________________
राजा
पञ्चमोऽङ्कः]
[ १५१ राजा- (ईषद्विहस्य) अमात्य ! भवानेवात्रार्थे नदीष्णः, तद्विचार्यतां
यथावस्थितम् । [अभयकुमार:-] देव ! ईदृशी राजनीतिः, यदि चौर: सलोजहस्तः प्राप्यतेऽथवा
स्वयमात्मानमाविष्करोति ततो दण्डार्हो नान्यथेति । राजा- लोखं तावन्नास्ति, ततः किं विधेयम् ? । अभयकुमार:- तर्हि गर्दभादुत्तार्यायमेवापृच्छयताम् । अरे श्वपाक ! उत्तारयैनं रासभात् ।
(श्वपाकस्तथा करोति ।) (रौहिणेयं प्रति) अरे ! कस्त्वम् ?, कुत्रत्यः ?, कीदृक्षः ?,
किमाजीविकः ?, किमर्थमत्रागतोऽसि ? ।। रौहिणेयः- (स्वगत) निश्चितं यत्तात्कालिकमेव प्राणप्रहाणं न संजज्ञे तन्नूनं
दैवस्याप्यगम्यः । तनिवेदयामि पूर्वसूत्रितम् (प्रकाशं) देव ! . शालिग्रामवास्तव्यो दुर्गचण्डाभिधः कौटुम्बिकः कृषिजीवी प्रयोजनवशेनेहायातः ।
ततस्ततः ?। रौहिणेयः- ततः स्वजनाभावाच्चण्डिकायतने शयित आक्षिप्तो रक्षोभिरिवारक्षक
पुरुषैः । प्राणभयाद्ग्रामेयकत्वाच्च तथाविधं प्रत्युत्तरमजानन्
प्राकारमलङ्घयमहम् । अभयकुमार:- (स्वगतं) [अहो !]कूटैकपाटवं पाटच्चरस्य । राजा- अहो ! महाविस्मयकारी कथारसः । ततस्ततः ? । रौहिणेयः- ततः कथं कथमपि मध्यारक्षविनिर्यातो बाह्यारक्षेषु कैवर्तहस्तस्रस्तो
जाले जलचर इवापतम् । राजा- (ससंभ्रमं) ततस्ततः ? । रौहिणेयः- ततो निरपराधोऽपि बद्ध्वा चौर इवाधुना ।
अहमेभिरिहानीतो नीतिसारं विचारय ॥१७॥
राजा
जाल जलप
Jain Education International
For Private & Personal Use Only
www.jainelibrary.org
