Page Text
________________
तिलकमारी
चुम्बितचरणपरागमपरागं तृणवदुज्झितानन्तरायमनन्तरायं त्रिभुवनभवनदीपमभवनदीपं संसारजीर्णारण्यैकपारिजातमपारिजातं सकलभव्यलोकनयनाभिनन्दन नाभिनन्दनम् ; आनन्दगद्गदया नवोदभारालसरसत्पयोदनादमेदुरया, प्रासादभित्तिप्रतिनादच्छलेन सकलमपि गुणकलापमेकरूपेणाभिधातुमशक्यमाकलय्य कृतानन्तरूपयेवातिगम्भीरया भारत्या, स्मरयनिव समवसरणदुन्दुभिध्वनेः, इति कर्तु स्तुतिं प्रस्तुतवान्
शुष्कशिखरिणि कल्पशाखीव, निधिरधनग्राम इव । कमलषण्ड इवमारवेऽध्वनि भवभीमारण्य इह । वीक्षितोऽसि मुनिनाथ, कथमपि ॥ ६३ ॥ दृष्टे भवति नयनसृष्टया सममद्य जन्म जिन ! सफलमभून्मम ।
अकृतपुण्यमपि सुकृतिजन प्रति, लघुमात्मानमवैमि न संप्रति ॥ ६४ ॥ 10 इत्यादिभिः ॥
१७१) अपराभिरप्यनेकप्रकाराभिमदार पदवृत्तशालिनीमिरन्वर्थगुणग्रथनहृदयङ्गमाभिः संवेगविस्तारणपटीयसीभिः स्तुतिभिावर्जितप्राज्यपुण्यमारः परिक्षीणघनकल्मषसंघातलघुमपि संभावितगौरवम् , अवाप्सनिःशेषतीर्थाभिषेकमिव समग्रग्रहकृतानुग्रहमिव कराग्रलग्नसप्तलोकराज्यसंपदमिव पादत लाक्रान्तदुःखपरम्पराकूपारपारमिव पावनं च 15 सुखिनं च सुकृतिन च कृतकृत्यं चात्मानं मन्यमानः, चिरावस्थानविस्मृतगतिकमामिव कपोललावण्यपङ्कलग्नामिव दीर्घकालविरतनिमेषखेदनिःसहामिव लब्धलोकोत्तरास्पदपरित्यागकातरामिव मुनीन्द्रमुखचन्द्रात् कथञ्चिदनुरागनिश्चलां दृष्टिमाकृष्य ; 'पाटलचञ्चुपुटसूच्यमानशुकपेटकावस्थितिरतिप्रभाठ्योऽयमिन्द्रनीलमत्तालम्बः, चन्द्रिकाशङ्किचकोरलिह्यमानवदनेन्दुकान्तिरतिसुन्दरीयमिन्दुमणिशालभञ्जिका, भिन्नवर्णरत्नोपलपट्टसंघटनशबला- 20 खण्डलचापखण्डनिर्मितेवेयमाभाति स्तम्भपङ्क्तिः , अवलम्बितोज्ज्वलमुक्तावलीकलापमधोमुखमयूखकन्दलमिन्दुमण्डलमिवेदमानन्दयति सितदुकूलवितानम्', इति प्रशस्तानेकवस्तुदर्शनरसाक्षिप्तदृष्टिः, असियष्टिकरालकरतलैरमलमाणिक्यस्तम्भपातिभिः स्वप्रतिमाशतैरनु. गम्यमानमूर्तितया सपत्तिपरिवार इव, सुचिरमितस्ततः प्रासादकुक्षिषु विद्वत्य, दक्षिणभित्तिप्राग्भागभाजि बद्धगुञ्जप्रभञ्जनावतारचारौ चारणाभिलिखितसुभाषितविभूषितद्वारशिरसि 5 द्यतरसिकसुरकुमारकोत्कीर्णविविधफलकाङ्किततले भुजङ्गकामिनीजघनपुलिनस्पर्शलालितोत्सङ्गे विनियंदसितागुरुधूमवर्तिभ्रान्तिदायिना मरीचिचक्रवालेन धूम्रीकृताहिमांशुमहसि महीयसि महानीलवातायने ससंभ्रमोत्पतितदुर्लक्षपारापतमिथुनपक्षरवचकितचक्षुः कृतस्मितमुपाविशत् ।।
१७२) मत्तवारणोत्सङ्गसमर्पिताङ्गभारश्च तस्य वातायनस्य पाश्चात्यभित्तिगर्भविन्यस्ते स्त्यानचन्द्रिकापटलत्विषि स्फाटिकशिलापट्टे निकुट्टितामतिस्पष्टवर्णतया तद्दिनोत्की- 30 मिव मरकतद्रुतिपूरितनिखिलरेखारन्ध्रमांसलाभिरत्यच्छतयाश्रयस्य निरालम्बाभिरिवाम्बर
Jain Education International
For Private & Personal Use Only
www.jainelibrary.org
| SR No. | 001574 |
| Book Title | Tilakmanjari |
| Original Sutra Author | N/A |
| Author | Dhanpal Mahakavi |
| Publisher | L D Indology Ahmedabad |
| Publication Year | 1991 |
| Total Pages | 474 |
| Language | Sanskrit |
| Classification | Book_Devnagari, Literature, & Story |
| File Size | 11 MB |