Page Text
________________
१२६
कविधनपालकृता हिदण्डधरामण्डलोष्णवारणस्य, तत्क्षणोदितार्क बिम्बबहुलरागाभिः पद्मरागशिलासहतिभिराहितनिर्माण, निर्मानुषममानुषलोकसुलभदर्शनम् , आयतन ददर्श । तच्च तथाविधमपरत्र कुत्रचिददृष्टपूर्वमपूर्वाकारविशेषमशेषाश्चर्यपर्यन्तभूमिभूतमकाण्ड एवाविर्भूतमायतनमतनुविस्मयस्फारितपुटाभ्यामुत्पक्ष्मराजिभ्यां चित्रलिखिताभ्यामिव लोचनाभ्यां किमिदमिति 5 सक्षोभाक्षमीक्षमाणः क्षणमात्रमुपरतापरकरणसंवेदनशक्तिरेकेन्द्रियत्वमिवापेदे ॥
१६९) ततश्चन्द्रकान्तसोपानपरम्पराक्रान्ततलभागेन पतत्तरङ्गितगङ्गास्रोतसेवाम्बरविवरेण वरीयसा मरकतमणिगोपुरेणोत्सर्पिचूडामणिमरीचिमांसलितमण्डपहारवन्दनमालाप्रवालसन्निवेशः, प्रविश्याभ्यन्तर', दूरादेव विभाव्यमाननिरुपमरूपशोभाम् , अभिमुखीम् ,
अभितः प्रतिष्ठितयक्षदेवताप्रतियातनासनाथद्वारभागस्य नागदन्तावसक्तधवलचामरार्चित.0 चारुभित्तेरेकपाश्रीवलम्बमानसंकोचितदेवाङ्गजवनिकापटस्य जयन्तिकावलम्बिजाम्बूनदशङ्ख
लाकलितवाचालवज्रघण्टस्य दह्यमानप्रबलकालागुरुधूपधूमान्धकारमन्दायमानरत्नदीपदीधितिसंदर्भस्य गर्भवेश्मनो गर्भभागमलकृर्वाणां, ग्रहचक्रालंकृते मृगभाजि सिंहोद्भासिते नभस्तल इवालघीयसि सिंहासने निबद्धपद्मासनाम् , उपर्युपरि विरचितोत्तानकरयुगलकिसलयिता
मध्याम्, आभङ्गिनीभिः कृष्णागुरुपङ्कलिखिताभिरिव पत्रभङ्गलताभिः केशवहरीभिरध्या15 सितोभयांसपीठाम्, अपाङ्गभागचुम्बितश्रवणान्तेन किञ्चिन्नतपक्ष्मणा निर्विकारतारकेण
चक्षुषा विद्योतितवदनेन्दुविम्बाम्, अंसाबलम्बिधवलचामरामरेन्द्रसेवितसव्या पसव्यपार्था', प्रभापहृतबिम्बलक्ष्मीलाभाय भास्वतेव सेवागतेनातिभास्वराकृतिना प्रभामण्डलेनोद्भासिताम् , इन्दुमण्डलसितातपत्रत्रयीप्रकाशितत्रिभुवनैश्वर्याम् , अशेषतश्च विविधविमानवाहनाधिरूढैर
त्युदाराकृतिभिरप्सरोविराजितपाचरनिमेषलोचनतया रूपालोकनपरैरिव कैश्चिदारफालित. 20 दिव्यतूयः कश्चिदुत्सृष्टकुसुमष्टिभिः कैश्चिहलाटघटिताञ्जलिपुटैरम्बरतलवर्तिभिः कृत्रिम
सुरसमूहैः परिकरिताम् , आर्द्रगोशीर्षच दनाङ्गरागवाहिनीम् , आमोदितमन्दिरोदराभिर्मकरन्दलोभलग्नैरतिनिष्पन्दतया प्रसुप्तैरिव मूछितैरिव प्रथितैरिव मधुकरैः सारीकृताभिः पारिजातकुसुमस्रग्भिरभ्यर्चिताम् , अगाधभवजलधिसेतुबन्धस्य बन्धनिर्मुक्तात्मनो मुक्तिसुखैककार
णस्य निष्कारणबन्धोः परमकारुणिकस्य शरणार्थिजन्तुसार्थसाध्वसमुषो निर्निमेषेण केवलज्ञान25 चक्षुषा साक्षात्कृतसकलभावस्य भुवनत्रयगुरोयुगादिपार्थिवस्य प्रथमजिनपते ऋषभस्य
निर्भूषणामप्यनन्तगुणभूषणाम् , अपहस्तितगभस्तिमालितेजसा विग्रहवतेव केवलालोकेन सर्वाङ्गभ्यो विगलता प्रभापूरेण परितः परीतां, महाप्रमाणां, चिन्तामणिमयीं, प्रतिमामपश्यत् ।।
१७०) अनन्तरं च निरन्तरोदञ्चदुञ्चरोमाङ्कुर कदम्बकेन कदम्बकेसरोपहार३. मिव किरता विग्रहेणोदग्रपक्षमा ग्रलनोज्ज्वलाश्रुजलविद्युषा महाघमुक्ताफलार्घमिवोरिक्षपता 30 चक्षुर्द्वयेनोपलक्ष्यमाणहृदयानन्दथुना मन्थरमुपसृत्य ; शिरसि विरचिताञ्जलिमुकुलकराल
भालपट्टस्तटघटितैकशुक्तिसंपुट इव जलराशिरतुलया भक्त्या प्रणम्य प्रणतसुरमुकुटकोटि
Jain Education International
For Private & Personal Use Only
www.jainelibrary.org
| SR No. | 001574 |
| Book Title | Tilakmanjari |
| Original Sutra Author | N/A |
| Author | Dhanpal Mahakavi |
| Publisher | L D Indology Ahmedabad |
| Publication Year | 1991 |
| Total Pages | 474 |
| Language | Sanskrit |
| Classification | Book_Devnagari, Literature, & Story |
| File Size | 11 MB |