________________
(११) निर्लेपाष्टकम्
संसारे निवसन् स्वार्थसज्ज: कज्जलवेश्मनि । लिप्यते निखिलो लोकः, ज्ञानसिद्धो न लिप्यते ।।१।।
नाहं पुद्गलभावानां, कर्ता कारयिताऽपि च । नानुमन्ताऽपि चैत्यात्मज्ञानवान् लिप्यते कथम् ।।२।।
लिप्यते पुद्गलस्कन्धो, न लिप्ये पुद्गलैरहम् । चित्रव्योमाञ्जनेनेव, ध्यायन्निति न लिप्यते ।।३।।
लिप्तताज्ञानसंपातप्रतिघाताय केवलम् । निर्लेपज्ञानमग्नस्य, क्रिया सर्वोपयुज्यते ।।४।।
तप:श्रुतादिना मत्तः, क्रियावानपि लिप्यते । भावनाज्ञानसंपन्नो, निष्क्रियोऽपि न लिप्यते ।।५।।
अलिप्तो निश्चयेनात्मा, लिप्तश्च व्यवहारतः । शुद्धयत्यलिप्तया ज्ञानी, क्रियावान् लिप्तया दृशा ।।६।।
ज्ञानक्रियासमावेशः, सहैवोन्मीलने द्वयोः । भूमिकाभेदतस्त्वत्र, भवेदेकैकमुख्यता ।।७।।
सज्ञानं यदनुष्ठानं, न लिप्तं दोषपङ्कतः । शुद्धबुद्धस्वभावाय, तस्मै भगवते नमः ।।८।। 'नसार अष्ट' - भूण Paisa
153
Jain Education International
For Private & Personal Use Only
www.jainelibrary.org
