________________
४०८
महं पि पंजली, रागदोसभयमोहवज्जियं । देवदाणवनरिंदवंदियं, संतिमुत्तमं महातवं नमे ।।२५।। खित्तयं ।। अंबरंतरविआरणिआहिं, ललियहंसबहुगामिणिआहिं । पीणसोणिथणसालिणिआहिं, सकलकमलदललोअणिआहिं ॥२६।। दीवयं ॥पीणनिरंतरथणभरविणमियगायलयाहिं, मणिकंचणपसिढिलमेहलसोहिअसोणितडाहिं । वरखिंखिणिणेउरसतिलयवलयविभूसणिआहिं, रइकरचउरमणोहरसुंदरदंसणिआहिं ॥२७॥ चिचक्खरा ॥ देवसुंदरीहिं पायवंदिआहिं वंदिया य जस्स ते सुविक्कमा कमा, अप्पणो निडालएहिं मंडणोड्डणपगारएहिं केहि केहिं वि ? अवंगतिलयपत्तलेहनामएहिं चिल्लएहिं संगयंगयाहिं, भत्तिसंनिविट्ठवंदणागयाहिं हुति ते वंदिया पुणो पुणो ॥२८॥ नारायओ ॥ तमहं जिणचंदं, अजियं जियमोहं । धुयसव्वकिलेसं, पयओ पणमामि ॥२९।। नंदिययं ।। थुयवंदियस्सा रिसिगणदेवगणेहिं, तो देववहुहिं पयओ पणमिअस्सा । जस्सजगुत्तमसासणअस्सा भतिवसागयपिंडिअयाहिं । देववरच्छरसाबहुआहि, सुखररइगुणपंडियआहिं ॥३०॥ भासुरयं ।। वंससद्दतंतितालमेलिए तिउक्खराभिरामसद्दमीसए कए अ, सुइसमाणणे अ सुद्धसज्जगीयपायजालघंटिआहिं । बलयमेहलाकलावनेउराभिरामसद्दमीसए कए अ, देवनट्टिआहिं हावभावविब्भमप्पगारएहिं नच्चिऊण अंगहारएहिं वंदिया य जस्स
Jain Education International
For Private & Personal Use Only
www.jainelibrary.org
