________________
४०७
न तं नवसरयससी, तेअगुणेहिं पावइ न तं नवसरयरवी । रूवगुणेहिं पावइ न तं तिअसगणवई, सारगुणेहिं पावइ न तं धरणिधरवई ॥ १७ ॥ खिज्जिययं ।। तित्थवरपवत्तयं तमरयरहियं, धीरजणथुयच्चियं चुयकलिकलुसं । संतिसुहपवत्तयं तिगरणपयओ, संतिमहं महामुणिं सरणमुवणमे ॥१८॥ ललिययं ॥ विणओणयसिररइअंजलिरिसिगणसंथअं थिमियं, विबुहाहिवधणवइनरवइथुयमहियच्चियं बहुसो। अइरुग्गयसरयदिवायरसमहियसप्पमं तवसा, गयणंगणवियरणसमुइयचारणवंदियं सिरसा ॥१९॥ किसलयमाला ॥ असुरगरुलपरिवंदियं, किन्नरोरगणमंसि। देवकोडिसयसंथुयं, समणसंघपरिवंदियं ॥२०॥ सुमुहं ॥ अभयं अणहं, अरयं अरुयं । अजियं अजियं, पयओ पणमे ॥२१॥ विज्जुविलसिअं ॥ आगया वरविमाणदिव्वकणगरहतुरयपहकरसएहिं हुलियं । ससंभमोयरण खुभियलुलियचलकुडलंगयतिरीडसोहंतमउलिमाला ।। २२ ॥ वेड्ढओ ।। जं सुरसंघा सासुरसंघा वेरविउत्ता भत्तिसुजुत्ता, आयरभूसिअसंभमपिंडिअसुट्ठसुविम्हिअसबबलोघा । उत्तमकंचणरयणपरूवियभासुरभूसणभासुरियंगा, गायसमोणयभत्तिवसागयपंजलिपेसियसीसपणामा ॥२३॥रयणमाला ॥ वंदिऊण थोऊण तो जिणं तिगुणमेव य पुणो पयाहिणं । पणमिऊण य जिणं सुरासुरा, पमुइया सभवणाई तो गया ॥२४॥ खित्तयं ।। तं महामुणि
Jain Education International
For Private & Personal Use Only
www.jainelibrary.org
