Page Text
________________
जुगाइजिणिव परिवं. ____ता एयम्मि चेव गुणगणे पइदिणं पयत्तो कायव्यो'त्ति भणिऊण मोणमासिया सूरिणा । राया वि वंदिऊण सूरिपयपंकयं गओ सट्टाणं, सिंहासणनिसन्नेण स बहुमाणं संभासिऊण भणिया सेवागया रायाणो--
भो भो ! जइमं मन्त्रह सामीसमणाणं पणमह सुविहियाणं । कारेह य जिणभवणे जिबिंबे ठावहा रम्मे ॥६६५।। कारेह महाजत्तं अभयपयाणं च अट्ठदिवसाणि । दिवाणुसारओ च्चिय रहनिक्खमणं पयदेह ।६६६।। समणाण सुविहियाणं वसणासण-सेज्ज-वसहिमाईहिं । अणुतप्पह पइदियहं एवं खु पियं कयं मज्झ ॥६६७।। ते वि तहा पडिवण्णा विसज्जिया निय निएसु ठाणेसु । गंतूण जहासत्ति कुणंति जं राइणा इट्र॥६६८॥ एवं वच्चइ कालो विसुद्धसम्मत्तपालणरयस्स । समणजण-चरणजुयं भत्तीए सया नमंतस्स ।।६६९।।
अन्नया कयाइ चितियं राइणा-'जहा आरिया' ताव पण्णविया जइ अणारिएसु वि साहविहारो भवइ ता सोहणं' ति मन्नमाणेण भणिया अणारिया' 'जहा जहा मम पुरिसा तुब्भे करं मग्गंति तहा तहा दिज्जह" । तओ पेसिया साह-रूवधारिणो पुरिसा । भणंति य ते जहा-'अम्हं बायालीसदोसविसुद्धवसहि-भत्त-पाण-वत्थ-पत्ताइयं दिज्जइ, इम इमं च अण्णं पढणाइयं किज्जइ तओ राइणो पियं भवइ ।' अणारिया वि राइणो तोसणत्थं तहेव सव्वं करेंति। एवं च साहुसामायारीए भाविएसु अणारियखेत्तेसु विन्नत्ता सूरिणो-जहा 'भयवं! किमणारिएसु न विहरंति साहुणो?" गुरूहि भणियं'जओ तत्थ नाणाई नोवसप्पंति ।' रण्णा भणियं-'कि कारणं?' सूरीहिं भणियं-'न याणंति ते समण-सामायारि ।" रण्णा भणियं-"जइ एवं तो पेसेह साहुणो, पेच्छह सरूवं" । तओ रन्नोवरोहेण पेसिया सूरीहिं अणारिएसु कइवि साहुसंघाडया । तओ ते दळूण रन्नो संतिया एए पुरिसा इइ मन्नमाणा जहा सिक्खवियसामायारीए सव्वं करेंति । तओ साहहिं गंतुण अज्जसुहत्थीण निवेइयं जहा 'सव्वत्थ सुहविहारो, उस्सप्पंति य नाणाईणि ।' एवं च संपइराइणा अणारिय देसेसु वि साहूणं विहारो पयट्टिओ । तेय धम्मसिक्खागहणेण तप्पभिई भगा जाया । भणियं च आगमे
समणभडभाविएसुं तेसं देसेसु एसणाईहिं । साहूसुहं विहरिया तेणं ते भद्दया जाया । ६७०।। उद्दिण्णजोहाउलसिद्धसंगो, सपत्थिवो साहियसत्तु सेणो ।। समंतओ साहसुहप्पयारे, अकासि अंधे दमिले य घोरे ॥६७१।। __ कयाइ तेण राइणा पुव्वभवदमगपज्जायसमणु भूय पढमपरीसह सरंतेण कया चउसु विनयरदुवारेसु महासत्तायारा'। तत्थ दिज्जए दीणाईण महादाणं । उव्वरियं च महाणसियाणं 'भवइ । ते रन्ना पुच्छिया उव्वरियासेसं कस्स होइ? " तेहि भणियं-'देव ! अम्हाणं' तओ रम्ना ते समाइट्ठा-"जहा तं 'तुब्भे साहूण देज्जह, अहं तुम्हाण दव्वं दाहामि ।" ते 'तहत्ति पडिच्छिऊण रायाएसं तं साहूण दिति । नयरे य भणिओ कंदुइय-'नेसत्थिय-दोसियाइओ सव्वो वि लोगो, जहा 'जं साहणमुवओगं गच्छइ तं सत्वं वियरेज्जह, अहं भे वेयणं वियरिस्सामि ।" तो लोगो तहेव काउमारुद्धो । अज्जसुहत्थिसूरिणो एयं जाणमाणा वि सिस्साणुरागेण न निवारेंति ।
तओ सुणियवृत्तंतेहिं अज्जमहागिरीहिं चोइया अज्जसुहत्थिणो--"जहा अज्जो ! जाणमाणो वि रायपिडं असणीयं कीस गिण्हह ?" अज्जसुहत्थीहि भणियं--'जहा राया पया वि तहेव पयट्टइ । यत:-- राज्ञि मिणि धर्मिष्ठा: पापे पापाः समे समाः । राजानमनुवर्तन्ते यथा राजा तथा प्रजा : ॥६७२।।
अओ दोसा संका न कायव्वा । ततो 'माइ'त्ति काऊणं रुठेहि भणियं अज्जमहागिरीहिं-'जहा अज्जो ! तुम मम अज्जप्पभिई विसंभोगी । भणियं च आगमे--
सरिकप्पे सरिछंदे तुल्लचरित्ते विसिट्टतरए वा । साहूहिं संथवं कुज्जा नाणीहि चरित्तजुत्तेहिं ॥६७३।। सरिकप्पे सरिछंदे तुल्लचरिते विसिट्टतरए बा। आएज्ज भत्तपाणं सएण लाभेण वा तुस्से ।।६७४।।
१. पवतेह पा० । २. पियं करा म०प० । ३. जहा अणारिया प० । ४. या आयरिया पा० । ५. देज्जाह ज.! ६. गाहणेण जे । ७. सत्तागारी जे० । ८. याग हवइ पा० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |