तओ वंदिऊण सूरि चलिओ नयराभिमहो नराहिवो । थेवंतरं गंतूण निसन्नो सरपरिसर-संठिए वडपायव-तले । एत्थंतरे उवरओ तं नयरे राया। नत्थि कोइ रज्जारिहो, अमच्च-सामंताइसम्मएण अहिसित्ताणि ५ पंच दिव्वाणि ।
वऊण गयाणि जत्थ. सो गाहासंदरो.नराहिवो.। तओ गलगलियं गंधहत्थिणा, हिसियं हयरयणेण, ठियं सिरोवरि सियायवत्तेणं, दाहिणवामपासेसु निवडियाओ चारुचामराओ, अहिसित्तो कणयकलसेण, पणया अमच्च-सामंतादओ, जयजयावियं मागहेहिं, पगीया गायणा, पणच्चियाओ वारविलासिणीओ।
तो गंधवारणमारूढो पविट्ठो नगरं रायभवणं च । पुव्वाभिमुहो निसन्नो सुवण्णसीहासणे । कयमंगलोवयारो जहारिहसम्माणियसयलपणइवग्गो रज्जधुरमणुपालेइ ।
अण्णम्मि दिणे चउसु वि पोलीसु रन्ना एसा गाहा लिहावियाअण्णत्व सुया अण्णत्थ गेहिणी परियणो वि अण्णत्थ । भूयबलि व्व कुटुंबं पक्खित्तं हयकयंतेण ॥६८४ ।।
१. लपुत्तओ पा७ । २. तुम भोयण. पा० ।३. मण्णमाणेण पा० । ४. कयनेसा विण. जो. । ५. णमंतरा पा० । ६. रस्स दोनिवि चेव पा० । रस्स विज्जेसि चेव जे० । ७. तत्थ इमं पा० । ८. कारण इमम्मि चेव पा० । ९. अणिट्टियाए सा पा० । १०.दिट्टतो पा० । ११.. तणं पविसिऊण सको पा० । १२. पडिओ जे० । १३. णय पग्छल। पा०।१४. पाओ तओ जे०।१५. अहिवासिया जे. । १६. पउलीजे. । १७.तं कह कयं०पा० । .