________________
बोधप्रदीप
પ૭ २४. उन्मीलत्रिवलीतरङ्गवलया प्रोत्तुङ्गपीनस्तन
द्वन्द्वेनोद्धतचक्रवाकयुगला वक्त्राम्बुजोद्भासिनी । कान्ताकारधरा नदीयमभितः क्रूराऽत्र नाऽपेक्षसे
संसारार्णवमज्जनं यदि ततो दूरेण संत्यजताम् ॥२४॥ २५. सुप्तव्यालिनि शैलरन्ध्रकुहरे दैत्यस्त्रियोऽन्वेषिताः
खातः सोऽपि निशासु निष्ठरशिलाकूटो निधिश्रद्धया । तृष्णे ! देवि ! तथा त्वयाऽस्मि नटितो जानन्नपि प्रत्यहं
किं लोके न ममापि संप्रति यथा दास्येन रुद्धं मुखम् ॥२५॥ २६. वित्तैर्येषां प्रतिपदमियं मण्डिता भूतधात्री
निर्जित्यैतद्भुवनवलयं ये विभुत्वं प्रपन्नाः । तेऽप्येतस्मिन् गुरुभवहृदे बुद्बदस्तम्बलीलां
धृत्वा धृत्वा सपदि विलयं भूभुजः संप्रयाताः ॥२६॥ २७. क्रीडां करिष्यति कियच्चिरमेष हंसः स्निग्धोल्लसत्कलरवोऽत्र शरीरवाप्याम् ।
कालारघट्टघटिकावलिपीयमानमायुर्जलं झगिति शोषमुपैति यत्र ॥२७॥ भूपोऽहं नृपवृन्दसेवितपदः प्राज्ञः सुविद्वानहं शूरोऽहं निहतद्विषन् मुनिरहं सम्यक् तपस्वीति च । मिथ्याहंकृतिमोहिताः कृतमदं जल्पन्त्वमी वस्तुतस्तावत्कोऽहमिति प्रगल्भमतयोऽप्यात्माधिबोधे जडाः ॥२८॥ इयं मायारात्रिर्बहलतिमिरा मोहललितैः कृतज्ञानालोकास्तदिह निपुणं जाग्रत जनाः । अलक्ष्यः संहर्तुं ननु तनुभृतां जीवितधना
न्ययं कालश्चौरो भ्रमति भुवनान्तः प्रतिगृहम् ॥२९॥ ३०. स्वार्थारम्भप्रणतशिरसां पक्षपातात्सुराणां
तृप्तात्मानं करजकुलिशैर्दानवेन्द्रं निहन्तुम् । सिंहीभूतस्त्रिभुवनगुरुः सोऽपि नारायणोऽस्मिन्
रागद्वेषप्रणिहतमतेः कस्य न स्यात्पशुत्वम् ॥३०॥ ३१. न्यस्तो हन्त यदेन्द्रजालविदुषो मोहेन बन्धो दृशां
दृष्टाः काञ्चनचन्द्रचम्पकविशाकारास्तदा योषितः ।
२८.
२९.
Jain Education International
For Private & Personal Use Only
www.jainelibrary.org
