Page Text
________________
गाहातुदरनिर्वाहा
..... .. एयं च सोऊण आउट्टो अज्जसुहत्थी 'मिच्छामि दुक्कड' दाऊण भणइ--'न पुणो एवं काहामि, खमह मह एगावराहं ।' तओ पुणो वि संभुत्तो । संपइराया वि रज्जं काऊण विसुद्ध सावगधम्म परिपालिऊण गओ देवलोगेसु । माणुसत्ताइ कमेण य सिद्धि पाविस्सइ । ता भद्दे ! एवं सुविसुद्ध सम्मत्तमणुपालेयव्वं जहा संपइराइणा । जो पुण सम्मत्तं विराहेइ तस्स दोसो-जहा गाहासुंदरराइणो । निन्नामियाए भणियं-'भयवं ! को एस गाहासुंदरो?" भगवया भणियं-- सण-1 .. . गाहासुंदरनिवकहा--
अत्थि इहेव जंब दीवे भारहेवासे विलासपुरं नाम नयरं । तत्थ णं गाहासुंदरो नाम राया, तस्स य सयलंतेउरप्पहाणा रयणावली नाम महादेवी । वसंतसुंदर-रयणसंदराभिहाणा दो तीए तणया । तिवग्गसारं विसयसुहमणुहवंताण ताण वच्चंति वासरा । अण्णया निसीहसमए निविडकवाडं दत्तग्गलं वासभवणमणुगएण सुहपल्लंकनुवण्णे राइणा मज्झिमवए वट्टमाणा गहियउज्जलनेवच्छा पविट्ठा चेव दिट्ठा एगा इत्थिया । पुच्छ्यिा नरवइणा--'भद्दे ! का तुम? कस्स वा परिग्गहे ? केण वा कारणेण मणुयमेत्ता लंघणिज्जे इमम्मि मम' संतिए वासभवणे अलक्खिया चेव पविटा?" तीए जंपियं-'नरदेव ! लच्छी अहं, ठिया पभूयं कालं तुह घरे, संपयं गंतुकामाए मए तए सह दंसणं कयं ।" रना भणियं--"भहे ! पत्थेमो किपि ।" लच्छीए भणियं-“भणसु", रन्ना भणियं-'छम्मासे जाव नाहं मोत्तव्यो पुरओ ते जहिच्छा ।' पडिवण्णं तहेव लच्छीए । भणिया पभाए रणा रयणावली-"पि(ए!) छम्मासे जाव देसु भुंजसु य जहिच्छाए लच्छी पच्छा गमिही ।" रयणावली वि तहेव काउमारद्धा । रन्ना वि वारी-कव-तडाग-देव-उलाणि दीणाणाहभोयणाणि य पवत्तियाणि, असण-वसग्राइणा सम्माणिया पासंडिया, कयत्थीकथा सूहि-सयण-वग्गा, गुणग्गाहिणो कया मागहजणा, एग दिणावसेसा जाया छम्मासा । तओ भणिया रहसि रयणीए रयणावली राइणा--"पिए! जावज्जवि न भयइ लच्छी ताव सयं चेव मोत्तण केणा वि अलक्खियाणि देसंतरं वच्चामो ।" जओ--
ता सयणा ता मित्ता पहुत्तणं ताव आयरो ताव । कमलदलच्छी लच्छी जा पेच्छइ निद्धदिट्ठीए२ ।।६७५।। अणहुंता विहु हुंतीए हुति, हुंता वि जंति जंतीए । इय' जीए समं वटुंति गुणगणा जयइ सा लच्छी ॥६७६।।
ता जावज्जवि न समायति सज्जणा, न वियसंति दुज्जणा, न दीसइ पराभवो ताव गम्मउ । देवीए भणियं-- "आणापडिच्छगो एस जणो जंभे रोयइ तं कीर ।" तओ वियंभिए तमंधयारे, पसुत्ते सयलपरियणे, वंचिऊण दिदि अंगरक्खयाण घेत्तूण ससुयं रयणालि अलक्खिओ चेव पच्छिमदुवारेण निग्गओ नराहिवो। चलिओ पुवाभिमुहो वहिऊण रयणी दिवसं च पत्तो गाममेगं । कयं भोयणं वुत्थो तत्थेव । बीयदिणे अडविमझेण वच्चंता जामावसेसाए जामिणीए पत्तो तक्करेहिं । गहियाणि संबलनिमित्तं वालियाणि पंचरयणाणि वत्थाहरणाणि य । तओ मुक्को गहियसव्वस्सो तक्करेहि । कह कह वि वहिऊण भोयणसमए पत्तो तेण सुहालओ नाम गामो । उत्तिन्नो तलाय-तीर-संठिय-जक्खाययणे । भोयणसामग्गी वि रहिओ कि कायन्वया विमुढो जाव चिट्रइ तावागओ जक्ख-वंदणवडियाए जक्खालयं चंदणो नाम वाणियओ । वंदिओ जक्खो । दिट्ठो राया । पुट्ठो य-“कत्तो तुम्भे समागया ?" राइणा भणियं-"महाभाग लज्जायरो मे वइयरो, असुओ चेव सुंदरो, जइ पुण ते परोवयारबुद्धी ता तहा करेसु जहा इमे बालया भुंजंति ।' वणिएण भणियं-"एह, मह घरं जेण ण्हाण-भोयणाइयं संपाडेमि ।" रन्ना भणियं--"अलं परघरगमणेण इहट्ठियाण चेव जमुचियं तं करेसु ।" गओ नियघरं चंदणो, काऊण पहाण-भोयग सामग्गि लहुं समागओ, व्हाय-भुत्तुत्तरं च सव्वेसि पि वत्थाणि संबलं च दाऊण गओ सघरं चंदणो ।" राइणा चितियं--"अहो मे जहन्नत्तणं ! जेण एयस्स वि उवयरणिज्जो जाओ।" अथवा__. तानीन्द्रियाण्यविकलानि तदेव नाम । सा बुद्धिरप्रतिहता वचनं तदेव ।। ....... अर्थोष्मणा विरहितः पुरुषः स एव । हन्यः क्षणेन भवतीति विचित्रमेतत् ॥६७७।। १. इमम्मि वासभवणे जे० । २. निद्धदिहि पा० । ३. ओजीइ मू.शु. । ४. जयउ मू.शु. ५. जावसेसा० पा० । ६. दिट्ठो य क. पा.। ७. व सोहणो जह० पा० ।।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |