________________
सूक्तावली
८०. या वाऽस्तु विद्योदितशुद्धियुक्ता
नीत्या गृहीता न परोपतापात् । भूमिर्जिनेन्द्रालयकारणेऽसा
विष्टा विशिष्टाऽऽयतिसौख्यदत्वात् ॥८०॥ ८१. दलं च काष्ठाधुचितं क्रयात्तं
न देवतोद्यानवनादिसत्कम् । ग्रन्थ्यादिदोषैर्विकलं सुसारं
शुभं शुभैर्वा शकुनैगृहीतम् ॥८१॥ ८२. विधिरपि भृतकादीन् यत्समाधानयुक्तात्
समुचितभृतिदानात्सर्वदैवेह सर्वान् । वयमिव ननु यूयं गोष्ठिका: कीर्तितेऽस्मि
निति मृदुवचनैश्चाऽऽसन्नलोकं च कुर्यात् ॥८२॥ ८३. प्रतिदिवसं च शुभाशयवृद्धि विदधीत स इति चिन्तनया ।
अविकलनरजन्मफलं मम शिवबीजाप्तितो जातम् ॥८३॥ ८४. तथेदमालोक्य जिनेन्द्रमन्दिरं
निरस्तरागाकृतिबिम्बमत्र वा । जिनेन्द्रपूजामथवाऽतिसुन्दरां
प्रबोधमाप्स्यन्ति सुभव्यजन्तवः ॥८४॥ ८५. केचिन्जिनेन्द्रार्चनवन्दनेऽथ वा
स्वाध्यायसद्ध्यानसुभावनादि वा । धर्मोपदेशादि च कृत्यमादरा
दस्मिन् करिष्यन्ति ममाऽनुमोदनात् ॥८५॥ ८६. कमिह जगति पुंसस्तस्य नो सिद्धमिष्टं
प्रलयमघमुपेतं किं न वाऽत्यन्तदुष्टम् । जिनभवननिभेनाऽपारसंसारसिन्धूत्तरणसरलसेतुर्येन बद्धो बुधेन ॥८६॥ निजकुलगगनशशाङ्कः सुकृतामृतसुरसरित्तुषाराद्रिः । धन्यः स एव भुवने जिनभवनं कारितं येन ॥८७॥
Jain Education International
For Private & Personal Use Only
www.jainelibrary.org
