________________
અંક ૨]
[ ૧૯ કેટલીબધી હલચલ હોય ! શબર : બધાં વિવાહમાં ગયાં હશે નેહવે આવતાં જ હશે.
(કોલાહલ : મંગલ વાદ્યોનો ધ્વનિ) રોહિણેયઃ શ્રેષ્ઠીપુત્ર આવી પહોંચ્યો જણાય છે.
(વાજિત્રોના મંગલ નાદ અને ધવલમંગલનાં ગાન સાથે શ્રેષ્ઠીપુત્ર અને તેની નવવધૂ પ્રવેશ કરે છે. શ્રેષ્ઠીપુત્રનું અંગે અંગ આભૂષણોથી અલંકૃત છે. ઉત્તમ ચીનાંશુક પહેરેલું છે. મસ્તકે સોનાનો મુકુટ છે. ઉત્તમ અશ્વની પીઠ પર તે બેઠો છે, અને ઉપર મયુરછત્ર ધરવામાં
આવ્યું છે. બન્ને પક્ષનાં સ્વજનો તેને વીંટળાયાં છે.) રોહિણેયઃ આ અારૂઢ છે તે વર; તેની પડખે છે તે તેની નવવધૂ, અને આ
વરરાજાનાં માતા-પિતા કોણ ? દેખાડ તો ! શબર : આ (વચ્ચોવચ) સ્થૂલકાય શ્રેષ્ઠી દેખાય છે તે આના પિતા છે :
સુભદ્ર શેઠ. અને હાથમાં કંકાવટી અને ડાભ-પવિત્રા લઈને તેમની પડખે જ ઊભેલી, સર્વાગે અલંકતા સ્ત્રી દેખાય છે તે આની માતા
છે : મનોરમા શેઠાણી. (સંકેતપૂર્વક પરિચય આપે છે.) રૌહિણેય: છોકરાનું નામ શું કહ્યું હતું તે? શબર : મનોરથ. રૌહિણેયઃ (વરને સૂક્ષ્મ દૃષ્ટિથી અપલક નેત્રે જોયા કરે છે ને બોલે છે.)
આકારે “કામ” જેવો, વદનની સુષમા ચન્દ્રની કાન્તિ જેવી નેત્રો બે નીલવર્ણા-કમલદલસમાં, શંખ શો કંઠ આનો વાણી ઝાઝેરી મીઠી અમૃતરસ થકી, વાન સોનાસરીખો કેવો અદ્ભુત દીપે વર નિરુપમ આ પર્ણશા ચર્ણવાળો ! (૩)
અને જો તો ખરો - એના મુકુટથી નિખરતાં કિરણો નસાડે તિમિરને ને શુક્રતારકસમ ચમકતી માળ મોતીની ગળે વલી રત્ન પણ કરસૂત્રનું નવજાત સૂર્યશું શોભતું તેસ અંગ-વસની ચમક આગળ ચન્દ્ર પણ ઝાંખો પડે (૪)
Jain Education International
For Private & Personal Use Only
www.jainelibrary.org
